BTS Ramadan Special

▫All Thanks To Walima▫

"Mera tum logon k saath guzara bht mushkil hy!"

Aj k din ka aaghaz Ammi ki uss drowni awaaz se hota hy jisko sun k hmare yaani unki badeed aulaad k ronghty khare ho jaate hyn.

Or yunh sirf yeh aik awaaz jo aik khatre ki ghanti se kuxh kam nhi hoti, phir aik azaab bn kr toot ti hy jisko hm, ba haisiyat Pakistani "LECTURE" ka naam dete hyn.

Abbu ne bhi dining room mein lgi mehfil mein shirkat ki hui hy or woh Ammi ko kisi trhan thanda krne k koshish kr rhy hyn.

"Bs bhi kr do ab tum. Kitna daanto gi inko?" Abbu ne pucha. "Ehsas naam ki cheez hi nhi hy tumhari aulaad mein. Is qadr dheet, lgta hi nhi meri aulad hy."

"Ab kia kr dia hy inho ne?" Abba hmein dekh kr boly jo iss waqt sofy or kursion pe bethy aj ka lecture sun rhy thy.

"Tumhari maa avaein thori cheekh rhi hy, tum logon ne kuxh toh kia hoga."

Wahh Abba Wahh! Ammi ki taraf daari kr rhy hyn ap? Or woh jo hm pichly aik ghante se Ammi ka khtarnak lecture sun rhy hyn woh kia?

Khair ghalti hmaari bhi hy.

Kal raat ko jb hm Barat se wapis ai toh thaky huy thy. Junaid Bhai se gifts lene k baad apne apne kamron mein jb sony ki tyaari kr rhy thy toh Yonus Bhai or Shehzad Bhai ne pizza order krwa lia.

Jo so rhy thy woh bhi pizza ka naam sun kr yunh uthy jysy pizza khai bgair inko chain nhi ana.

Hairat ki baat yeh hy k Barat pr itna thonss kr bhi inka paet nhi bhara tha. Paet hy k koi paani ka kouwa? Khair achi baat yeh thi k raat ko in sb ka metabolism acha kaam kr rha tha issi lia bandaron ki trhan khaate rhy.

Warna ap jaante hyn kysy kysy hadsaat waqia ho skty thy mujhy detail mein btane ki zarurat nhi hy.

"Ammi mein sach keh rha hun meine koi plate nhi tori thi. Apni plate dho kr aya tha," Jahangeer ne kaha.

"Mujhy pta hy kon plate dhota hy kon nhi, ziada safiyan paish krne ki katai koi zarurat nhi kisi ko!" Ammi gusse se bolein.

Aj Bhai or Bhabhi sahi bach gai hyn Ammi se. Jaldi utny ki taufeeq nhi hoti dono ko or Ammi ne bhi uthana gwara nhi kia unko.

Wysy unhe dant pare bhi kiun? Unho ne toh hmare saath neechy raat ko shugal mela nhi lgaya balky apne pizza k do do slices Musa se keh kr upar mngwa lia thy.

Kia kr skty hyn hm? Bary log hyn hukam toh chalaein gy na. Abhi bs inki chuttiyan bhi over hony waali hyn phir Junaid Bhai PMA or Jannat Bhabhi AMC. Sara dheet pana aik hi din mein nikal dein gy yeh Army waale inka.

"Ammi mein bta rha hun yeh Maryam bht bari game hy aik number ki drami hy. Sofy k neechy issi larki ne plates rkhein thein," Jameel ne kaha.

"Chawlein na maaro tum ziada piddu kahein ka. Khud ne bottle pi kr pardy k peechy chupai thi woh kia? Ilzaam lgana koi tumse seekhy. Pta nhi Tai Amma tumhe kysy bardasht kr leti hyn. Phata speaker na hoto," Maryam boli.

"Oo oo! Tumhari zuban hy k 100 ki speed pe chalti Mehran!?" Hassan Bhai boly jinko abhi bhi dant ka koi asar nhi hua tha.

"Paidaishee badtameez, badlehaz larki hy yeh," Najam Bhai ne kaha.

"Mein aik kaam krti hun tum sbk haath mein aik aik danda deti hun or shuru ho jao aik dusry ka sar phorny mein kiun apna waqt zaiya kr rhi hun," Ammi ne kaha.

Lo jee aj hmara sahi band baj rha hy. Din k saath saath qismat bhi khrab hy.

Abhi yeh topi drama chal hi rha tha k Junaid Bhai or Jannat Bhabhi neechy utar ai.

"Ammi aahista bolein pury muhally ko suna rhi hyn?" Junaid Bhai boly.

"Hayee mein sadqy jaun! Puttar tum dono ka koi deen imaan hy k nahi? Subah k 10 bajj rhy hyn or tum dono ki neendain puri nhi ho rhien?"