سلسله حكيات سندريلا ولكن

القصه الخامسه مسابقه احلي صوره

الفصل1
مديحه.يلا يامايان يابنتي الساعه10 عشان تلحقي تفطري وتاخدي دوش وتلمي حاجتك بسرعه قبل كارم واخواته البنات مايجو ياخدوكي للكوافير
مايان بنعاس.حاضر ياماما انا صحيت اهو
مديحه بابتسامه.مش مصدقه نفسي انك كبرتي والنهارده خطوبتك عقبال الليله الكبيره يا بنت قلبي يارب...طبعت قبله خفيفه ع جبين مايان

في منزل كارم
يسرا.يابني ياحبيبي انتا زعلان كده ليه
كارم بضيق.ياماما البت قفل خالص ولبسها طويل ومش ع الموضه مش عارف كنتي فين انتي وانتي بتختاريهالي انا غلطان اني وثقت ف زوقك قولتلك شوفيلي عروسه ع ماانزل من السفر كنت نزلت انا اختارت لنفسي عروسه تليق بيا
يسرا.يابني البت طيبه وغلبانه وناس غلابه وع قد حالهم ومحترمه وهتصونك امال كنت عايز واحده من بتوع الايام دي مطلعه نص شعرها من الطرحه وبنطلون مشمر وتحتيه خلخال والميك اب الاوفر واللبس المحزق والملزق والقصير
كارم.محترمه زياده ع اللزوم ياماما مش مدردحه كده
يسرا.البت لسه خام وبايدك تخليها زي الخاتم ف صباعك انتا متعرفش العرسان عليها قد ايه وكام واحد يتمناها يعني انتا اللي فوزت بيها
كارم.فوزت بيها ايه ياماما هي كاس العالم انا عارف اني مش هخلص معاكي انا هروح اخدها للكوافير عشان اجي اجهز انا كمان سلام
يسرا بتنهيده.ربنا يهديك يابني

في غرفه روناء وريماس شقيقات كارم التؤام
روناء.بت ياريماس تعالي شوفي المسابقه دي
اخذت ريماس اللاب توب من روناء واخذت تقراء
ريماس.دا كدب كل ده بطلي هبل واعقلي بقا
روناء.بس بفكر ابعت صوره ابيه كارم ومايان وانا متاكده انهم هيفوزو
ريماس بضيق.بطلي غباء بقا وحسك عينك تعملي كده هو كل اللي بيجي من وراكي المصايب وبس وانتي اش ضمنك انهم مش نصابين وبياخدو صور الناس ويحطوها ع صور اباحيه وبعدين يبتزو الشخص ده بيها انتي مفيش عقل ف دماغك تفكري بيه اكبري بقا واعقلي

في منزل اهل مايان
لطيفه خاله مايان كانت تجلس مع بناتها.شوفتو ياخايبين بنت خالتكم اللي عندها 18سنه اتخطبت لواحد ع قلبه قد كده مش زيكم خايبين ومعنسين ناس ليها بخت وناس ليها زفت قومو يامطهين البسو واجهزو واتزوقو واقعدو مع المعازيم يمكن ربنا ينفخ ف صورتكم وواحده من اللي قاعدين بره دول تكون عندها عرسان حلوين وغنيين زي خطيب الست مايان
رضوي.ايه ياماما انتي مش وراكي غير الكلام ده كل شويه ده نصيب وكل واحد بياخد نصيبه ف الوقت اللي ربنا كاتبه ربنا يسعدها ويهنيها دي غلبانه وطيبه وربنا اداها ع قد نيتها
لطيفه.هتفضلي هبله وعبيطه زي ابوكي جاتك القرف انتو تسمعو كلامي وتعملو اللي قولتلكم عليه
اميره.طبعا ياماما انتي عندك حق رضوي اللي هبله وعبيطه انا هعمل زي ماقولتي بلظبط

في المساء في احد قاعات الافراح دلف كارم وف يده اليمني مايان ذات الفستان الوردي الرقيق البسيط والمكياج الهادئ الذي يزيدها جمالا في وسط الطبول والزغاريد وبدا حفل الخطوبه بلرقص والاستعرضات وجاء وقت تلبيس خاتم الخطبه علي الحان كلمات اغنيه يادبله الخطوبه عقبالنا كلنا......ومن ثم انتهي حفل الزفاف وعاد كل شخص ع منزله اما كارم فقد ذهب الي منزل اهل مايان ليتناول العشاء معها
مايان.كارم ممكن اسالك سؤال
كارم اسالي
مايان.هو انا ليه حاسه انك مش قابلني وطايقني ومكنتش عايزني وبحس انك مجبور عليا
كارم بعصبيه وضيق.انا مش عيل صغير ولا بنت عشان حد يجبرني ع حاجه وخلي بالك من كلامك معايا وقبل ماتتكلمي معايا وتقولي كلام دبش كده تفكري ف الكلام قبل ماتقوليه بدل الدبش اللي بتحدفيه انا ماشي سلاام
خرج كارم بضيق وترك مايان لحالها مصدومه من كلامه دلف اليها والدها ووالدتها
امجد.فيه ايه يابنتي هو خطيبك ماله
بكت مايان.مش عارفه يابابا انا مستغرباه من يوم قرايه الفاتحه حساه مش طايقني ومجبور عليا وعلطول يتخلق ويتعصب عليا ولما قولتله حاساك مش طايقني ومجبور عليا زعق معايا وسابني ومشي
مديحه.ماهو عنده حق برده مفيش واحده تقول لخطيبها كده
مايان. ماما انتي عارفه كويس اني مش بعرف اقول غير اللي جوايا وحاسه بيه وده اللي حاسه بيه
امجد.امك عندها حق ياحبيبتي كارم مهما كان انسان غريب عنك ولسه مش عارفك ومش فاهمك كويس زينا كده معلش ياحبيبتي ابي خلي بالك من كلامك عشان ميحصلش مشاكل واكيد بعد مرور وقت هتاخدو ع طباع بعض وتفهمو وتعرفو بعض
مايان.حاضر يابابا
مديحه. يلا ادخلي اوضتك غيري وامسحي وشك واغسليه ونامي
مايان.حاضر ياماما تصبحو ع خير
الاب والام.وانتي من اهل الخير

في منزل كارم كان الجميع قد خلد للنعاس ماعادا روناء جالسه تفكر. انا حابه ابعت صوره خطوبه مايان وكارم للمسابقه دي حاسه انهم هيفوزو وانا كلام ريماس مش صحيح والله لابعت الصوره ومش هقول لحد حاجه ولا هجيب سيره لحد نهضت روناء ببطء واحضرت اللاب توب وقامت بفتحه
روناء.مش معقول يكون الناس دي كلها باعته الصور دي ويكون نصب
قامت روناء بوضع صوره خطبه كارم ومايان والمعلومات الخاصه بهم والعنواين اامنزليه واخري... . وبعد الانتهاء قامت بغلق اللاب توب وخلدت للنعاس