فصلية الشيخ فهد🔞

بارت الـ19..

وافرفح بيك واصعد سكته الك
وانزل غنه بطاريك ينثرني الحِزن
واتشلبه الك ع الشوگ
داير لك دفو ويلتم نثاري عليك.

.......................................

فردوس:- صارلي تقريباً شهرين متزوجين اني وجاسر واليوم كعدت دايييخه بشكل مو طبيعي

واحس روحي اريد اوگع وهوه كلساع الله والله

جاسر:- دمشي بويه خليني اخذج للدكتور  ،،  مو انتي دايخه

_ لا مابيه شي  مابيه،،  نزلت اطبخ غده ما حس الا الدنيه فترت بيه وطحت...

ما حسيت على نفسي الا واني بالمستشفى وجاسر ديحاجي لدكتوره وعيوني مغوشات   ،،   شافني كعدت اجه يمي خله ايده على راسي بقلق

جاسر:- بخوف  ،،  هاا حبيبي شون صرتي..

_ دايخه جاسر حييل...

_ يي بويه هسه تروح لدوخه..

_ جاسر شبيه..

_ مابيج شي بويه هيج دوخه..

_ لا صدك من الصبح واني مدري شبيه
...

_ يي عندج فقر دم حاد ونقص بالحديد مابيج شي..

_ افففف  ،،  نشالله خير..

_ نطلع من المستشفى؟؟  لو بعدج تعبانه..

_ لا خلينه نطلع  ،،  ريحه لمستشفى مو حلوه..

_ جاا امشينه بويه..

_ وصدك طلعنه  ،،  لكيت عمتي متانيتنه للعلم ابو جاسر متوفي  ،،  وبعدها ممتغديه ومخلتني اصب الاكل

صبت وكلينه والدوخه بعدها براسي
كمت غسلت المواعين بلكوه وصعدت فوگ  ،،  لكيته كاعد يگلب بتلفونه

ذبيت روحي عـ السرير اخذني بأحضانه الدافيه  ،،  ونمت..

   ....................................

غزل:- كعدت الصبح على حركته وخبصته بالغرفه  ،،  وهذا يدل انو الاستاذ فهد ضايع منه شي وخابص لدنيه  ،،  نتچيت على تاج الجربايه وضليت افرك بعيوني واحاجي..

شبيك فهد تريد شي..

فهد:- بوويه كومي دوريلي شماغي الاحمر اريده ماكو  ،،  لا اتأخر عـ لكعده يله بويه..

_ كايمه كايمه  ،، دورت عجزت ماكوو فص ملح وذاب  ،،  فهد هواي دضيع اشياء من الغرفه عطرك والساعه السيت نوم مالتي وهسه شماغك ادري وين راحن..

فهد:-  يجوز ورده تلعب بالغراض..

_ لا لا لتخلي السبب بورده  ،،  ورده تلعب بالعابها وحتى من سويتلها لغرفه لهسه متدخل هواي كاعده بغرفتها اني اروحلها..

_ ومن ترحين الباب تقفلينه..

_ يي والله اقفله..

_ جاا شون يضيعن   ..