روح ملاكي ( جاري تعديل السرد )

المواعيد اللي هنكمل عليها

طبعا التيرم التاني بدا كل سنة وانتم طيبين وجدولي نزل وانا عندي بس تلات ايام فاضيين
فأنا بإذن الله هنزل يومين في الأسبوع وهاخد الجمعة راحة عشان اقدر اذاكر  فهنزل يومين وهما
(السبت والتلات الساعه ٧) وعشان هما فصلين بس فأنا هكبرهم آوي بإذن الله وهيكون فيهم أحداث كتير اوي

ده بالنسبة للمواعيد الرسمية، غير كده لو في يوم لقيت نفسي معنديش مذاكره هتلاقوني كتبت فصل ونزلته وده عشان حاجه اني عايزه اخلص الروايه قبل رمضان فوالله مفيش حد عايز يخلص الروايه قدي هنا وعارفة ان يومين ليكم قليلين بس والله هجير البارتات آوي عشان اعوضكم

حابه بس اقول اني والله لا بعمل كده عشان تشويق مثلا ولا عشان تفاعل ولا عشان حاجه تانيه خالص
انا والله اللي مقيدني هو جدولي وانا مكنتش عامله حسابي انه يكون مليان كده خصوصا ان فيه مادتين زادوا علينا فبعتذر منكم على تقليل الايام بس والله هحاول كل ما أفضى اكتب عشان اخلي البارت كبير اوي ومتحسوش اني بتاخر عليكم
ولو قدرت هنزل ايام زيادة والله
وزى ما قولت انا اكتر واحده عايزة الروايه تخلص قبل رمضان عشان بحضر للعنة الفراعنة (الجزء الثالث) وده مش معناه اني هجري الاحداث واختصر لا كل قصه هتاخد حقها كويس اوي وهتمشي زى ما كنت مخططه بس انا اللي هكبر البارت عشان ياخد أحداث آكتر واوعدكم اني مش هحاول اخليكم تحسوا بالغياب وعارفة اني بقيت بتقل عليكم بس حقيقي موضوع الكتابة مع الدراسه صعب شويه
لان عندي مذاكرتي وشغلتي في البيت والكتابه فبحاول اظبط جدولي عشان مجيش على حاجه
وتاني بكرر والله ما قصدي اني ازعل حد بس غصب عني

**المواعيد ***
السبت والثلاثاء الساعة ٧ مساءا بتوقيت مصر
وبشكركم جدا واوعدكم باحداث أجمل واجمل

دمتم سالمين
رحمه نبيل ❤️