عشقت زعيم مافيا⁦♥️⁩ (جزء أول + جزء ثاني) مكتملة (تم تعديلها)

لينا رقصة 😂💕

(وحشتووونااااي أوي أوي 😂 .. رجعتلكم تاني أهو ببارت جديد ويارب تحبوه ويعجبكم 🥰)
يا نقاوة عينيا
يا روح قلبي
يا أغلى الناس
معقولة حلاوتك دي
بدوب في إيديك
من الإحساس ❤️
لينا رقصة ولينا رقصة
أنا وأنت
مفيش حاجة ناقصة
مزيكا وفرحة كبيرة
لينا رقصة ولينا رقصة ❤️

©©في قصر الأسد .. وبداخل غرفة نوم أسد ...
#كانت سهيلة تبكي بشدة بسبب إبتعاد ابنتيها عنها وأسد يحاول تهدئتها بكافة الطرق الممكنة ...
أسد بضيق وغيظ :- كفاية عياط بقى أبوس إيدك يا حبيبتي مليار مرة وأقولك بطلي دموع وعياط .
سهيلة ببكاء :- مليش دعوة أنا عايزة بناتي يا أسد أنا عايزة البنات يناموا ف حضني زي زمان بقى اهئ اهئ اهئ إتصرف بقى وهاتلي عيالي يلا .
أسد بغضب :- وأجيبلك بناتك إزاي وكل واحدة ف بيت جوزها دلوقتي أروح أخدهم يعني علشان إنتي ترتاحي وتبطلي عياط ودموع وزن .
سهيلة بعصبية :- أيوة روح أنت خدهم من عندهم وهاتلي بناتي لحضني تاني وإلا هروح أنا يا أسد يا ألفي وأجيبهم بنفسي القصر وأنت عارفني مجنونة وأعملها ومش لسه هتعرفني .
أسد بصدمة وغيظ :- إنتي شكلك إتجننتي يا سهيلة ع المسا صح بناتك لسه متجوزين دلوقتي وكل بنت فيهم عند جوزها بتستعبطي ولا إيه .
سهيلة بدموع :- يعني يرضيك أنام والبنات مش هنا ف أوضتهم يا أسد يعني أصحى الصبح وأروح أطمن عليهم ألاقي أوضتهم فاضية والله ده ظلم .
أسد بابتسامة خفيفة على جنونها :- يادي النيلة عليا يا سهيلة مهو كل البنات لما تتجوز بتسيب بيت أهلها حتى إنتي كنتي كده خايفة مني وعايزة ترجعي عند عمي وطنط ولا نسيتي أفكرك بأول يوم جواز وإحنا ف الطيارة مسافرين تركيا وكنتي بتعيطي أوي على رجلي زي الأطفال الصغيرين بالظبط .
سهيلة بابتسامة بين دموعها وقالت بغيظ :- أه فاكرة يا أخويا لسه منستش حاجة ولا حتى نسيت ماتش البوكس إللي لعبناه سوا وإحنا هناك حابب تجربه من تاني ولا تسكت أحسن علشان أنا من ناقصة هزارك دلوقتي وأنت ما بتصدق وتشبط .
أسد بضحكة عالية :- ههههههههههههههههههه يخربيت دماغك المجنونة يا حرمي المصون إنتي لسه فاكرة الماتش بس تنكري عملت إيه بعده جننتك صح أومال البنات جت منين يا لوليتا قلبي إنتي .
سهيلة بضحك رغما عنها :- هههههههههههه لا مَنكرش الصراحة هو كان جنان بعقل وبطل بقى قلة أدب اوك أنا هروح أغير الفستان علشان عايزة أنام كتير وبكرة الصبح بإذن الله هروح عند أهلي .
أسد بغمز وخبث :- طب ما تيجي ونجيب مليجي يا لوليتا بصراحة أنا ناوي أرجع أمجاد شهر العسل بتاع تركيا تاني علشان أرجع أجننك تاني وتاني .
سهيلة بنفي وركضت تجاه غرفة الملابس :- والله ما يحصل يا أسدي ريح دماغك عااااااااا إتلم أحسنلك يا أسد بقى لو حد سمعنا هنتفضح والله .
أسد بغيظ وركض خلفها لكن أغلقت الباب في وجهه بقوة :- بقى بتقفلي الباب يا جبانة قبل ما أمسكك ده أنا هعلقك بس لما تطلعي من جوا هتروحي مني فين يعني واقفلك أهو ع الباب ومش هتفلتي .
سهيلة بضحك وهي تبدل ملابسها وإرتدت قميصه الأبيض :- ههههههههههههههه خليك عندك عادي أنا هنام هنا النهاردة وبكرة هطلع منها قبل ما أنت تصحى من نومك الخفيف ياروحي ههههههههههههههه خليك واقف كده زي الحارس وبتحرسني اوك .
أسد بغيظ وتوعد لها بالعقاب :- أقسم بالله لو طولتك هنفوخك يا سهيلة إخرجي من عندك أحسن بالأدب وإلا هزعل منك جامد وإنتي عارفة زعلي .
سهيلة بتذمر وخرجت من الغرفة :- يوووه بقى منك يا أسد أنت دايما بتمسكني من الإيد إللي بتوجعني وتقولي هزعل منك وهخاصمك وبتتقمص من أقل كلمة أقولهالك أوووف بقى أديني إتنيلت طلعت أهوه إرتحت حضرتك كده ولا لأ .
أسد بحب وحملها بين ذراعيه :- كنت عارف إن مش هيهون عليكي زعلي يا لوليتا قلبي إنتي ربنا يديمك ليا ويباركلي فيكي ياعمري يارب بحبك أوي .
سهيلة بابتسامة وخبئت وجهها في عنقه :- وأنا كمان بعشقك وبحبك أوي أوي يا أسدي يا أبو البنات أنت جوزي وحبيبي وأخويا وصاحبي ومقدرش أعيش من غيرك ومن غير وجودك جنبي .
#كاد أن يقبلها أسد ولكن قاطعه صوت طرقات على باب جناحهم الخاص فنظر إلى زوجته بغيظ شديد وبدأ في سبّه أما سهيلة إنفجرت ضاحكة عليه ونزلت على الأرض لتفتح الباب لكن أوقفها هو وذهب بإتجاه الباب ليفتحه بنفسه ويوبخ الطارق بعنف ...
(معلشي يا أسد مش مكتوبالك شكلها 😉😂😂)
أسد بحدة شديدة :- أنا مش قولت سبعتلاف مرة لما أكون مع مراتي محدش يخبط علينا .
سالي بخجل :- احم احم معلش يا أسد أنا آسفة إني بخبط عليكم ف وقت متأخر بس أنا عايزة أتكلم مع سهيلة ضروري أوي ممكن تندهلها ياريت .
أسد باستغراب :- ضروري أوي لا عادي ولايهمك يا سالي تعالي أدخلي عندها وأنا هروح المطبخ .
سهيلة بفضول ووجدت أمامها سالي :- شعنونتي إيه يابت مالك تعالي أدخلي تعالي خير ياقلبي قلقتيني عليكي جوزك زعلك ولا إيه .
سالي بتوتر بعد أن خرج أسد وتركهم :- احم لأ لأ لأ مزعلناش مع بعض إحنا ولا حاجة بس هو فيه حاجة كده حصلت وأنا عايزة أقولك عليها .
سهيلة بمزح :- إوعي تكوني حامل تاني يا سالولتي وكرار ميعرفش قولي قولي متتكسفيش مني ده أنا صحبتك برضو وستر وغطا عليكي من زمان .
سالي بإيماءة :- الصراحة الصراحة أه يا سهيلة شكل كده فيها حمل تاني فعلا ومش عارفة أعمل إيه .
سهيلة بصدمة وعدم تصديق :- نعممم يااااررووحح خااالتتككك بتقولي إيه حامل إللي هو إزاي يعني أنا مش فاهمة حاجة فهميني براحة ياريت .
سالي بضيق وخجل :- إيه ياست زفتة إنتي أنا حامل زي البني آدمين من جوزي فين إللي مش فهماه .
(حلو كده ياست سالي 😂 إتبسطتي إنتي كده صح 😂 هتجيبي عيل جديد وابنك الكبير لسه قاعد ف أرابيزك ومتجوزش لغاية دلوقتي 😂 مبروك عليكي)
سهيلة بضحك شديد :- ههههههههههههههههه يالهوي يانا أه يابت الهبلة معقول هتحملي وتبقلظي وتخلفي تاني يا سالي وابنك لسه مخلل جنبك قصدي يعني لسه متجوزش طب قولتي لجوزك ولا لسه .
سالي بغيظ وضربتها بالوسادة :- إتكتمي يابت إنتي بقى إلهي يخربيت صوتك العالي ده هتفضح لأ طبعا لسه مقولتش حاجة أنا خايفة من رد فعله أصلا لو قولتله على حاجة زي دي هيعمل فيا إيه .
سهيلة بضحك وتفادت الوسادة :- هههههههههههههههه يالهوي من جنانك يا سالي وبعدين عادي ياقلبي فيها إيه دي قوليله ده أكيد هيفرح أوي لما يعرف وبعدين أنتو لسه صغيرين ومن حقكم تجيبوا تاني وتالت أنا عن نفسي ياريت ربنا يرزقني بطفل تالت من أسدي والله وهكون شاكرة لربنا جداً كمان .
سالي بخجل :- يعني أروح أقوله وأفرحه ولا أستنى شوية وبعدين أقول مهو بصراحة الموضوع مكنش محسوبله والله يعني لوحده كده حصل .
سهيلة بابتسامة وربتت على يدها :- دي أحلى حاجة ف الدنيا إن يكون عندك حتة تانية من جوزك يا لولي يلا روحي قوليله وفرحيه ربنا يفرحكم دايما يارب ويرزقك بالزرية الصالحة ويطرح فيها البركة ألف ألف مبروك عليكم ياقلبي وتقومي لينا بألف بالسلامة .
سالي بابتسامة مبادلة وإحتضنتها بقوة :- ربنا يبارك فيكي يا حبيبتي أنا مش عارفة والله من غيرك كنت عملت إيه ربنا يديمك ليا يا بيستي العسل .
سهيلة بمرح :- ويديمك ليا يا موزتي روحي يلا على جوزك وإدخلي كده بقلب جامد وفرحيه بالخبر الحلو ده أنا لو منك أعمل حفلة والله .
سالي بغيظ وضربتها على رأسها بخفة :- نفسي لسان حضرتك الطويل ده يتقص منه مترين تلاتة هروح أهو ياختي وربنا يستر بقى من رد فعله .
سهيلة بغمز :- بت لسان مين يا أم لسان خلينا فيكي إنتي دلوقتي يا موزة هتكعبري وتتكعوري قريب بس خلينا نتفق لو جبتي بنوتة تسميها على إسمي .
سالي بخجل وضحك :- إتلمي يابت يوووه ملكيش أمان والله هههههههههههههه أنا هروح أشوف جوزي وقرة عيني ياختي وأقوله الخبر ده .
سهيلة بضحك :- ههههههههههههههههه روحي ياختي روحي هييييح على عصافير الحب يا ناس .
#ابتسمت سالي بسعادة ثم تركت صديقتها وخرجت لتذهب إلى جناحها .. وبعد قليل عاد أسد إلى زوجته ووجدها جالسة على فراشهم وهي تحتضن الوسادة وتبتسم بشرود ...
أسد بتساؤل :- إيه الحكاية يا لوليتا قلبي مالك كده مسمهة أوي ليه وسرحانة هي سالي هانم قالتلك إيه بالظبط مخليكي ف دنيا تانية لوحدك .
سهيلة بابتسامة ونظرت إليه :- حصلت حاجة حلوة كده وبصرف النظر عن سرحاني قولي كنت فين .
أسد بابتسامة وجلس جانبها على الفراش :- اوك طب هو أنا ممكن أعرف إيه هي الحاجة الحلوة دي إللي حصلت يا لوليتا وبعدها أنا كمان هقولك كنت فين بالظبط إشطا ياقلبي .
سهيلة بتساؤل :- أسد هو أنا لو قولت إني هجيبلك بيبي جديد لينا هتزعل ولا هتفرح جداً .
أسد بصدمة :- إنتي بتتكلمي جد هو إنتي حامل فعلا ده إحنا لسه مجوزين البنات من شويه لحقتي تحملي تاني لأ لأ لأ مش معقول مش قادر أصدق خالص .
سهيلة بغيظ :- نعم ياروحي يعني أنا لو حامل فعلا أنت مش هتفرح ولا هتتنطط خالص تصدق بالله أنت معندكش ريحة الدم والله العظيم جتك نيلة .
أسد باستغراب ورفع حاجبيه :- أنا مش فاهم حاجة خالص والله يعني إنتي دلوقتي حامل ولا لأ وبعدين بتشتميني ليه بالشكل ده مش كده غلط .
سهيلة ببرود وحنق :- يا أخويا مش متنيلة دي سالي هي إللي حامل ومش عارفة تقول لجوزها علشان هي خايفة من رد فعله لما يعرف غير العيلة كلها ومهند ابنهم كمان هيبقى عنده أخ صغير ف السن ده .
أسد بضحكة عالية :- ههههههههههههههه والله العظيم معقول سالي وكرار هيبقى عندهم بيبي ياروحي أنا والله مش قادر أصدق إللي بسمعه ههههههههههههههه معقولة كرار هيجيب بيبي تاني .
سهيلة بغيظ ولكزته في معدته بقوة :- أنت بتضحك على إيه نفسي أعرف نازل كركر مرمر على إيه ممكن تسكت بقى أحسن أنا متغاظة منك أصلا .
أسد بتأوه وجذبها من رأسها لحضنه :- ااااه يابت ال إنتي بتمدي إيدك على جوزك مش عيب كده طيب احم بقولك إيه ما تيجي ونجيب مليجي يلا .
سهيلة بسخرية وتهكم :- مليجي مين يا حبيبي إحنا راحت علينا خلاص والمفروض نستنى أحفادنا ولا أنا غلطانة يا أسدي ريح دماغك بقى وأُسكت .
أسد بغيظ وعض كتفها بقوة :- مين ده إللي راحت عليه يا فالحة ده أنا لسه شباب مش شايفة عضلاتي وحلاوتي ولا إيه ده البنات مموتة نفسها عليا ونفسها تتجوزني ولا أسودك حبيبك بقى وحش دلوقتي .
سهيلة بضحك شديد :- ههههههههههههههههه عاااااا يا كتفي يانا ده كتفي والله مش غزل بنات هـاا وبعدين ياعم أقعد على حيلك بقى وبلاش النفخة الكدابة دي ما أنا عارفة إللي فيها هنلعب على بعض ونصيع بطل بقى الاسطوانة الحمضانة دي اوك وخليك جد .
أسد بغيظ وإنبطح فوقها :- نعم ياروح خالتك مين ده إللي بيكدب وبيصيع تحبي أخليكي تجيبي تؤام دلوقتي وتبقي زيها ولا تلمي الدور وتهمدي .
سهيلة بخضة وتنظر إليه بتمعن :- بسم الله الحفيظ أنت لحقت تعمل كده إزاي وبعدين إهمد يا أسد اوك بكرة هروح للبنات أتطمن عليهم وأشوفهم إبعد بقى أحسنلك علشان عايزة أنام الوقت إتأخر .
أسد بخبث وأغلق الأضواء جانبه :- بنات مين بس دلوقتي يا لوليتا بقولك أنا عايز أجيب مليجي وأنا بقى هجيبه يعني هجيبه إشطا .
سهيلة بضحك :- هههههههههههههه والله أنت هتفضل مجنون وعمرك ما هتتغير يا أسدي المجنون .
(وعيب كده بقى 😂😂 نسيب الناس قليلة الأدب دي ونمشي من هنا أحسن 😂 ونروح عند ناس تانية نشوف بيعملوا إيه اوك ولا حابين تفضلوا هنا 😂)