فصلية الشيخ فهد🔞

بارت الـ22..

ومن كلتلك
اموت ابدون ما اشوفك جنت جذاب
لا خلف الله ع الجيله التحطلي صواب،
ومِنا وانتهت ، والباب ؟        
يوسِع باب .
⁩

.............................

وتأكدت ان الحياة نعيشها مرة واحده يومٌ لك ويومٌ عليك  ،،  وهلخبر هدمني طيحني فوك ما اني طايحه كسرني فوك ما اني مكسوره

دخلت للديوان ولكيت عمي صلاح وجود رجل رفل..

تفاجأت الصراحه توهم يله ذكروني ومع انو ما سألو علي بس استقبلتهم بالاحضان

صلاح:- هلا ببنيتي غزوله كبرانه حبيبة عمها..

_ رحت حضنته وبجيت وسلمت علي وسلمت على جود حضنته هم..

جود:- لج هاي شنو خدودج ذبلانه غزووول..

_ هههه  ،،  شونك عمي مشتاقتلكم بابا وين ليش ما اجه ليش مسألتو علي..

صلاح:- اوووف يا بنيتي اجيتج بموضوع مهم وسمعيني للاخير

بنيتي والله مادري شكلج بس ابوج كلي وصللها لحجي بالحرف الواحد

_ بويه رهف بسنه الـ92 ابوج طلع الصبح للدوام  ماشي بطريقه لان قبل مو مثل هسه جنه ما متمكنين وابوج جان عدنه بس علي ورفل قبل لا يوصل للدوام سامع صوت طفله تصرخ من البجي راكض عليها لان ابوج يحب الجهال شايفها بنيه حلوه وعيونها لونهن غريب وبيضه

عين الله عليها ماخذها وراجع للبيت دخل بيده البنيه كلحنه استغربنه ومنو هاي ومنين جبتها وحجالنه لقصه وضلينه يومين ندور على اهلها بس ماكو عاد ابراهيم (ابو غزل)  كال ما عوفها هاي البنيه وراح تصير حالها حال رفل وعلي وامج ايدته وكالت انا اربيها وسموو هالطفله غزل

غزل:- ا ا ا عممي انت ش ش جاي تكول  ،،  بقهر ودموع يعني اني مو بتكم اني مو بنت ابراهيم اني اخوي مو علي ولا رفل ناس غربه عني

_ يي بابا هاي الحقيقه الجنتي ماتدرين بيها من سنين وابوج وصاني قبل لا يتوفه جان عارف بروحه...

_ شنوووووووووووو بابا مات  ،،  ضليت مثل المتهستره اكض عمي واحاجي كليي جذذب كليييي عمووو كلييي انا بتكم واجيت اخذج لبوج عموو بابا ميموت ولكككك باابااااااا

صلاح:- ولج خليني اكملج وامشي ادري بيج صعبه بس عمي هاي امانه

فهد:- غززززل تعاي يمي وخلي لرجال يحجي بدون صوت..

غزل:-  فكرر بيه فهدد شنو بدون صوت ولك العايشه وياهم سنين واعتبرهم اهلي مو اهلي...

_ اشش بويه خلي يحجي وبعدين سوي لتردينه..

_ يله سكتت احجي عمو..

صلاح:- بويه ابوج وامج من بعد ما اجيتي فصليه تقريباً بـ٦ اشهر ابوج تمرض ودهورت حالته وكذلك امج وعلي ضل يشرب وسوالفه الموزينه عمت عليهم صفر ابوج تصفر ناس تطلبه وناس تجي تهد علينه علمود علي فيوم من الايام ابوج قرر يروح للزياره هوه وامج ورفل