مَساء الوَرد و اليَاسَمين ♥️
تَحتَ أفياء الذاكِرةّ
سَمَا العُبَيدي
الذِكرى السَابِعة
عِشرتك تشبَه الفانوس
حُصتي الِـ بيها دَور الچام
رُغم شَابع چَوي مِن النار
أَحظن بيها لا تُطفى
أحظن بيها و أنا انزف
مِثل خِشبة وَ تَحظن البِسمار
رُغم چَتالها تعُرفة
****************
المَاضي
گلبي وجعني رجفت من فوك لـجوه معقوله سعاد سوتها وفضحتني معقوله شوفته كُل شيء لازمته عليه وهو زور وافتراء قويت نفسي وحجيت بـصوت يرجف
_ ما فهمت عَليك طائف تمزح وياي مو ؟
بلعت ريكي انتظره يضحك ويكول كشفتيني عادي اتقبل هذا الشقه ولا يكون شايف الفيديو طلع موبايله من جيبه ايده ترجف فتحه وخلاه بـوجهي اخذته من ايده وانطعنت مره ثانيه بـنفس المكان وانلجم جرحي ومُستحيل يطيب وكعت بالارض ابجي مااعرف شنو اسوي مااعرف شنو اكول همست صوتي يطلع بـصعوبه
_ مو حقيقة والله كذب كُل هذا كذب ولعبه من سعاد والله لعبه
باوع عليه بـنظرات كُلها احتقار وعدم تصديق وطلع من الغرفه ضليت ابجي واضرب بـوجهي وگلبي اتمناه يوكف واخلص من الي منتظرني ليش هيج سووووت ليشششش عفتلها بيت امي عفتلها ابويه عفتلها حب حياتي شنووو تريد مني اكثر شنوووو
ضليت ابجي واتحسب عليها وادعي ربي يطلع حوبتي باعز ما تملك لان مست اعز شيء عندي وهي سمعتي وشرفي جنت راسمه خطط واحلام عن حياتي الجديده كلت من اليوم انسى كُل شيء مر عليه وانسى انتقامي وسبب زواجي من طائف كلت احبه واحترمه واعتبره زوجي وسندي مو وسيله لانتقامي من وليد كلت انساه واعتبره ما موجود ولا مره عرفته انطيت وعود لـنفسي هوااااي بس كُل شيء فشل كُل شيء انتهى قبل لا يبتدي
انفتحت الباب دخل طائف ملامحه معدومه حسيته شخص ثاني وجهه ما يتفسر ومشيته مو طبيعيه خفت ورجفت ونزلت دموعي بانكسار كال بدون لا يباوع عليه
_ ليش سعاد سوت هيج وشوكت
رفعت راسي وكلت احجي وشنو يصير خل يصير
_ من فتره قبل لا التقي بيك مااعرف ليش هيج سوتتتت اجت باتت يمي هي وفاطمه دخت ونمت بدون لا احس على شيء كعدت الصبح لكيت نفسي بدون ملابس
رفع وجهه عيونه فاتحهن على وسعهن كال
_ ايييي ؟؟؟؟؟
_ سئلتها شنو الي صار شوفتني نفس الفيديو
VOUS LISEZ
تَـحـتَ أفيّـاء الذَاكِـرةّ
ChickLitمن إنا لكي ينبض قلبي من إنا لكي آحب وأُحب فأنا التي خلقت من قوة وصلابة ونشأت بالظلام وكبرت نفسي ب نفسي جاهدت وتعبت للحصول ؏ سبل السلام التي لم أراها حاولت العيش لنفسي ولم أفلح حاولت إصلاح وضعي ولم أنجح لم أستطع إخراج نفسي من ظلامي وظلمتي تمن...
