عودة إلياس

الجزء الرابع

عودة إلياس (الجزء الرابع) بعد 3 سنوات في بيروت
راكان وهوي حاطط المسدس براس سعد: احكي ولاك شو بتعرف عن العقرب
سعد : انا مابعرف شي
راكان : طيب هلق بعد مافرجيك المقطع هتخبرني ان كنت بتعرف شي و لا لأ

طالع راكان الجوال من جيبو و حط عالمقطع و حط الشاشة قدام سعد ليتفرج
شاف سعد الفيديو وهوي خوفان وكان عم يشوف بالمقطع كيف مرتو بغرفة ايديها مربوطات و هيي عم تبكي و تناديلو
سعد : لا بترجاك كلو إلا زوجتي محدا يإذيها
راكان بإستهزاء وعدم مبالاة : ياحرام قهرتني كتير عليك شايف هالأمورة بأي لحظة منقتلها و بتقلك باي باي
سعد بإستسلام : شو بدك تعرف عن العقرب😔
.....................
بقصر كبير في سنغافورة
العقرب : شو صار بصفقة السلاح
خالد: كلو تمام معلم
العقرب : عرفتولي شي معلومات عن هاد الي اسمو روبر
خالد: معلم أمور هالرجل غامضة جدا و ما عرفنا عنو غير بعض المعلومات البسيطة
.
.

روبر : راكان شو عرفت من سعد عن هاد الي اسمو العقرب
راكان : العقرب متلك بالظبط شخص غامض بس المعروف عنو انو اكبر تاجر أسلحة و مخدرات بالمنطقة و أعمالو ممتدة لكتير مناطق و بيشتغل بكل شغلة بيجي منها مصاري و هوي مستلم الصفقات الي بتمرق من ايران ل لبنان
و شغلوا تابع رسميا للخال عما يبدو في علاقة بتجمعهن بس شو هيي لسا ما اكتشفنا
.
.
العقرب : طيب احكيلي بالظبط شو عرفتو عنو
خالد : تاجر أسلحة صفقاتو الي بقوم فيها قليلة بس رابحة بشكل رهيب و شكلوا لهلق مجهول بكل مرة بتصير فيها صفقة بيظهر للعملاء بشكل جديد بمعنى أوضح انو لسا ما ظهر شخصيا عالساحة بوكل أشخاص عنو ع اساس انو هوي ، وكمان مطلوب للدولة قام بعدة عمليات قتل ضابطين و ملازم و نقيب و لهالسبب صار اسمو عند الحكومة شبح الموت
العقرب بإهتمام : هالانسان ذكي كتير وعرف كيف بفترة قصيرة يثبت حالو
خالد : بتريد شي تاني معلم
العقرب وهو عم يدخن بهدوء : اي جبلي اسماء الضباط الي قتلهن روبر هاد و كمان حاول توصل إلو
.
.
روبر : الوصول للعقرب بيبدا من اصغر عضو في المنظمة من عند سعد و بما انو سعد بإيدنا هلق لازم اعرف وين رح يصير الاجتماع
راكان : الاجتماع رح يكون اليوم الساعة 12 بمطعم (عجائب الدنيا السبع) رح يكون بين واحد اسمو نديم من لبنان و مهرب الجمارك التركي مهند آركان
روبر بإبتسامة خبيثة : هلق بلش شغلنا عالسوا
راكان : بالنسبة للمطعم اذا احتجت فيه شي إلنا ايدين هنيك
روبر : تمام لان بهيك موقف انا بحاجة للمساعدة
طالع بهالوقت راكان صورة كرسون من جوالو و فرجاها ل روبر
راكان : هاد زلمتنا اسمو يمان فيك تستعين فيه
روبر : اوك
......
الساعة 12 الا ربع
روبر وهوي متنكر بباروكة و حاطط سكسوكة وعدسات فضي: حضرتك يمان?
يمان : نعم بإيش بتأمر
روبر بصوت واطي: انا من طرف السيد راكان
يمان : اووه افهمت عليك اهلا و سهلا بشو بتأمر
روبر : في زبائن حاجزين هون من قبل بإسم سعد الجبلي صحيح?
يمان : اي نعم صحيح
خود هاد جهاز تنصت بدي تحطو تحت الطاولة الي رح يقعدو عليها
يمان : أمرك معلم بتأمر بشي تاني
روبر : لا شكرا
.
.
بعد بدقائق وصل نديم و بعدين مهند وقعدوا عالطاولة الي حاجزينها و قدامهم مشروبات
نديم : إن السيد خالد يبلغك تحياته و يقول لك بأن الشاحنات ستأتي من ايران الى تركيا خلال هذين اليومين و يجب اخراجها من تركيا فور وصولها
مهند : حسنا كما يريد حضرته ولكن هناك بعض الصعوبات التي سنواجهها خاصة في سوريا فلا بد من عبور الشاحنات من أراضيها
نديم : لا بأس إن أمر العبور من سوريا سيكون مهمتنا و لكن يجب إعلامنا من أي طريق سوف تمر
مهند : في هذه المرة ستدخل الشاحنات من الحدود الشمالية هناك المنطقة ملائمة للتخفي
نديم : حسنا لا بأس افعل ما تراه مناسب
مهند : ألم يخبركم السيد خالد متى موعد إستلام المال ?
نديم : ستستلم المال فور وصول الشاحنات
مهند : حسنا اتفقنا