فصلية الشيخ فهد🔞

بارت الـ25..

#فصلية_الشيخ_فهد

#للكاتبة_انوار_الجبوري

ـــــــــــــــــــــــــــــــــــــــــــــــــــــــــ

عباس:- بما انو مجتمعين عندي موضوع وياكم

فهد:- اتفضل ابو المواضيع  .. 

عباس:- انا تطوعت بالحشد الشعبي وانشالله السبوع الجاي التحق

الكل:- شنووووو!!!!!

فهد:- انت تعرف شجاي تحجي لو لا..

عباس:- اي كلش زين اعرف وانا جاي ابلغكم مو اخذ رأيكم..

_ خاب وحگ ابو فاضل هسه اجطلك هنا وانعل سلفة سلفاك لا حشد ولا غيرها تكعد وتنجب..

_ فهد مو من حقك ولا اكعد ولا انچب..

ندى:- زين واني منو الي عباس ما فكرت بيه..

_ اول شي مو بس انا اروحن ومو بس انا تطوعت بالحشد اسألو جاسر الي تخلى عن وضيفتة واسألو شعلان

فهد:- صددددك هالحجييي جاسسسر..

جاسر:- اي نعم قدمت استقالتي وتطوعت بالحشد..

فردوس:- دكيت على صدري صخام لصخمني جاسر تخبلت ما تكلي..

فهد:- وانتَ شعلان صدك لگاله عباس..

شعلان:- اي خويه صدگ الحجاه عباس وتطوعنه وفات الاوان

عباس:- وبعدين اذا كل العوائل هيج مثلكم ومعارضين چاا منو الي راح يدافع عن عرضنه وعن ارضنه وطنه بالعكس شجعونه وساندونه مو توكفون ضدنه..

فهد:- خاب كفيلك العباس اليعتب عتبة الباب اكصص رجلي انا عايزني بعده جرح صگر ما نشف هنوب واحد منكم ولا والخلق الكائنات..

عباس:- كافيك فهد تتحكم بينه كافيك احنه كبرنه مو زغار وكل واحد مكونله عائلة ونكدر ناخذ قراراتنه بكيفنه ..

غزل:- الكل متعجب والكل ساكت وصايبته الدهشه موقف لا يحسد عليه اول مره يرفضون فهد ويوكفون بوجهه وندى وفردوس وازهار مرة شعلان يتباچن وحالتهن حاله واول مره يكون عباس بهالشخصية القوية

فهد:- والله وكبرت يعباس وصرت تراددني خايب بعيني بعدك بزر لا عبالك تزوجت وتمشي بكيفك بعد  ..

عباس:- لا كبرت وماني صغير بعد واندعولنه نرجعلكم بالسلامه ونحرر بلدنه من داعش  ..

غزل:- دخل الشيخ عگاب،، وصغير وچبير وكف لجله هوه هيبة البيت،، وكلمة تمشي حتى عـ الشيخ فهد  ..

شيخ عگاب:- الله بـالخير  ..

الكُل:- الله بالخـير والكـرامه  ..

شيخ عگاب:- يي ابو الاكبر احجي شصاير ليش صايحكم واصل لراس لشارع؟

غزل:- فز قلبي من صاحله ابو الاكبر والله مدري ليش قلبي ناغزني من هالاسم  ..