أحلام عاصي بقلم أسماء محمد

الجزء الثاني عشر

#الجزء الثاني عشر#
صيحت الصبح وقامت ولبست وصلت وافطرت وراحت ع الدوام وصلت ع الشركه وكانت خايفه متردده تفوت اه ولا لا كانت خايفه تتبهدل او تنفصل او يعاقبها بس بالاخر اخدت نفس ودخلت وطلعت ع الدرج وصلت ع طابق الرابع وشافتها جولين
جولين:عاصي منيح انك اجيتي في ملفات ضرورين بدي اعطيكي اياه واعطتها ملفات
واجت الاء:عاصي هذا الملف بتشوفيه وبتعطيه للاستاذ
واجت لين:اغلبك هاي فلاشه عليها كل المعلومات اعطيه ياها
واجى عدي:صباح الخير يا حلوه
عاصي:صباح الورد
جولين:اه نسيت صبح عليكي بس بدك صراحه الاستاذ لسا ما اجى وقاعدين بنعمل بالملفات الي طلبهم صح مبروك لانك نجحتي بفكرت المشروع قلتلك رح تعجب الاستاذ
الاء ولين: مبررروك
عاصي: الله يبارك فيكم
عدي قرصها من خدها:يما انا شو ذاكي بتجنني
عاصي:ولك لا تلمس خدودي كمان عيب
عدي:انتي متل اختي ف عادي
لين وهيه مبسوطه:عنجد هيه متل اختك
عاصي:اه انا متل اخته صح عدي
عدي:اه طبعا كمان هيه انقذتني من الاستاذ صح
عاصي:لا تزكرني لانه رح موت من ضحك 😂
عدي:لا تضحكي مع انك حلوه بس تضحكي
جولين:اه اصلا هيه بتجننن بس هلا لازم نروح ع الشغل يلا
وراح كل واحد ع الشغل وهيه طلعت على مكتبها وكانت عم تشتغل بعد بكم من ساعه اجى الاستاذ ع الشركه وشافها وهيه وقفت صار قلبها يدق من الخوف وكانت خجلانه من الي عملته
جواد: صباح الخير اعمليلي قهوه وجيبيلي اياها
وكمل ع مكتبه وهيه حكت:اعتقد انه نفصلت راح حلمي
وضبت ملفات عشان يكونوا جاهزين وراحت عملت قهوه واخدت ملفات وقفت ع الباب ودقت وحكالها تفوت ودخلت
وقفت قباله وهيه خايفه عاصي:استاذ تفضل هي القهوة
جواد عم يشتغل وما طلع عليها:شكرا
عاصي وقلبها بدق:وعفوا وهي هذا ملف وهاي فلاشه بس لازم تشوفهم وتوقعهم
جواد:اه ماشي
عاصي كانت واقفه وعم تطلع عليه وحكت:انا اسفه ع الي صار مبارح ما
وفجأة قاطعها جواد: اذا عندك امور غير شغل انا ما دخلني فيها هون بس لشغل اذا في شي بخص شغل احي واذا لا فيكي تروحي
طلعت عليه عاصي وكانت ع وشك انها تعيط بس طلعت بره
عاصي: لا مارح عيط كمان ليش رح عيط خلص انسي
ماقدرت وصارت تعيط وراحت ع الحمام وتخسل وجها وتهدي حالها وطلعت ع مكتبها وقعدت وشربت مي وكملت شغل
بعد شوي اجتها جولين: عاصي
عاصي: نعم جولين
جولين: اليوم تروحتنا بكير لكل الموظفين
عاصي: عنجد ومتى رح نروح
جولين: ع ساعه 2 كل الموظفين كيفوا واجيت حتى قلك
عاصي: اه والله كيفت احسن نروح بكير
جولين:اه معك حق يلا كملي شغل خلينا نخلص ونروح
وراحت ع شغلها وعاصي كمان كملت شغلها وصارت ساعه 2
وصار موعد ترويحه ضبت اغراضها وكانت رح تمشي بس طلع الاستاذ من المكتب وشافها وسالها
جواد:شكله رح تروحي
عاصي وقلبها رجع دق وخافت شوي:اه لانه ترويحه اليوم ع 2
جواد:اه صح ومشي وتوجه عند الاصانصيل وهيه طلعت وكانت بدها تتنزل من درج ونادا عليها جواد
جواد:لوين نازله هي المصعد
عاصي:لا خلص رح انزل من الدرج احسن
جواد:لا خلص هلا بننزل من المصعد يلا تعالي
وفتح الباب المصعد ودخل جواد جوه وكان كابس ع زر عشان لا يسكرا عاصي كانت خايفه لانه بتخاف تطلع فيه
عاصي:عارف يا استاذ درج احلى بتتسلى وانت نازل
كانت بدها تروح بس حكى:عاصي رح عد ل 3 ما بتكوني جو رح عصب وجن عليكي واحد
كانت واقفه وخايفه وكت بطلع زي هديك المره وهو حكى تنين
وحكي ثلاثه ولا هيه دخلت الاصانصيل بسرعه طبعا رجعت لوره وكانت مغمضه عيونها وخايفه وهو كبس ع الزر عشان ينزلوا طبعا ما حكوا اشي لف عليها وشافها كيف مغمضه حس انه هيه خايفه بس ما بعرف انه هيه خايفه من الاصانصيل
ورجع طلع قدامه وفجاه وقف المصعد وهيه حست انه وقف
عاصي:شو صار كانه وقف
جواد:اه يمكن كبس ع الزر بس ما شتغل وحكى يمكن عم يحبسوا عليه من بره وقف
عاصي خايفه:لا مستحيل لازم انزل من هون لازم يتحرك وراحت عند الباب وصارت طبل حدا سامعني افتحوا الباب بسرعه حدا عم يسمعني
جواد كان واقف ومستغرب منها:ليش عم تصرخي كمان مارح يسماعوكي وهلا رح يشتغل فا مافي داعي انك تصرخي
عاصي وبلشت عم تعيط:خليهم يفتحوا الباب
جواد:ليش عم تعيطي لا تخافي هلا بفتحوه وطلت التلفون وحاول يرن بس مافي شبكه يالله مافي شبكه هون
عاصي:خليهم يفتحوا الباب وقعدت ع الارض وبلشت تعيط
جواد:هلا بفتحوا لا تخافي بس هو يمكن وقف قد ما كبسوا عليه
عاصي:يا رتني ما طلعت والله بخاف منه
جواد:من بتخافي من الاصانصيل
عاصي:لا تضحك علي والله موت خوف وكانت عم تعيط بقوه
جواد:عشان هيك ما بتطلعي عليه وبتجيبي قهوه وانتي نفسك مقطوع طلعتي بتطلعي الدرج
عاصي وعم تعيط وتشهق:اااهه
جواد بده يهديها:لا تخافي هلا رجالي بفتحوا الباب
وفجأة نقطعت الكهرباء وهيه خافت كثير ونطت ع جواد وعبطته عاصي:انا كتير خايفه وبخاف من عتمه كمان كانت بتعيط كثير حتى صارت تشهق وهو طالع تلفونه وضوا الفلاش جواد:هي ضوا لا تخافي مافي شي بخوف انا معك
عاصي:بدي احكيلك اشي قبل ما نموت انا كثير اسفه انا كنت معصبه عشان هيك انا اسفه
جواد بعدها عنه ورفعلها وجها : شو عم تحكي لا تخافي مارح نموت كمان انا ما زعلت منك عرفت انك كنتي معصبه
عاصي:انت كذاب اكيد  بعدك زعلان
جواد:اسمعي اول اشي انا ما بكذب وثاني اشي لا تحكيلي كذاب لو زعلت منك كان عصبت وزعلتك بس انا ما زعلت عرفت انك كنتي معصبه فانسي القصه
عاصي:كيف بدي انسا وانا زعلتك وهو مو غلطك ومو اول مره ثاني مره وكل ما بطلع بوجهك بجبلك وجع راس ومشاكل وهي دليل انه هلا خرب الاصانصيل عند حظنا
جواد:اذا لا تغلطي ثالث مره وانتبهي متى تعصبي وع مين تعصبي كمان هذا الله الي كاتبه انه يعلق فينا الاصانصيل
عاصي وبعدها بتعيط:اه ماشي بس متى ر رح ن نطلع
جواد:هلا بس يصلحوا بس انتي لا تخافي وانتي مو لحالك انا هون طيب
عاصي:اه ماشي يارب يصلحوه بسرعه
جواد سالها:انتي بتعرفي تلعبي ببجي
عاصي:ليش عم تسأل بدك تلعب هلا
جواد:لا اساسا مافي شبكه بس سؤال
عاصي:اه بعرف العب
جواد بقلبه:يعني طلعتي انتي توقعت هذا شي
عاصي:وانت بتلعب
جواد ما عرف شو يجاوب وحكى : اه بعرف 
كانت بدها تحكي لما مصعد طلع صوت وهيه خافت وعطول عبطته وضلت ما سكته بقوه وهو لف ايده عليها عشان يضمها ولا ضل خايفه وعبطها وحكالها لا تخافي انا معك كانت عم تعيط:بدي اطلع من هون كثير خايفه
وبلشت ترخي اديها وتعبت من العياط وحست انه ما عم تتنفس منيح وتعبت وهو نادا عليها عاصي عاصي وبعدها عنه وحاول يصحيها بس ما صحيت وحطها ع الارض وشاف اذا عم تتنفس بس ما كانت عم تتنفس بلش ينادي عليها ويحاول يصحيها بس ماردت وضغط ع صدىها ثلاث مرات وما صحيت وهو خاف وصار يعيط خاف يخسرها متل ما خسر امه وابوه وصار يفكر كيف يانقذها قام وحاول يفتح بالباب بس ما قدر رجع عندها وهو عم يعيط وحكى:فيش غير حل واحد اعمللها تنفس اصطناعي وقرب منها حتى يعمللها ويانقذها بسرعه وبلش يعمللها تنفس اصطناعي عمل اول مرتين وما صحيت وعمل تالت وحده وصحيت وصارت تقحح ححح
جواد وعم يعيط: عاصي انتي منيحه
عاصي وعم تقخحح: اه انا منيحه
وقامت وقعدت وهو عطول عبطها وحكالها:خفت اخسرك متل ما خسرت امي وابي وكان عم يعيط
هيه سمعته حكى هيك عبطته وصارت تعيط وتساله:ليش اهلك متوفيين
جواد:اه توفوا من وانا صغير كنت لسا بدرس وتركونا انا واختي وضلت معنا خدامت ماما وكانت صاحبتها وهيه ربتنا وصارت خالتنا وضلينا انا واختي لحالنا فخفت اخسرك
عاصي:ما كنت بعرف كمان انا منيحه بس ياريت نطلع
وبلش نفسها يخف وحكت:مو قاد اتنفس
جواد:لا عاصي حاولي تتنفسي ماشي
عاصي:كيف بدي اتنفس واحنا بغرفه صغيره مافيها اكسجين ولا ضوا انا خايفه
جواد خاف انه يرجع يغمى عليها وحكالها:شو رايك نتخيل
عاصي وهبه تعبانه:نتخيل انا بحب اتخيل اه ليش لا
جواد: اعتربي حالك كنتي قاعده بقارب بنص البحر وكان هوا البحر بروح وبيجي والهوا كان بطير شعرك وبضرب ع وجهك وانتي كنت عم تستنشقي الهوا وكنتي تعملي حكالها عاصي يلا استنشقي عشان استنشقي عشان نتخيل صح وصارت تتنفس شهيق وزفير وكمل، وكان معك فارس احلامك وكنتوا عم تصيدوا السمك وكان عم يلعمك صيد سمك وبعدها لعبتي بالمي ورشيتي عليه ورجعتي فتحتي اديكي واستنشقتي هوا يلا واهيه تعمل متل ما بحكيلها وكمل فجى صار اشي ما توقعته كان فرس الاحلام
حس انه عاصي ما طلعلها صوت: عاصي انتي صاحيه ورفع راسها لعنده لانه كانت نايمه ع صدره وكانت عبطته عاصي سامعتيني عاصي: اه سمامعتك بس انا نعست بس كمل القصه انا سامعك ونامت وهو تاكد انها عم تتنفس بس نامت من الخوف وهو شوي صغيره ولا نام وبعد هيك واخيرا شتغل الاصانصيل  ونزل ع الطابق الارضي عند الكرجات عشان الحراس ياخدو الاستاذ ع مشفى اذا كان تعبان وفتح الباب ودخل الحارس محمد وشاف الاستاذ ومعاه بنت وعطول اخد البنت وطالعاها واخدو الاستاذ وطالعوه وحطوهم بره ع الارض  عشان يخليهم يتنفسوا وبلشوا يقحوا الاثنين
حارس محمد: استاذ انت منيح
جواد: اه انا منيح بس البنت
وترك محمد جواد وراح عند عاصي: انتي منيحه يا آنسه
عاصي: اه منيحه بدي مي
محمد: هات مي بسرعه وجاب حارس مي واخدها محمد وشربها
والحراس شربوا جواد مي كمان وقام جواد وراح عندها
جواد: عاصي انتي منيحه
عاصي: اه انا منيحه بس بدي روح ع البيت
جواد: رح اخدك ع مشفى نطمن عليكي
عاصي:انا منيحه ماصرلي اشي كمان اديش ساعه
محمد:ساعه اربعه الكم ساعتين بالاصانصيل
جواد: ليش طولتوا وانت عم تصلحوه
عاصي بقلبها: والله اشك اكثر من ساعتين بس هو بجنن وكان خايف علي ما حسيت ع ساعتين
محمد: اسفين استاذ بس تأخر المصلح
عاصي قامت عشان توقف وساعدها جواد و محمد
جواد: يلا امشي رح نروح ع مشفى
عاصي: لا رح روح ع البيت بس بدي روح جيب سيارتي
جواد: الحراس بجبولك ياها بس هلا رح نروح ع مشفى