سلسله حكيات سندريلا ولكن

القصه الرابعه مابين الماضي والمستقبل

الفصل1
جويريه ببكاء.يعني ايه كل واحد يروح لحاله يا كريم
كريم ببرود.زي ماسمعتي ايه مسمعتيش اسمعك تاني
جويريه.لا سمعت وسمعت كويس انتا ليه بتقول كده بعد كل اللي حصل بينا ده جاي تقولي نفك الخطوبه وكل واحد يروح لحاله
كريم.اهو اديكي قولتي بعضمه لسانك اهو اللي حصل بينا حبيبتي انتي سلمتيلي نفسك قبل الجواز استامنك عليا وع عرضي وشرفي وبيتي ازاي
جويريه.انتا عارف اني عملت كده بس عشان بحبك وعايزه ارضيك لما قولتلي ياكده ياكل واحد يروح لحاله
كريم.وانتي زي الهبله كده اقولك ع الحاجه تصدقيها وتعمليها هو يعني لو كنت قولتلك ارمي نفسك تحت عربيه كنتي هتعملي كده
جويريه.ايوه كنت هعمل كده عشان بحبك
كريم.بصي بقا كده من الاخر اللي كنت هتجوزك عشانه خدته منك من غير جواز يبا لازمتها ايه بقا جواز ومصاريف انتي زي الشطوره كده تجيبي الدبله اللي ف ايدك دي وتروحي وانتي زي ماانتي معيطه كده لاهلك وتقوليلهم اننا اتخانقنا وسبتيني وتروحي تحضري باقي الشبكه والهدايا والمواسم وكل قرش صرفته عليكي واجي بكره اخد حاجتي لو عملتي حاجه غير كده هفضحك عند اهلك وسط جيرانك واخلي سمعتك ع كل لسان وانا مش هتعرفيلي طريق جره وانتي اللي هتتلطي لوحدك سامعه ياقطه انا ماشي سلام
رحل كريم وترك جويريه غارقه في دموعها انها ورطت نفسها في مصيبه كبيره لا يمكن حلها
بعد مرور عام في شركه سلام للاستيراد والتصدير
دلف مدير الشركه الي قسم التسويق
سلام.اتفضلي ياانسه جويريه دا قسم الماركتينج اللي هتستلمي فيه شغلك
كانت الغرفه عباره عن مكتب في جانب وامامها مكتبين احدهم فارغ
سلام اشار الي مدير قسم التسويق.ده الاستاذ ياسر مدير قسم التسويق ودي ساره زميلتك وده مكتبك
جويريه بإبتسامه ودوده.شكرا لحضرتك
كانت ساره تنظر لجويريه بحقد وغيره اما عن ياسر كان ينظر لها نظره اعجاب
سلام.انا همشي انا بقا والاستاذ ياسر وساره هيفهموكي نظام شغلك ايه سلام
ياسر.اتفضلي اقعدي ع مكتبك وانا هشرحلك انا وساره طبيعه الشغل ونظامه
جويريه.حاضر
ساره بستهزاء.بس شكلك مهمه قوي عند الاستاذ سلام انه يجيبك لحد هنا ويعرفنا ع بعض
جويريه.اه اصله ابن عم بابا وكان وعدني اني اول مااتخرج هيعيني ف شركته
ساره.اه تمام
ياسر نهض من مقعده وسار بإتجاه مكتب جويريه واستند عليه.طيب ياستي احنا هنا ف قسم الماركتينج اسره شغلنا بيتبني ع التعاون ونقترح ع بعض افكار ونتناقش فيها ولما بنوصل للقرار المناسب بنعرضه ع مدير الشركه  تمام
جويريه بود.تمام يا استاذ ياسر
ساره بدلع قاصده به منافسه جويريه.الله عليك يا ياسوري
ياسر بحده.ايه طريقه الكلام دي يا ساره اتظبطي
خفضت جويريه وجهها خجلا من موقف ياسر وساره اما عن ساره فقد اشتعلت غيره وحقد اكثر تجاه جويريه
بعد ان انهت جويريه يوم عملها استقلت سيارتها الي بيتها

في منزل جويريه
حور.ماما ياماما مشوفتيش الجاكيت الجينز بتاعي عندي درس وهتاخر كده
حوريه.اه جويريه لبسته وهي رايحه الشغل
حور بعصبيه.هوووف يوووووه بقا
دلفت جويريه.ايه مالك يابنتي صوتك جايب اخر الشارع فيه ايه
حور بعصبيه.فيه انك اخدتي الجاكت بتاعي منغير ماتعرفيني وانا قالبه الدنيا عليه ومستعجله اوي بكره اخر ماده وعايز الحق المراجعه من اولها
خلعت جويريه الجاكت.اتفضلي ياست الفيلسوفه الجاكيت بتاعك احنا اسفين ياريس
حوريه.هي دايما البت دي كده عامله مناحه ع اي حاجه ياستار يارب
جويريه.ههههههه خلاص ياماما انتي عايزها تحدفنا بلملتوف هههههههه دي شريره قوي
حور.اتريقي اتريقي 😝
حوريه.عليها لسان عايز قطعه المهم ياحبيبه ماما عملتي ايه ف الشغل النهارده
جويريه.الحمد لله ياماما الشغل سهل واتعلمته بسرعه وان شاء الله ربنا هيوفقني فيه
حوريه.يارب ياحبيبتي....
جويريه.خير ياماما سكوتك ده مش مطمني وحاسه انك عايزه تقوليلي حاجه
حوريه.بصراحه اه في عريس كلم ابوكي امبارح وعايز يتقدملك وجاي بكره هو واهله
جويريه بتوتر وعصبيه.ماما انتو عارفين اني كرهت فكره الجواز دي نهائي بعد خطوبتي الفاشله دي وشيلت فكره الجواز دي من تفكيري خالص وقلتلكم ميت مره اي حد يتقدملي ارفضوه من بره بره انا عايزه انجح ف شغلي واعلي ويبا ليا مكانه كبيره
حوريه بعصبيه.هو ايه اللي رفضت فكره الجواز ايييه هتعيشي راهبه ولا ايه انتي اول فرحتي انا وابوكي ونفسنا نفرح بيكي ونشيلك حته عيل عايزه تحرمينا من الاحساس والفرحه ليه
جويريه.ياماما الجواز مش عافيه ولا اجباري انا مش عايزه اتجوز مش عايزه اتجوز ايه اعلقهالكم ع صدري ولا اكتبهالكم ع الحيطان ولا انشرهالكم ف الجرايد ارحموني بقا حرااام عليكم
دلفت جويريه حزينه الي غرفتها تبكي بحرقه كانت تود ان ترتدي فستان زفاف ابيض مثل كل الفتيات وان تبني بيتا وعائله وتصبح زوجه وام مسؤله عن عائلتها الصغيره لكن كل هذا اضاعته بسبب غبائها لقد فرطت باعز ماتملكه كل فتاه من اجل من تلعب بمشاعرها باسم الحب وانها الان لا تصلح للزواج من اي شخص انها ليست فتاه بكر فكت جويريه حجابها وبدلت ملابسها وذهبت للمرحاض توضأت وادت فرضها وجلست تقرا القران وتدعي الله ان يغفرلها خطيئتها هذه
ع الجانب الاخر
مسعود.يابني فرحني بيك بقا واسمع كلامي
ياسر.يابابا افهمني ساره متنفعنيش صدقني طريقه لبسها ومكياجها الاوفر دي متنفعش معايا
مسعود.يابني متصغرنيش قدام ابوها انا اديته كلمه ومستنينا من زمان نقرا فاتحه ونعمل خطوبه
ياسر.اتصرف انتا بقا يابابا عشان انتا اللي ورطت نفسك معاه وانتا عارف راي ايه ف الموضوع من الاول
مسعود.يابني ياحبيبي انا مطلعتش من الدنيا دي غير بيك وانا كبرت وبقيت رجل بره ورجل جوه عايز افرح بيك قبل مااموت انا ماليش حد غيرك ف الدنيا وعايز اموت وانا مطمن عليك
ياسر باستسلام.خلاص يابابا اعمل اللي انتا عايزه وابا بلغني بلي اتفقتو عليه
في بيت جويريه
عبد المالك.ياجويريه ياجوري
جويريه.ايوه يابابا بتنادي عليا فيه حاجه
عبد المالك.ايوه تعالي اقعدي عايزك ف موضوع
جويريه.اه موضوع العريس صح
عبد المالك.ايوه
جويريه.طيب بص بقا يابابا انتا وماما جواز ومش عايزه اتجوز ومحدش يفتحلي سيره الجواز دي تاني انا كرهت كل الرجاله ومبقتش اطيقهم ومحدش فيكم يقولي صوابعك مش زي بعضها لان انا بقا صوابعي خلقه دون عن الخلق كلهم وصوابعي شبهه بعض ولو حد فتحلي سيره الجواز دي تاني انا هسيبلكم البيت وهمشي ومش هتعرفولي مكان كويس الكلام بقا كده عن اذنكم بقا انا داخله انام عندي شغل الصبح بدري تصبحو ع خير
حوريه.شوفت بنتك ياعبده اموت واعرف ايه حصلها يكونش معمولها عمل ياخويا اخدها اوديها للشيخ بحبح
عبد المالك بعصبيه.عمل وشيخ بوعبوع ايه اللي بتقولي عليه ياوليه اذا مكنتيش بتصلي وبتقري ف كتاب الله وعارفه ربنا كنتي قولتي ايه قومي اعمليلي كوبايه شاي يعدل دماغي قلبتو دماغي الله يقلب دماغكم

في الصباح
اسيقظت جويريه من نومها وادت فرضها وبدلت ملابسها وخرجت
جويريه.صباح الخير
الكل.صباح النور
حوريه.مش هتقعدي تفطري معانا
جويريه.لا ياماما متاخره
عبد المالك.ع فكره العريس واهله جايين النهارده مش هينفع بعد مااديتهم كلمه ارجع فيها النهارده اقعدي معاهم وبعدين يحلها الحلال
جويريه بضيق.حاضر يابابا اي اوامر تانيه
عبد المالك.لا ياحبيبتي يلا انزلي شغلك عشان متتاخريش عليه
جويريه.حاضر سلام
رايكم ياجماعه كومنتات كتير وتفاعل كتير ومتابعه الحساب الشخصي ادعموني وشجعوني عشان اكتب واستمر