كرونيك: 💕انتقام_البنات 💕

08

#الحلقة8:
سي امين ولدك راهو فشط مع بنت سي #غابريال راهو يتمعشق و دوك يجيبلنا المشاكل
امين : خليه و انت واش دخلك مازالز صغير و يتقلش
عناد : اوووك سي امين انا نروح نكمل خدمتي
امين : فطريقك رووح لعند غابريال و شوف اذا قابل يجي لسهرة تاع ليوم
عناد : و اذا ماحبش
امين : نقتلك
عناد بلع ريقو : واش
امين : لي سمعتو
***********
قمر خارجة لطريق لابسة غوب نواغ ميدي و فوقها فاست كوير باج و فاردة شعرها لصفر على كتافها و قاعدة تستنا طاكسي و مرة تشوف فساعة مرة تقلب الملف تاعها اذا كامل و موسوسة معاه
جاية لوطو فرد مرة تجري و قدامها بقعة تاع الطين فاتت اللوطو مسختها من راسها لرجليها رجعت كما الصومال تمسح فوجها : الله يعطيك ضربة لهلا تربحك روح يعطيك غمة ... رجع مشاريال هبط زاج تاع لوطو بزربة : سمحيلي و كمل طريقو ... تغششت قمر و الوقت راح جات طاكسي حبستها و ركبت و الطريق كامل تمسح فوجها و تسب فيه ... وصلت دخلت للمقابلة مع القاضي ...