بقلمي انا: latifa el
البارت 29
من قصة دموع طفلة
تاجهو تيجاه الدار وهو اسبقهم تاج الدين وفتح الباب
تاج الدين: تفضلو
دخلو لداخل عز العرب مشا كلس فوق واحد الوفطوي ومشا كلس حداه تاج الدين ولبنات كلسو تقابلو معاهم
تاج الدين: المهم دبا راه في هاد البيت كاينين فيه جوج بيوتا لمهم واحد ننعس فيه انا وتاج الدين ونتوما نعسو فلاخر
عز العرب شاف فيه: انا ونت في غرفة وحدة 😯
تاج الدين: اه اه
ريتان : انا مانقدرش ننعس مع هادي في بيت واحد
تاج الدين: علاش
ريتان: وهي فنعاسها كتتركل
جوري حطات ليها يديها على كتفها: عارفك بلي انا عزيزة عليك هههه
ريتان خنزرات فيها
تاج الدين: المهم انا غادي نبقا مع عز ونتوما تكلفو هادي لي عندنا
ريتان ناضت وجرات لباليزة ديالها وجراتها تجاه دروج : انا غادي نمشي ندوش ونرتاح شوية
عز العرب: اوا شكون ادير لينا لغدا
ريتان دارت عندو: ومالي انا خدامة عندك
عز العرب خنزر: وشكون ادير ليك نتي تاكلي انا مثلا
ريتان: انا ماقولتش ليك دير ليا لعشا اصلا انا مابغيتش
عز العرب سكت مجاوبهاش وهضر تاج الدين: غير سيرو انا ندخل للكوزينة ندير لعشا ونتوما تجمعو
جوري: اش بان ليك انا ونت نديرو وهما اجمعو
تاج الدين : صافي وخا
ناضو هما ديريكت مشاو كيوجدو لعشا مشات اول حاجة حلات التلاجة كبيرة بجوج بيبان لقاتها عامرة كولشي فيها
جوري: اش غادي نديرو ليهم
تاج الدين: ماعرفت بعدي نشوف
مشا موراها كيشوف فالتلاجة
تاج الدين: شوفي نديرو ليهم صدر دجاج مقلي مع البصلة ونتي ديري شلايض وخا براكة عليهم
جوري: صافي وخا
تاج الدين: ياله بداي
هو هز صدر دجاج كلس على طابلة وبقا كيقطعو صغير وهي هزااات البنان وخوخ والتفاح ومطيشة وحطاتهم على الطابلة وكلسات تقطع دارتهم في واحد الطبسيل بقات كتقطع حتى قطعاتهم كاملين وهزات السكر والخل والزيت دارت عليهم شوية وخلطات وبقات كتقطع لتاج الدين البصلة وهو كيقلي دياج وزاد عليه البصلة وبقا كيقليه حتى تعسل وزاد عليه الملح والعطرية وزاد عليه شوية ديال الما وكلسو كيستناو اطيب
جوري: عرفتي فاش ننعس ماعرفت واش نفيق ولا موحال هههه
تاج الدين: حتى انا عيان مدكدك
جقاو كيهدرو ....
اما عند عز العرب دخل للبيت لي ايبقاو فيه هو تاج دين مشا اول حاجة قاد حوايجو في لبلاكار وجبد داكشي لي غادي يلبس
ومشا دخل لدوش دوش وخرج لبس عليه سروال كيطمة وتيشورت وخلا شعرو هكاك طايح ليه على وجهو وهبط لتحت ...
اما ريتان حتى هي دخلات لبيتها مشات جبدات من الباليزة ديالها داكشي لي غادي تلبس ومشات دوشات وخرجات لبسات عليها بيجامة بسروال ودارت بنطوفات في رجليها وهبطات كتجر فيهم هبطات لقاتهم كيستناوها مشات كاسات حدا جوري وجات قدام عز العرب شافت فيه بتخنزيرة وهو بادل ليها تخنزيرة وحنات راسها كياكلو
😍😍😍😍😍
YOU ARE READING
دموع طفلة
Mystery / Thrillerقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
