فصلية الشيخ فهد🔞

بارت الـ10

ويا هلي ..
لو ضعت منكم ؟
عني لتنشدون وادم
مالي بلوادم ربع
روحو خمو اعيون كل متعوب
تلگوني دمع .

..........................................

احساس غريب من يدخل عليك
شخص لا يعرفك ولا تعرفه، بس المشكله ايدك على كلبك

خاف البالك يصير صحيح؟ تاليها وين تروح كلبي وجعني من شفتها وخفت والسبب جان لان فهد شيخ، وخاف يسوي لبالي لكن لكل بدايه نهايه

اجه شعلان دخل ودخلت وراه بنيه كلنه كمنه مصدومين....

فدعة:  يااا خايب منهي هاااي، من يا سلف..

شعلان:- هاا جده هاي مرة حفيدج الشفيه عباس..

فدعة:- يااا حبيبة دخلي دخلي، شجابج على عباس الهتلي ييمه..

فردوس:- تفضلي حبيبتي، لتخافين..

غزل:- جانت لابسه بوشية او بركع، فتحت البوشي البنيه عيونهه سود وملامحمها ملامح بنيه عاديه..

باوعت ليقين وجهه احتقن وتريد تبجي، عود هيه لعباس

فردوس لـ جاسر
ويقين لـ عباس
وبنين لـ صكر عود الله يرحمه
مناهل لـ فهد، بس بعد سقط حقها تولي، ويعني كل واحد حاجزله وحده

بس عباس لوتي مثل ميكولون قشمر,  عود هوه ويقين يحبون بعض ويردون يتزوجون طلع، لاخ متزوج ويمكن سمعت زوجته حامل..

رحت كعدت يم البنيه وجهه بي اثار ضرب، مبين ضاربيها وخايفه وترجف خطية ذكرتني بنفسي من اجيت

وهيج استقبلتني فدعه، اخخخ اخخ بتاريخ 2011/5/15 دخلت لهذا البيت كوني فصليه وصرت خادمه

تحت رجليهم ورجلين متمردي، لكن بتاريخ 2012/3/4 صرت عاشقة هذا المتمرد، صرت محبة الفهد الغاظب

تعرفت عليها البنيه فقيره، وبس ترجف خطية والشيوخ طولو، هنوب صاحولها وراحت اخذها شعلان

واجت تبجي، يمه قلبي احسه انقبض كلتلها فدعه خيرج يمه..

ندى:- خاله اهلي تبرو مني،وعباس ما يقبل يعترف بيه زوجته..

فدعة:- خايبه يولي هذا غصباً عـلى الخلفة،يمه غزلان صعديها بغرفة عبيس...

غزل:- نشالله،كلتلها تعاي واجتي ورايه كعدتها بغرفة عباس،كالت اني خايفه
،كلتلها عادي الخوف عند كل بنت وخصوصاً بهيج مواقف واني نفسج

ندى:- كالوو انتي الفصلية..

_ بنبرة حزن وأسى اي اني الفصليه،هسه اني اترخض،نزلت و بديت انضف مخليت شي منضفته

وخاله ام صگر طبخت الغده والخوانم كاعدات،اجت نهر..

نهر:- خايبه وينج..

_ هاا هياني،جنت انضف..

_ كبوور،رجلج يريدج..

_ هااا..