مَساء الوَرد وَ الياسمين ♥️
تَحتَ أفياء الذَاكِرة
سَما العُبَيدي
الذِكرى الثانية
_وشكثرهم
_منو هم ؟
_هذوله التعبوني وذبلت عيوني بسببهم
_ واني منهم ؟!
_ لاوحكك انته كلهم***************
الماضي
خلصت العطلة واني تقريباً سيطرت على اغلب المواد الصعبه ورجع الدوام وبالي عند امي طول الوقت افكر اخاف تتعب او تتاذى واني عايفتها وانتظر الوقت يخلص ارجع ركض للـبيت اطمن عليها
مرات ام صكبان تبقى يمها بعد ما تكمل شغل بيتها وتطلع اولادها للـمدرسه بس هي هم مسكينه اخاف عليها من زوجها لو يعرف يسويلها مشكله كبيره
ما تحملت ابقى بـهذه الحيره والخوف كلت احجي للـمديرة عسى ولعل تساعدني دكيت باب المكتب واستاذنت للـدخول وحجيتلها حاله امي وطلبت منها احضر بس اول ٣ دروس واطلع للـبيت ما وافقت وحقها منو يوافق عن هيج شيء ويتحمل المسؤوليه
استسلمت للأمر الواقع وتوكلت ؏ رب العالمين
هو الي يحفظ امي بغيابي ويساعدها
الدراسه صعبه والمواد مكثفه والشغل وعلاج ماما
كلهن هذن صارن يضغطن عليه مرات افكر اترك هاي السنه وارجع واكول بس اترك بعد ابوي ما يخليني ارجعامتحنت الشهر الأول والحمد لله ناجحه بعدنا اسبوع وبدت امتحانات الشهر الثاني ڪل هذا واني ادرس وحدي والمدرسات مو كلش دراستهم زينه اغلبهن يكولن انتو عندكم خصوصي ؏ شنوو نتعب نفسنا !!
كاعدة بمكاني مركزه بالـشرح والمدرسه شرحت شويه وطلعت دك الجرس طلعت من الشعبة ورحت الها
دخلت للغرفة وكتلها اريد احجي وياجكامت وياية وكفنا بالباب كالتلي
_شنوو عندج_بس بلا زحمه عليج ست اليوم انتي تركتي الدرس ؏ النص وباجر عدنا امتحان وهذا الموضوع جديد شلون نمتحن بي وانتي مكملتي
جاوبتني بغضب
_شنوو قصدج اني مهملة انتن كلجن عدجن خصوصي ومتهتمن للشرح بعد ؏ شنوو داتعب نفسي وياجن_ست صح اغلب البنات عدهن خصوصي بس اني ماعندي وحتى لو عدنا هذا واجبج ولازم تقومين بي
صاحت بوجهي
_ادبسززز بلا اخلاق تعلميني الواجب امشي وياي للمديرة
![](https://img.wattpad.com/cover/252925951-288-k170203.jpg)
YOU ARE READING
تَـحـتَ أفيّـاء الذَاكِـرةّ
ChickLitمن إنا لكي ينبض قلبي من إنا لكي آحب وأُحب فأنا التي خلقت من قوة وصلابة ونشأت بالظلام وكبرت نفسي ب نفسي جاهدت وتعبت للحصول ؏ سبل السلام التي لم أراها حاولت العيش لنفسي ولم أفلح حاولت إصلاح وضعي ولم أنجح لم أستطع إخراج نفسي من ظلامي وظلمتي تمن...