ဆုတောင်းလေးပြည့်ပါရစေ
Unicodeဉာဏ် , မနက်ခင်းလေ့ကျင့်ခန်းလုပ်ရန် ကန်သာယာပန်းခြံသို့လမ်းလျှောက်လာခဲ့သည် ။
ကန်သာယာလို့ခေါ်တွင်သည့်အတိုင်း ကန်ရေပြင်ကျယ်ကြီးကို အုတ်တံတိုင်းလေးတွေဖြင့်ကာခါ အလယ်တွင်သစ်ပင် ၊ပန်းပင်လေးတွေ စိုက်ပျိုးထားပြီး ပန်းခြံတည်ဆောက်ထားခဲ့ကြသည် ။ ဆောင်းမနက်ခင်းဖြစ်သည်မို့အေးစက်စက် နှင့် လတ်ဆတ်သောလေထုရဲ့အထိအတွေ့ကိုလည်း အားကစားဝတ်စုံ အောက်မှခန္ဓာကိုယ်ကသိရှိခံစားရသည် ။ သိုပေမဲ့ အဲဒီလိုမျိုးကိုသူနှစ်သက်သည် ။
ပန်းခြံဝန်းအတွင်း နားကြပ်လေးတပ်သီချင်းနားထောင်ကာသုံးပတ်လောက်ပြေးပြီးနောက်..လက်မောင်းလေ့ကျင့်ခန်းလုပ်သည့်စက်ကရိယာဖြင့်အားကစားလုပ်နေကာ ပတ်ဝန်းကျင်ကို လိုက်လံကြည့်ရှု့နေလိုက်သည် ။ သူ့အရှေ့ အုတ်ခုံဘောင်တွင်ထိုင်နေသည့် နှင်းရုပ်ထုလေး တင်ထားသလို ဖြူဖြူစွတ်စွတ်ကောင်လေးတစ်ယောက်သည်လည်း လှုပ်ရှားနေသည့် သူများကိုကြည့်ကာ ပြုံးနေသည် ။ အမြဲပြုံးကာကြည့်နေတတ်သည့် ဒီကောင်လေးကို သတိထားမိတာ သုံးရက်လောက်တော့ရှိပြီ ။ ထို့ကြောင့် နှုတ်ဆက်ရန် ထိုကောင်လေးနားသို့ လျှောက်လာခဲ့လိုက်သည်...။
"ညီလေး တစ်ယောက်တည်းလား ? "
"ဟုတ်ကဲ့ ခင်ဗျ ။"
တိမ်လွှာ အနားသို့ လူစိမ်းတစ်ယောက်ရလာကာ စကားပြောသောကြောင့် ရည်ရည်မွန်မွန်သာပြန်ဖြေလိုက်သည်..။
"အစ်ကို..ညီလေးကို သတိထားမိတာကြာပြီလေ ။ ဒါကြောင့်လာနှုတ်ဆက်တာပါ "
"ဟုတ်ကဲ့..ရပါတယ်ဗျ ။ "
ကိုယ်ဘာပြောပြော ဟုတ်ကဲ့ တစ်လုံးသာပြန်ဖြေနေ၍ ဉာဏ်လည်း အားနာစွာ နှုတ်ဆက်ပြီး ပြန်ထွက်လာခဲ့မိသည်..။
တိမ်လွှာ ဘေးကလူထွက်သွားတော့မှ အပေါ်ထပ်အကျီအိတ်ထဲ ခေါက်ထည့်ထားသည့် လမ်းလျှောက်တုတ်လေးကို ဆန့်ထုတ်ကာ အိမ်သို့ပြန်လာခဲ့လိုက်သည် ။
YOU ARE READING
ဆုတောင်းလေးပြည့်ပါရစေ [One Shot]
Short StoryUnicode BL One Shot ပါ ပထမဆုံးအကြိမ်ရေးဖူးတာမို့အမှားပါရင်ခွင့်လွှတ်ပါနော် ဖတ်ကြည့်ပြီးဝေဖန်ပေးကြပါဦး ကျေးဇူးပါ ❤️❤️❤️ ᴀᴘʀɪʟ 8 ,2021 Zawgyi BL One Shot ပါ ပထမဆံုးအႀကိမ္ေရးဖူးတာမို႔အမွားပါရင္ခြင့္လႊတ္ပါေနာ္ ဖတ္ၾကၫ့္ၿပီးေဝဖန္ေပးၾကပါဦး ေက်းဇူးပါ ❤️❤️❤️...