دموع طفلة

البات 76

بقلمي انا: latifa el
البارت 76
من قصة دموع طفلة

  في بلاصة خرا كان طالع فدروج وهو هاز شي وراق في يدو بقا غادي حتى فتح باب البيت ديالها وعيط بسميتها بلامة احس
عز: ريتان
شاف البيت خاوي ومقاد بحال عمرو كان فيه شي حد تنهد وخرج زدح الباب خرج معصب من راسو مشا لبيتو رما دوك لوراق فوق النامسية وحيدحوايجو دخل لدوش تخشا تحت الرشاشة و    وطلق عليه الماء بارد على الله افتو هاد الشي لي حاس بيه منهار مشات من عندو وهو كيغلط في سميتها حتى من الخدمات كيعيط ليهم بسميتها حتى ولا معصب من راسو ماعرف شحال ولا عاطيها غير لشراب وكيكمي بزاااف
خرج مشا لبس عليه شورط جاه مزير بزاااف وخلا شعرو هكاك كينقط على وجهو ومشا للبلكون جبد كارو وبدا تيكمي حتى سلاه وهو تفكيرو في بلاصة وحدة جبد كارو اخر ومشا جاب الوسكي من الثلاجة صغيرة راها عندو في البيت جبد منها قرعا وكب كاس وخرج تاني كيشرب ويكمي في خطرة وحدة بقا كيشرب حتى ضرب القرعة كاملة ضرب الدور اجيب وحدة خرا وهو اتكونصة وشد على صدرو ويد شد فيها فالحيط وبقا كيكحب
عز: كح كحح ككح كحح
دار يدو على فمو وهو اشوف الدم تاني ولا في هاد المرات كيكحب الدم بزاااف حيت عطاها لشراب ولكمي وطبيب وصاه احيد هادشي كامل

عز العرب وقف وكيستنشق غير بزز وكيحاول اتهدن حيت ملي كيتعصب كيزيد ازير عليه لحريق كتر
  بقا على ديك الحالة حتى مشا ليه لحريق شوية ومشا بخطوات تقال دخل لدوش غسل وجهو وحط يدو على لبااابو وطلع راسو فلمرية شاف نيشان في عنيه لي ولاو عروقهم باينين وحومر من كترت الاعصاب بقا كيشوف شحال خرج ومشا هز كارو تاني كيكميه جتى سلاه ومشا تكا بلاصتو وهو كيشوف فسقف شحال عاد داه نعاس

صبح صباح جديد كيف العادة سمع صوت التلي ديالو كيصوني هزو وجاوب
عز: الو
تاج الدين: فينك
عز : فالمغرب
تاج الدين: وعارفين فالمغرب فين
عز: علاش نت فينك
تاج الدين: فالمغرب المهم واش راك فالدار
عز: اه
تاج الدين: اه وخا هاني جاي عندك
عز: وخا
قطع معاه ناض شاف فالساعة لقاها 9:00 تنهد نعس بزاااف ممولفاش ليه ناض دخل لدوش دوش وخرج لبس عليه لباس الدار عيبارة على سروال كيطمة مع تيشورت وخرج مع الخرجة وهو اوفو شاي عندو
تاج الدين عنقو: افين اصاحبي توحشناك
عز: الحمد الله على سلامتك
تاج الدين: الله اسلمك اوا صافا
عز: بخير
تاج الدين شاف فيه وكيتمعن فالشوفة: متاكد
عزالعرب جرو باش اهبطو لتحت : ياله ياله تمو هابطين فدروج وهو اوقف نفس الغصة جات في صدرو وقف وشد على صدرو وبقا كيتنفس غير بزز

تاج الدين شاف فيه : عز مالك
عز دار ليه اشارة باش اتهدن
عز العرب جبد كلنيكس وكيكحب فيه
وتاج الدين كيشوف فيه  وعز العرب عرف راسو كحب الدم باغي اخبيه باش مايشفوش
تاج الدين بقا كيشوف فيه وهو إلمح الدم في طرف فمو وهو اشد ليه وجهو
تاج الدين: اش هادشي
عز العرب: شنو
تاج الدين حيد ليه كلينكس وفتحو وهو اشوف الدم

😨😨😨😨😨