برائتي المنتهكة

البارت ٣

احب أشكر أختي بدو لأن جاي تساعدني بالكتابة
😘😍

##

چـنت اظنك
توگف ابوجه الوكت
واتنشف الدمعه ابجفنهه💔

##

سلام :
الساعة بـ 6:00 المغرب
طلعت من شغلي وركبت سيارتي راجع للبيت
بعدني مامشغل السياره ونفتح الباب ودخل فارس..

كعد على الكرسي ورجع ضهره ليورا وغمض عيونة وكال : اخخ يابوية شتعبتت اليوم حرك حرك يمعود اࢪيـد اذب نفسي وانام

شغلت السياره وكتله : اولاً اني مو سايق الخلفوك علمود تشرط عليه ، ثانياً ليسمعكَ يكول تشتغل خلفه وتعبان خطية اشو كاعد بالمكتب وتتشرط وڪل خير مابيك

فتح عيونه ويمثل الصدمة وكال : لك ڪواا.. اني كاعد واتشرط غير اليوم ࢪحت شفت البضاعة وجو مطر ولعبان نفس ..زائد حبيبي سلومي سيارتي عطلت ف اجيت وياك مابيها شي

سلام : شبيك جاهل ڪل يومين معطل سيارتك؟

فارس : هيه خربت يرادلها تبديل ان شاءلله ابدلها

وكفت سيارة بصف المحل وكتله : هوا انته بكبرك يرادلك تبديل ، كضيت ونزلت للمحل اشتري حلويات لأختي تقى هيه مو زغيرة بس ﺂنَيَيَ اعتبرها مثل بنتي واحب اجيبلها شغلات وياي واني راجع .

..

فارس :
ࢪاح سلام للمحل يشتري للدلوعة مالته تقيوه ، خرب وكتها تعطل السيارة هسة لازم اضل تحت رحمة سلام هذا ، واني دافكر قاطع افكاري

بنية زغيرة لابسة ملابس مدرسة ، ودتباوع للمراية مالت السياره ولأن ﺂنَيَيَ ساد الشباك اليمي وسيارة مضلله ف مشافتني ، جانت تباوع بالمراية وتمسح بوجها الي عليه أثار ضرب مبين ، وتدردم مدري شتحجي.

فضولي خلاني اراقب حركاتها واريد اعرف شدكول هاي؟
ماميزت من كلماتها غير .. حقيغه والله اني اعلمج حماغه عبالها اخاف منها كون الزمهاا اخخ اله اقتلها واذبها بالشط ،

بعدين رفعت ايدها ومسحت دموعها الي نزلت غصباً عليها وكملت بكاء : ساغة دكلي لموت حق وكلنة نحصل عليه لعد ليشہ يشمتن بيه .. ش..شنو اني ل..لكلت لماما تموت ..

لعرفته امها متوفية ، ومتعاركة وي مدري منو .. نزلت الجامة وضليت أتأمل ملامحه الي دتوضح كدامي اكثر .. خرب طلعت ڪلشَ حُـلووهہ وشعرها الي محليها اكثر .

هيه التفتلي من حست بالجامة تنفتح .. وعقدت حواجبها بأستغراب .. واكو ضربة جوا حنجها وخراميش على خدودها بس ابد ماقللت من جمال وجها ، ضليت أتأمل ملامحة الحلوه كدامي فززني عياطها .

سجى : شكو شعدك صافن عليه الصفنة مو الك لأبو قاط غصاصي ، وهمين متستحي صاغلك (صارلك) ساعه تباوعلي واني ماادغي ..