أحببتة ولم يحبني

البارت الثالث عشر

#مريم نصر"ظلال خفية"

البارت الثالث عشر
رؤى بصدمه:ما...مازن.
مارن بابتسامه:عامله ايه يا رؤى؟
رؤى بصدمه:ازاي؟
مازن بهدوء:تعالي معايا و انا هفهمك كل حاجه انتي عايزاها.

رؤى طبعا حسه انها مشوشه من كتر الصدمات و حست ان الدنيا بتدور حواليها و مره واحده كل حاجه بقت سوده أدام عنيها، مازن طبعا لما شافها بتقع شالها وداها العربيه و حاول يفوق فيها لحد لما فاقت.

رؤى بتعب:انا فين؟
مازن:انتي معايا.
رؤى:معاك...انا مت صح؟ قولي ان انا مت.
مازن:ماموتيش بس كل الحكايه ان...
رؤى بمقاطعه:ان ايه بس ان كلكم بتعذبوني ليه كلكم بتسبوني و تمشوا ليه؟ حتى انت يا مازن انت عارف انا حبيتك اد ايه و في الاخر خالص مشيت ليه؟ عملتلك ايه علشان تعمل فيا كده؟
مازن:اهدي يا رؤى و انا هشرحلك كل حاجه.
رؤى هتشرحلي ايه؟ هتشرحلي انك دمرتني اكتر مانا مدمره.
مازن:اهدي بس اهدي و انتي هتفهمي كل حاجه.
رؤى:ماشي....ماشي انا هديت اهو فاهمني بقى عملت كده ليه؟
مازن:بصي يا رؤى احنا بعد ما قرينا الفاتحه انا كنت بخطط لمهمه، المهمه دي اني امسك عصابه كبيره بتبيع سلاح في وقت تنفيذ المهمه اللي هي بعد قرايه فتحتنا بشهر، المهمه فشلت و العصابه عرفت مين الضابط اللي ماسك المهمه اللي هو انا و طبعا هما بعد لما عرفوا كانوا بيخططوا يقتلوني فأنا بعد المهمه دي علطول سافرت انا و ولاء اختي و طبعا هما في الشغل تشروا خبر وفاتي و انتي كنتي بعيده عن الخطر علشان احنا معملناش حاجه رسمي و المفروض ان العصابه دي صدقت ان انا مت علشان بقالي تلت سنين مش ظاهر و انا نزلت مصر و منت رايحلك البيت و عرفت انك على علاقه مع حسام فبعدت و سافرت تاني بس كنت بتابع اخبارك و عرفت كل اللي حصل فعلشان كده انا جيت أقف جمبك في ازمتك و كمان علشان بحبك و لما بعدت بعدت علشان كنت مفكر انك بتحبيه و علشان فكرتك هتبقى سعيده و بالتأكيد بما انك هتكوني سعيده في حياتك فأنا كمان هبقي مرتاح.
رؤى بعدم استيعاب:ايه المسلسل الهندي ده؟انت سارق المشهد ده من روايه ايه؟
مازن:صدقيني يا رؤى هو ده اللي حصل و كمان انا عايز نرجع لبعد يا رؤى.
رؤى:مش هينفع يا مازن.
مازن بحزن:ليه يا رؤى؟
رؤى بهدوء:بص يا مازن انا مبقاش عندي ثقه في حد ممكن يكون بعد اللي حسام عمله فيا كان عندي شويه ثقه في اللي حوليا بس بعد اللي انت عملته انا مبقاش عندي ثقه في اي حد مهما كان مين.
مازن:انا فاهمك يا رؤى و فاهم الصدمه اللي انتي فيها بس فكري انا بحبك و انتي عارفه كويس و حتى لو مش موافقه ان احنا نرجع لبعض خلينا أصحاب.
رؤى:ماشي يا مازن هفكر بس موضوع نبقى أصحاب ذه لا انا مش عايزه أصحاب انا بقيت بكره كلمه صحاب.
مازن:خلاص يا رؤى مش لازم نبقى أصحاب لو مرجعناش لبعض بس خليني أقف جمبك.
رؤى:ماشي يا مازن ممكن بقى توصلني.
مازن:انتي هتعدي فين هنا؟
رؤى:اشتريت شقه هنا هعد فيها.
مازن:اشتريتي شقه ازاي و انتي اول مره تيجي أمريكا؟
رؤى:يا مازن في واحده زميلتي عايشه هنا فكلمتها و قولتلها تشتريلي شقه و بعتلها الفلوس اللي هتشتري بيها الشقه.
مازن:ماشي يا رؤى.

وصلها مازن المكان اللي ساكنه فيه و مشي و رؤى طلعت الشقه و كلمت والدتها.

رؤى:ماما عامله ايه؟
ليلى:الحمدلله يا حبيبتي طمنيني عليكي وصلتي بالسلامه؟
رؤى:اه يا ماما الحمدلله.
ليلى:يارا جت سألت عليكي.
رؤى بغضب:كانت عايزه ايه؟
ليلى:ولا حاجه سألت عليكي و مشت.
رؤى:و انتي قولتلها ايه يا ماما؟
ليلى:قولتلها انك سافرتي.
رؤى:بعد كده يا ماما لو جت و سألت عليا قوليلها من ساعه ماسافرت و انا معرفش عنها حاجه.
ليلى:ماشي يا رؤى.
رؤى:سلام دلوقتي علشان عايزه استريح.
ليلى:سلام يا حبيبتي.

بعد خمس سنين.

رؤى في الخمس سنين دول عملت شركه ادويه قبل ما تخلص الدراسه و كان مازن بيشجعها و كان واقف جمبها على طول لحد لما فيوم عزمها في مطعم و اتقدملها و هي وافقت و بعد خمس سنين قرروا انهم ينزلوا مصر و طبعا حسام لما عرف ان رؤى نزله مصر راح اشتري بوكيه ورد و استناها في المطار.

في المطار.

خلصت رؤى و مازن الإجراءات و خرجوا و رؤى شافت حسام واقف و اول ما شافها بدا يقرب منها.

حسام بيند ايده لرؤى:حمدلله على السلامه يا رؤى.
مسك مازن ايده و سلم عليه مكان رؤى:الله يسلمك.
حسام بإستفهام:انت مين؟ مين ده يا رؤى؟
رؤى بخبث:ده مازن خطيبي.
حسام بصدمه:خطيبك!
&&&&&&&&&&&&&
ياترى علاقه رؤى و مازن هتكمل؟
و ياترى رؤى هتعمل ايه مع حسام؟
&&&&&&&&&&&&&&&&&&
يتبع........

#مريم نصر"ظلال خفية"