Twisted Lives

Chapter 7

Simula nung lumabas ang resulta ng mga napiling makipaglaban ay hindi na 'ko nakareklamo at nagpractice na lang din kagaya nila. Si Sabrina ang captain namin, hindi ko rin masisisi dahil napakahusay niya pagdating sa bola.

Friday ngayon at patuloy pa rin ang paglilinis namin sa school. Nakakainis talaga! Pagod na kami sa training pero pinapaglinis pa rin kami! Detention pa namin bukas kaya hindi ako makakapagpahinga.

"Ace oh, thank you"  inabot ko sakaniya ang paper bag at nilalaman non ang jersey niya. Hiniram ko kasi 'yon simula nung magpractice at ngayon ko lang nabalik dahil nakapag pagawa na 'ko ng akin.

"Gusto kitang pahirapan mamaya" nakangising saad ni Sabrina. Kasabay ko sina Ace, Sab, Dean maging si Wade kumain ng lunch ngayon at heto si Sabrina, inaasar ako.

"Walang utang na loob. You're the reason why I was forced to enter this at the first place, wala kang karapatan"  sagot ko at pabirong umirap. Sab and I became a bit close, pero lamang pa rin ang asaran sa relasyon namin.

From 2pm to 4pm ang schedule ng P.E. class namin sa friday kaya sa ganoong oras kami magt-training. Hindi lang dapat kami ang mapagod kaya may pinapaayos ang mga teachers sa ibang students para sa gaganaping program.

Nagklase pa kami ng 1pm at nakapagpalit lang ng pang training nang matapos ang klase. Sabay kaming nagpalit ni Sab at sabay rin kaming pumunta sa court. Nasa kabilang court sina Ace since basketball sila.

Pumunta muna kami ni Sab sa bench para ayusin ang knee pad namin bago bumaba sa court. Si Sab ang bahalang mag-asikaso sa 'min ngayon dahil nasa basketball nakatutok ang mga teachers at coaches, sa monday naman ay kami ang tututukan. Balita ko na tatlong sunod sunod na nanalo ang campus namin sa palaro kaya napressure ako. Baka hindi namin mauwi ang trophy ngayong taon, lalo na 't wala si Krystal. Isa raw siya sa magaling maglaro.

"Start tayo sa stretching!" Sigaw ni Sab at pumasyok kaya naghanap kami ng kani-kaniyang pwesto para makapag stretching ng walang natatamaang ibang babae.

"Uhm.. pwede bang dito ako?"  Kinakabahang tanong ko kina Kylie dahil alam kong may sama ng loob sila sa 'kin lalo na't alam nilang ako ang dahilan ng pag-alis ni Krystal pero mas mabuti ng sakanila makitabi kaysa kina Dianne at Eunice dahil mukhang mainit lagi ang dugo nila sa 'min ni Sab.

"Yes you can"  but still, they acted matured and didn't plan revenge for what I did dahil kung ako siguro ang nawalan ng kaibigan dahil sa isang tao, makita ko palang ang taong 'yon ay masasakal kona pero iba sila. Umaakto pa rin sila na parang walang nangyari para hindi humaba ang gulo. I admired them by that, tama ang kaibigan na pinili ni Krystal hindi tulad ko, hindi mapagkakatiwalaan ang mga pinili kong kaibiganin.

"Anong tinutunganga mo diyan?"  Masungit na tanong sa 'kin ni Sab pero linabas ko ang dila ko para inisin siya, umirap lang ito sa 'kin dahil hindi niya naman ako maaaway. Siya ang nagdawit sa 'kin dito imbis na nag-aayos lang ako sa school!

"Break muna!"  Sigaw ni Sab nang makailang minuto na kaming nagpra-practice kaya nakahinga na 'ko nang maluwag. Kakatapos niya lang kaming papagserve isa isa at pinapulot pa sa 'kin ang mga nagkalat na bola hmp!

"Tara tignan natin sina Ace"  sabi ni Sabrina pagkalapit niya sa 'kin. Nang matakpan ko na ang hydro flask ko ay kaagad niya nang hinila ang kamay ko papunta sa kabilang court. Hindi niya man lang hinayaang mababa ko ang iniinuman ko.

Palapit palang kami sa kabilang court ay rinig na namin ang pasyok at ang tunog ng sapatos ng mga basketball player na naglalaro.

Nagulat ako nang makitang madaming nanonood sakanila at may mga banner pa na kala mo naman ay nasa totoong laro na. Akala ko ba ay nag-aayos sila? Bakit ang daming estudyante dito?