🌺احترس من فصل الشتاء 🌺
💙الحلـــــــــقــــ3ـــة 💙
🌹💕💕🌹
العبد ...مهما طال الزمان ...باش يعاود سيناريو ماضيه...اما في الحلمة ...اما بزلة لسان ...اما بمرض نفسي ...اما بذكرى معششة في مخو ماتتنحاش ...كل تصويرة من تصاور ها الدنيا ومهما اختلف محتواه...باش يراها تجسيد لماضيه. ..وكلام ايلاف لخص ها الاحتمالات الكل وجمعهم في جملة وحدة...قعد ساكت لثواني ثقيلة ...وبعدها مد يدو لكرفاتو نحاها من على عينيه ...قبل مايشوف وجها دارت وعطاتو بالظهر ...خزر لقفاها وتخيل ماضيها ايلي جبر...راجل يقلها ها الكلام ...؟!..حاول يربط الاحداث فيسع فيسع ...ورسم الحكاية بالمعلومات ايلي عندو...بنية صغيرة عمرها عشرة سنين ...مغمضة العينين ...ومعاها راجل يقلها نفس الجملة ايلي قالتهالو ..؟!...هاااذي مأساة...هاذي جريمة في حقها ...
قام ملهوف عليها ...وكاينو يرى فيها هاك البنوتة الصغيرة " شكوووونو ..." الدم فار في راسو " شكوووونو ها الحيوان ؟! "
غمضت عينيها ورفضت حتى باش تخزرلو " على اما حيوان تحكي "
حط يدو على كتفها نيتو يواسيها...لكن هي نطرتهالو ...وتلفتتلو بكلها " اذا حاضر...نبداو ليلتنا "
دقيقة...زوز....تلاثة...اربعة...خمسة دقايق تعدو ...والزوز واقفين ...مقابلين بعضهم...العين في العين ...كلمة وحدة ماتقالتش...ماتسمع كان النفس متاعهم طالع هابط ...اضطرت تكسر هاك السكوت وذكرتو " سألتك اذا حاضر ؟! "
"مانيش حاضر .."
شاف راحة كبيرة تظهر على وجها ... كاينها كانت تستنى في هاك الجواب ...وقتها زاد تأكد انها جات باش تحكي ...موش باش تعدي ليلتها ...في داخلها فمة غصة كبيرة ...حرقة عظيمة ...عاشت سنين طويلة في ظلام ذكرياتها ...تتعاود قدامها تصويرة هاك البنية المغمضة عينيها ...
رجعت للكاناباي وقعدت ...مدت ساقيها وخزرتلو وهو مازال واقف " تنجم تقضي اومورك الكل ...تبدل حوايجك ...تدوش ...تكمل الخدمة ايلي ناقصتك...تعمل تاليفوناتك ..." نفخت هواء قوي " كمل تو تلقاني نستنى فيك "
حطت ذراعها على جبينها وغمضت عينيها ...وهو طاوعها وخذى برايها ...بالاخير موش باش يعدي ليلتو وهو بلبسة الخدمة ...قضى اومورو الكل ...كيف ما مسانس يعمل عبارة وحدو ...كيف رجعلها كانت في مخو اسئلة جديدة جات لبالو وقتها ...لكن اول ماخزرلها ...وقف على بلاصتو وتبسم...متكونرة بكلها وراقدة في سابع نومها حتى من فمها محلول ...تبسم على حالتها ....تبان من غير هموم ومازالت عمياؤ صمياء في ها الدنيا ...ايلي يراها مستحيل يتخيل القسوة ايلي عاشتها .
عمل ايلي لازم يتعمل ...جابلها غطاء وغطاها ...حطلها مخدة طرية تحت راسها ...ومانساش يخليلها دبوزة ماء ع الطاولة ، ربما تكون عندها عادة شرب الماء في وسط نومها...قبل ما يقصد شومبرتو خزرلها اخر خزرة ...ها المرة جاتو بساقيها ...المرة الجاية هو يجيبها ...اذا ليلتهم باش توفى هكا ...فماذابيه تزيد ها الليالي .
أنت تقرأ
☔☁إِحْــتـَرِس مـن فَصـلِ الشِّـتـاء ☁ ☔🍀( كرونيك باللهجة التونسية: مكتملة ) 🍀
Short Story... 🎑🎑 .... .... ☔☔ .... ✨ممنوع نقل الكرو في اي ڨروب وفي اي باااج اخرى ✨ 🌠 ★الاسم " ☁إحترس مــن فصـل الشتــاء☁" ★الكاتبة "NõDÂ ★النوع "رومنسي ،اجتماعي ، عائلي ،تشويق ..." القصة" 🌿من دون ألوف الرجال ...اختارتو ...لا لشيء غير ان...
