أحلام عاصي بقلم أسماء محمد

الجزء الثاني والعشرون

#الجزء الثاني والعشرين#
طلع جواد بره وشاف عاصي مو عارف يحكيلها ولا لا
جواد:عاصي تعالي شوي
عاصي قامت وقفت قدامه: نعم استاذ
جواد:عاصي ممكن تروحي معي ع البيت لانه خالتي بدها تشوفك
عاصي ومستغربه:انا وبدها تشوفني وع بيتك طبعا لا
جواد:بس هيه تعبت وبدها تشوفك واذا ما شافتك ما بتوخد دوا يلا امشي رح نروح
عاصي:لا مارح روح كمان ع بيتك لا ما بروح وليش هيه بتعرفني اشي لا وانا ما بعرفها
جواد ضل ساكت ما عرف شو يحكيلها
محمد: آنسه عاصي من خرب عليكم المصعد وهيه بدها تشوف البنت الي كانت مع الاستاذ وضل يقنعها جواد بس ما ردت وهلا هيه تعبت وما اخدت دوا الى لما تشوف البنت
عاصي: اه مالي دخل مارح روح
جواد: عاصي يلا امشي رح نروح امشي وضلي ساكته
عاصي: شو قلت جواد
بس سمع هيك حكت طلع عليها وهيه خافت لانه حكت اسمه من دون ما تحكي الاستاذ وضلت ساكته
جواد: شو حكيتي
عاصي: حكيت مارح روح
جواد: لا مو هي وحده تانيه
عاصي شبه خايفه: ح حك حكيت استاذ جواد
جواد: جد هيك حكيتي لا مو هيك حكيتي
عاصي: ع فكره الكل بناديك جواد بس ناديتك عصبت
جواد: شو بدك تناديلي
عاصي: جواد
جواد وبضحك: اه ماشي وبدك تروحي
قرب منها وحملها ع كتفه راسها صار ورا ضهره ومشي فيها وهيه تصرخ عاصي: انت شو عم تعمل نزلني يلا نزلني
جواد: لا تصرخي لانه مارح ينفعك اذا صرختي
عاصي: لك نزلني انت وين ماخدني واجباري عني لا تطلع بالمصعد والله بخاف بموت ع قليله انزع ع الدرج وصارت بدها تعيط وتصرخ انه ينزلها ونزلها وسكر الباب المصعد وصارت تخبط عليه انه يفتح كانت بدها تكبس زر بس مسكها وعبطها
جواد: لازم تتعودي عليه ولا تخافي مارح يعلق كمان انا معك مو لحالك وفش اشي بخوف وحرص واقفين عليه لانه انا نازل
عاصي وبتعيط: انا خايفه بدي انزل وكانت عابطته
بعدها عنه وحكالها: فتحي عيونك مافي اشي بخوف عاصي هي قربنا نوصل لا تخافي ورجعت عبطته وصلوا وفتح باب المصعد  جواد: عاصي هي فتح الباب
بعدت عنه عشان تطلع بس هو مسكها ورجع حملها
كانت عم تحكيله انه ينزلها بس هو ما رد وصارت تضربه ع ظهره ولك اتركني نزلني ما بدي روح خلص لك حدا يساعدني محمد ساعدني بترجالك مارح خليه يفصلك والله
وصل عند سياره وفتحوله الباب ودخلها ودخل معها
عاصي: لك اتركني بدي انزل مابدي روح رح احكي عنك لمجد
جواد: احكيله وسلمي عليه
كانت بدها بتحاول تفلت ايديها منه بس هو ماسكها وضلت تحاول انه تفلت اديها اخر اشي عصب
جواد معصب: خلص عاصي بكفي لا تتحركي خلص اثبتي
عاصي سكتت وبطلت تتحرك وحكت: بس انا بديش روح كمان ركبتني بالمصعد وانا بخاف منه واخذتني اجباري
جواد: اخذتك عشان خالتي لانها تعبانه بتشوفك وبعد هيك بتروح واذا بسمع صوتك رح تشوفي اشي مو منيح ضلي ساكته
عاصي ضلت ساكته وما حكت اشي،، كانوا ساكتين طول الطريق وما حكوا اشي لما وصلوا ع بيته وكان كثير كبير
وبس شافته حكت: هذا بيت ولا قصر
كان البيت معبا الحراس من جوا ومن بره ولا مدخل البيت كان كثير كبير وبس شافت البيت حكت والله مصمم شاطر
جواد سمعها: انا صممته عجبك بس اصحك تحكي فكرت تصميمه لحدا والى موتك
طلت عليه عاصي: اه ماشي ما حكيتها لحدا
وفتحولها الباب الحراس وهيه نزلت من سياره وضلت واقفه والحراس كان كله واقف
عاصي: حاسه انه انخطفت وهذا الخاطفين
جواد: عاصي يلا امشي
ضلت واقفه وما رضيت تمشي راح عندها ومسكها من ايدها وسحبها ودخلها جوا ع البيت وكان البيت بجنن من جوا كل اشي فيه حلو وبجننن وقفوا وحكالها خليكي واقفه ودخل وقف ورا خالته وحكاله انا اجيت خالتي، وقامت من كنبايه وعطول وقفت عنده: انت اجيت واخيرا
جواد: اه اجيت وانا زعلان منك لانك ما اخذتي دوا
خالته: بس انت ما،، كانت بدها تكمل بس شافت عاصي وراحت اتجاها وحكت: واخيرا جبتها للبنت
عاصي: كانه انا شايفتها بس وين
........... فلاااش بااااااك...............
يوم حفلت مجد وتولين كانت خالته موجوده وسلمت ع مجد وهو مجد سلم عليها وباسها وحكتله متل ما ربيتك بدير بالك ع البنت وبتحطها بعيونك
مجد: اه متل ما بدك خالتي
ويوم عرس جمال كمان شفتها وسلم عليها وحكتله نفس الحكي جمال: حاضر يا خالتي رح حطها بعيوني
وطلت عليها خالته وعاصي طلت عليها وهزت راسها انها سلمت عليها 
......... فلااااش بااااااك.............. 
خالته: اه انا شفتك يوم العرس جمال
عاصي: اه صح وحكيتي معي ع تلفون بس فصلتي
جواد: متى رنيتي عليها وكيف رنيتي
خالته: من تلفونك رنيت بس ما قلتلك وبعرف اسمها عاصي
عاصي: عادي مو مشكله المهم هي شوفتيني
خالته: اه ولله شو بتجنني تعالي وعبطتها وعاصي عبطتها
وبعد عن بعض وحكتلها خالته: فوتي بنتي ليش ع باب وقفه
ودخلوا وقعدوا تنتين
وجواد حكا للخدم:ياسمين بتروحي وبتعملي اكل لخالتي وبتجيبي دواها
ياسمين: اه ماشي بس ممكن شوف مدام
خالته: اه تعالي ياسمين لا تردي عليه
وقفت ياسمين وطلعت ع عاصي: بسم الله ماشاء شو حلوه
عاصي مستغربه ومو فاهمه اشي
ياسمين: بتحبي تشربي اشي يا مدام
عاصي: لا يسلموا
خالته: شو لا انتي هلا ضيفتنا يلا اطلبي اشي ونشرب انا وياكي
ياسمين: بتحبي اعملك عصير برتقال طبيعي عشان تشربي انتي وخالتي
عاصي: لا مافي داعي تغلبي حالك ولا اشي بدي
خالته: يا بنت خلص انا حكيت كلمه روحي بنتي ياسمين اعملي شي لنشربه
كانت رح تمشي ياسمين ونادت عليها عاصي: ياسمين
ياسمين كيفت اول مره حدا يناديها باسمها لانه كل البنات الي بيجوا بنادهو خدامه الى هي اول وحده: نعم مدام
عاصي: ممكن كاست مي
ياسمين: هلا بجبلك احلا كاسة مي
جواد قاعد وعم يطلع عليهم وكيف ما هتموله 😂
خالته: مو معقول انتي عارفه كل البنات الي بيجوا بنادوها الخدامه ياسمين الى انتي وهيه كثير مبسوطه
عاصي: اه طبعا هيه هيك اسمها
خالته: انتي مساعدته بشغل اذا بعزبك احكيلي
عاصي: اه لا ما بعزبني
خالته: اه بنتي انتي بتحبي او متزوجه او مخطوبه
عاصي: لا ابدا بس ليش سألتي
جواد خجل وفهم ع خالته بس بنفس الوقت عصب
خالته: بس سؤال عشان لا تتاخري ع بيتك
عاصي: اه صح انا لازم روح وارجع ع البيت
وقف عطول قدامها جواد وحكالها: هسا تذكرتي بيتك وشغلك لسا هسا كنتي قاعده ولا سألانه
عاصي: اه اسفه ما نتبهت بس بدي روح
خالته: وانتي يا بنتي بتخافي منه الكل بخاف منه وما بقدرله المهم مافي تروحي لسا هسا اجيتي
عاصي: لا خالتي انا لازم روح هلا
جواد: رح ضلك هون لسا ما خلص وقت دوامك وساعه 12 دوامك بخلص ع 4يعني لسا ما خلصتي شغل وشغلك هل مره وهو ضلي عند خالتي لما يخلص دوامك ولا تجادلي ولا تحكي ولا كلمه اقعدي وخلص ،،، خلص حكي وطلع ع غرفته
خالته: اه بنتي متل ما قلك ارجعي اقعدي
ورجعت قعدت واجت ياسمين وجابت مي والعصير وضلت واقفه وحكتلها عاصي: ليش بعدك واقفه اقعدي
خالته: اقعدي بنتي هيه ما بتفرق بين البشر مو متل هذلك
وقعدت ياسمين وحكت: عنجد انك بتجني واول ما شفتك حرفت انك حبابه وبتنحبي بسرعه
وضلوا قاعدين معها وانبسطوا كثير وحبوها وخالته لجواد اكلت واخذت الدوا وضلت مبسوطه مع عاصي
اما جواد طلع ع الغرفه وصار يشتغل وكان بفكر ب عاصي
بعد شوي نزل جواد لتحت ومعاه ملفات وقعد ع كنبايه وطلب من ياسمين تجبله عصير وجابتله وسال عن عاصي وحكتله انه خالته بتفرجيها البيت اه طيب ماشي
عاصي شافت كل البيت وكانت بتجنن وكان في مكتبه فيها كتب نقراهم وكان في غرف حلوه وكانت الجنينه بتجنن كلها ورد ومزروعه وعشب الاخضر ولا غرفة الرياضه ولا غرفه مسبح بتجنن ومطبخ كبير وحلوه كان كل اشي بجننن
دخلت هيه وخالته وحكتلها:انا طابق فوق مارح فرجيكي اياه لانه ممنوع يطلع حدا فوق لانه بتكون غرفه جواد وع هاي الجهه غرف ولاده بالمستقبل هههه
عاصي: اه ماشي
خالته وقفت وشافته كيف مندمج بالشغل حكت لعاصي ما تحكي اشي ومشت شوي شوي واخدت منه الملف
جواد: خالتي لا تعملي هيك يلا هاتي ملف
خالته: مارح اعطيك ولا رح تحلم فيه
جواد وقف:يلا خالتي هتيه مو وقته هلا
عطول خالته رمته لعند عاصي وعاصي مسكته
خالته: بنتي اصحك تعطيه ياه
جواد: عاصي هاتي الملف
خالته: بنتي كوني قويه ولا تعطيه هو ابدا ما برتاح من الشغل
جواد: عاصي هاتيه لا تردي ع خالتي كان بده ياخده بس بعددت اديها وحكت عاصي: رح رد ع خالتي وانت لازم ترد
جواد عصب: هاتيه يا عاصي
خالته: لا تعطيه هو رح يعصب
خالته: لا تعطيه بنتي كمان م
هو عصب وحكى: بس امسكك اشوف مين رح ينقذك
وشلح الجاكيت ولحق وراها وكانت بتركض وبتضحك كانت توقع نص الاشياء الي قدامه وضلت تهرب وما قدر يمسكها وهيه تغيزه وتقوله ما قدرت تمسكني 😜😜
عصب ولحق ورها وهيه راحت ع غرفه المسبح ونسيت انه هاي غرفه المسبح وكانت بتركض بسرعه عشان لا يمسكها وهيه تطلع ورا وفجاه توقع بالمي ومعها الملف 🤦🏻‍♀️وطلعت بتعرفش تسبح وحاولت تنقض حالها وهو دخل جوا وشافها عم تغرق  ونادا عليها عاصي وع طول نزل بالمي
ومسكها:: عاصي فتحي عيونك عاصي وعطول حملها وطالعها من المسبح وحطها ع الارض حاول يصحيها بس هيه ما صحيت عرف انه بلعت مي وضغط عليها ثلاث مرات وما صحيت هو خاف عليها وعطول عملها تنفس اصطناعيّ ورجع عمللها مره ثانبه وما قامت ومره ثالثه قحت وطالعت كل المي الي بتمها هو رتاح بس شافها تنفست
كانوا خالته وياسمين عم يطلعوا عليه كيف انقذها شافهم
جواد: بدل ما عم تطلعوا ساعدونا وحملها واجت ياسمين خطتها بالمنشفه وطالعها ع غرفته وحطها ع تخته وهيه كانت مغمى عليها بس بتتنفس وكانت بترجف وحكى لازم نغيرلها اواعيها
خالته: اه رح نغيرلها انا وياسمين انت اطلع بره وخد اواعيك
وهو طلع بره وحكى ل محمد يجيب دكتوره وهو راح تحمم وغير اواعيه وبس خلص دق عليهم الباب وحكوله فوت ودخل كانوا مغيريلها اواعيها
خالته: منيح في اوعي اختك ولا كان بردت
جواد قرب منها وطمن عليها وكانت بتتنفس الحمدلله
خالته: اسف ابني لو بعرف رح يصير هيك كان ما خليتها تركض
جواد: لا عادي خالتي مافي مشكله حصل خير
خالته: انا تعبت رح روح ارتاح بس تصحى احكيلي
وطلعت خالته وهو ضل عندها وهيه صارت تحلم كونها نايمه
شوفوا شو كان حلمها