أحببتة ولم يحبني

البارت السادس

#مريم نصر"ظلال خفية"

البارت السادس
حسام:طب انا لسه هروح بعربيتي تعالي معايا.
رؤى بتردد:ماشي.

وركبت رؤى مع حسام وطول الطريق و رؤى عماله تاكل وتشرب.

حسام:كفايه اكل حرام عليكي.
رؤى:وانت مالك،انا جعانه.
حسام:يا بنتي انا خايف عليكي من كل الاكل اللي اكلتيه ممكن بطنك توجعك.
رؤى:شكرا على المعلومه.

بعد نصف ساعة.

رؤى بصوت عالي:حساااام.
حسام:ايه؟
رؤى:عايزه اخش الحمام(يابجحتك انا قولت انك جريئه بس مش لدرجه تقوليله في وشه عايزه اخش الحمام).
حسام:اعمل ايه يعني؟
رؤى:اجري شويه يا بني آدم هو انت ماشي على قشر بيض؟
حسام ببرود:ماشي.
رؤى بصراخ:ااااااااه بطني.
حسام حط ايده على بوقها:يخربيتك الناس هتقول اني خطفك اعدي سكته.
رؤى بوجع:حسام أنجز بدل ماهعملهالك في العربيه.
حسام برق من جراتها:يا بت المجنونه انتي بتقولي ايه؟
رؤى بصراخ:انجاااااااز.
حسام:اهدي في كافيه اهو.

ووقف حسام ورؤى نزلت تجري على الكافيه وحسام ركن العربيه ونزل دخل الكافيه واعد على ترابيه يستناه وهي خرجت شافته اعد راحت اعدت معاه.

حسام:تشربي ايه؟
رؤى:عصير قصب.
حسام برق:عصير ايه؟
رؤى بإستغراب:عصير قصب، مالك في ايه؟
حسام:لا ولا حاجه بس هنا مفيش عصير قصب بصي خدي المنيو وشوفي اي حاجه تانيه.

رؤى اخدت المنيو وأعدت تقلب فيه وبعد لما خاصت بصت لحسام.

حسام:هاااه شوفتي هتشربي ايه؟
رؤى:المنيو مفيهوش عصير قصب😂.
حسام برق:يخربيتك، بصي لما نوصل شرم هجبلك اللي انتي عايزاه.
رؤى:ماشي.

وخرج حسام ورؤى من الكافيه وكملوا طويقهم لحدلما وصلوا وشافوا يارا واقفه مستنياهم.

رؤى بشر:حبيبت قلبي جت لقضاها.
حسام:انتي بتقولي ايه؟
رؤى:ولا حاجه.
حسام:طب يلا انزلي.
رؤى بخبث:ثواني بس هطلع حاجه من الشنطه وهنزل.
حسام بعدم اهتمام:ماشي.

ونزل حسام من العربيه ورؤى طلعت من شنطتها بيبسي وفتحتها ونزلت من العربيه وخبت البيبسي ورا ضهرها وبدأت تق ب ليارا ويارا ياعيني مش فاهمه في ايه ومره واحده لقت البيبسي على دماغها وشعرها باظ والميك اب بتاعها ساح.

رؤى بضحك عليها:احسن احسن علشان تبقى تمشي وتسبيني واحسن علشان انا قولت ميت مره متحتطيش ميك اب شكلك احله من غيره.

يارا مش مركزه معاها من الصدمه وعماله تحسس على شعرها ووشها.

حسام شاف يارا مبلوله و رؤى عماله تضحك فاقرب منهم علشان يشوف في ايه.

حسام:ايه ده؟ ايه اللي عمل فيكي كده؟
يارا بغل:ست زفته بتاخد حقها مني.
رؤى:احسن.
حسام:كنتي خدي حقك باي طريقه تانيه الا دي.
رؤى بعند:لا انا حره.