كرونيك: 💕انتقام_البنات 💕

02

#الحلقة 2:
في اسبانيا : كانت حفلة عيد ميلاد #ليليان بنت سي موسى انسان محترم و يقادروه عندو شركة لمواد التنظيف و مرتو حليمة خياطة لعرض الازياء ... بنتو ليليان عيد ميلادها 5 كانت بزااف شابة جاية بيضة و شعرها كحل عينيها عسليين و شواربها حومر بصح كما الهامستر تدخل فالقلب
حليمة: هياا ماما تمناي امنية
ليليان : نتمنى نخرج كما ماماتي
حليمة : هههههه لالا تمناي تكوني عارضة أزياء
ليليان تمنات الأمنية تاعها و طفات شموع ... يادرا شموع لي طفاتهم راح طفيهم كي تكبر فنفس الظروف ولا راح تتبدل حياتها و تنقلب رأسا على عقب
قاعدين كامل فصالون بعد الحفلة حليمة و موسى و بنتهم ليليان وولدهم #جهاد لبوقوص تاع العايلة في عمرو 10 سنين عاقل بزاااف و رزين و يحب القراية .... سمعو دق على الباب .. حليمة : نوض نفتح ... موسى : لالا اقعدي نفتح انا ... فتح موسى الباب و سمعت حليمة طلقة نارية عيطت و خبات الولاد موراها زدمو عليهم زوج ملثمين و السلاح فيدهم .... حليمة فهمت بلي موسى انقتل ... قلبها حبس لحظة و رجع حبست دموعها و خبات جهاد وراها و تشوف فليليان لي مخبية تحت الطابلة و ترجف نعتتلها براسها ماتتحركيش ... قرب لحليمة واحد من الملثمين باش يدي جهاد لكن ضرباتوا على يدو شاف الملثم في صاحبوا و هز براسوا اي نعم ... وجهلها السلاح ... غمضت عينيها اذا داو ولادها على جثتها دعات ربي يحميهم في زوج و قالت في قلبها اذا داو جهاد معليش يبقا راجل لكن ليليان تبقى ياااا رب ... دخلت رصاصة حرقت قلبها و زادت الزاوجة حلت حليمة عيونها و طرطق فمها بدم طاحت قدام ليليان دخلت يدها تحت طابلة حكمتلها يدها و تبسمت معاها و كأنها تودع فيها الملثمين رفدو جهاد وراحوا اما ليليان بقات تفيق فامها و تبكي .. وصلو الملثمين عند البوص : واش جبتو ... الملثم : هاذا ... البوص : واش ندير بيه ارموه فالبحر احسن بلاصة ... رماو جهاد فالبحر ...
جام للحلقات 👍❤