برائتي المنتهكة

البارت ١٤

كآن يـآ ماكان
چآن ألهَ بگلبي مُكآن. 🚶‍♀️💔

______________________

ساره :
توتر ، ارتباك ، خوف ، قلق ، إشتياق .. مشاعر متخربطة بداخلي شلون حقابله وشحكوله ححجي وياه عادي لو حخاف وأنهزم؟ اوفف وربي محتاره ..

فزيت ع صوت ام حسن : شبيج صافنة بنيتي؟ وهذا علي منو؟

ساره : خاله هذا جانو جوارينة ب..... وراحو لعمامهم بـ بالبصرة هوا وأهله كُلش حبابين وربي دارونة بشكل من توفوا ماما وبابا

ام حسن : الله يخليهم .. قليلن الناس الزينة بهالزمان.

ساره : اي والله خاله .

اشوي وندك الباب .. لبست شالي وطلعت طلع ياسين كال : بنيتي هذا ولد بالباب يريدج !

اومأت اله واني جسمي يرجف ع حيلة بالكوه طلعت .. شفته واكف بصف سيارته ولابس بنطرون اسود وتيشيرت ابيض وسترا سوده ونضراته الشمسية ..متغير ابدد مثل هبيتة وحلاته ، بس اني لتغيرت نفسيتي تغيرت حبي اله الي جنت انكره تغيرر وصار خوف،  حتى مكدر اخلي عيوني بعيونه اووف ..

مشيت وهوا بس شافني التفت بسرعه وابتسم .. واتقرب مني واني ارجف وعيوني دمعت .. متوقعت متوقعت حشوفه مرة لخ ..

تقرب بسرعه وكال : السلام عليكم .. ساره هاي انتي شلونج وج .. هاي شنو متحجبة؟ شصاير بيج

نزلت دموعي وكتله مبتسمة. : تمام اني انتَ شلونك علي خاله وعمو شخبارهم؟

تنهد وكال : وعلي يخصووج بالسلام وامي كالت متخطي لبغداد الا اني وياك .. بس تخربط ضغطها ومجبتها ..

ساره : يروحي خطية عدها العافية

علي : تسلمين ، اي كوليلي شخبارج .. دباع الحجاب شلون لايكلج وعلي زايدج جمال

ابتسمت بخجل ونزلت راسي ..
رجع كال : شنو سجاوي وين؟ 

ساره :ساعه نص ساعه وترجع من المدرسة .. دتعال فوت شمس

علي : لا شمس الشته حلوه خالنكُعد بالحديقة .. لا ماكو زحمة خاف ميقبلون ، علما تجي سجى واخذكم ونروح لمطعم ..

اني سكتت كال ياسين : تفضل اكعد بالحديقه ابني .. لو الاستاذ سلام هنا مقبل تضل واكف

علي : شكراً ..

تمشه بأتجاه الكراسي وكعد واني كعدت بعد ثلاث كراسي عنه .. كلت بهدوء واني اباوع لاصابعي المعقوده : ع..علي احنه منكدر نروح وياك للمطعم

علي : هاي شنو سارة؟ ازعل والله خواتي ومشتاقلهم وحأخذهم شنو بيها؟ ولتهتمين لحجي احد

سكتت محجيت رجع كال : بعي ساره اريدج تحجي كُلشي ، ليش طلعتو من بيتكم واجيتو ع هيج منطقة؟ لتفهميني غلط بس اقصد هاي المنطقة مو سهل تحصلين بيها شغل وبيت .. ترا اني من حرصي داحجي .. يلا كولي كُلشي