༺عذاب الغرام ༻مكتملة

13

وبعد مرور اكتر من ست ساعات كان الكل مجتمع داخل المشفى الى ان خرجت ملك وهى فى حالة لا يرثي لها
الدكتور:مش هينفع يا جماعه حد يدخل دلوقتى هى لسه تحت الملاحظه
والدتها:طب هى كويسه بس عاوزه اعرف مش اكتر
الدكتور باشفاق على حالتة والدتها:هى الحمد لله كويسه بس شوية كسور وهتقوم بالسلامه
مروان جائه اتصال عن اعتداء على فتاة وبالوصف عرف انها ملك فتحدث الى احد الظباط الذين امسكوا بالسيدات وفهم انهم اعترفوا بعد عدة محاولات منهم التهرب وانهم مظلومين
مروان بصدمة مما عرفه من الضابط: ايه بتقول مين عمل كده طب انا هكلمك بعدين انا اصلا فى المستشفى وهشوف اذا كنت هقدر ادخلها ولا مش هينفع
والدة ملك: اه يا بنتي انا هموت يا عبدالله انا كان قلبي حاسس ربنا ينتقم منه اللى عمل كده ربنااا ينتقم منه
عبدالله وهو يكتم نفسه من الا ينهار امامها وهو يطبطب عليها: خلاص يا ام ملك البنت هتبقي كويسه وهتقوم بالسلامه خلي املك فى ربنا كبير
واما عند طارق فكان فى عالم اخر لا يستطيع ان يتحدث فكأنه مغيب عن الوعى وعندما لاحظت كارما
كارما: طارق حبيبي انت لازم تكون قوى عشان خاطر ملك
طارق:  ازاى يا كارما ازااى عاوزانى ابقي قوى وانا اصلا معرفتش اساعدها معرفتش احميها كانت متقطع هدومها وبتنزل دم من كل حته ازاى وانا كنت بتفرج يا كارما ازااى
كارما: اهدى يا حبيبي اهدى وكل حاجه هتتصلح بس قوم اغسل وشك وحاول تمسح الدم اللى على التيشيرت ده
نظر طارق الى ملابسه وجد التيشيرت الابيض ملون بالاحمر فمسك نفسه بشدة وكان يعتصر بداخله فكان بداخله نار لا يستطيع احد ان يراها او يشعر بها غيره
فاقت ريم وكانت غير واعية وفجأة شعرت بصداع شديد يعصف برأسها: ااه انا فين وهى تنظر فى كل مكان ثم وجدت مروان يدخل عليها
مروان: ايه اخبارك دلوقتى بخير
ريم وهى تمسك رأسها: اه انا فين وتذكرت بعدها كل شيئ
هو ايه اللى حصل وانا جيت هنا ليه
مروان: انتى كان عندك انهيار عصبي ده غير انك ماكلتيش حاجه فحصلك هبوط
ريم: طب وملك.. ملك ايه اخبارها
مروان: طلعت وفى العناية حاليا لكن حالتها مستقرة
ريم وهى تقوم من على السرير: انا لازم اشوفها
مروان:استني استنى مش هينفع
ريم بصراخ:هو ايه اللى مش هينفع اوعى سيبنى بقولك انا هخرجلها انت مش عارف ملك ايه بالنسبالى وهى تضرب ناحيه قلبها ملك دى اختى اختى وببكاء حاد انا مش هينفع اخسرها مش هينفع انااا وهى وكارما تؤام ومش هنفترق
كارما دخلت بسرعه:فى ايه مالها وبتصرخ ليه كده
ريم:كارما وببكاء انا عاوزه اشوف ملك دلوقتى
كارما:يا حبيبتى هى بقت كويسه بس شوية كدة وهندخلها كلنا بس ريحي اعصابك
وبعد وقت هديت ريم وطلعت من الغرفه بعد ان اطمئن عليها الدكتور برغبة من مروان
والدة ملك بعد فترة احست بصداع شديد وشعرت بشيئ سائل ينزل منها فنظرت للارض ثم انصدمت انها دماء
فصرخت لزوجها:عبدالله الحقنى الحقنى
عبدالله بصدمه ثم اخذها بسرعه للطبيب وكشف عليها فلحق فى اخر لحظه الجنين واعطاها مثبتات لكن عليها ان ترتاح فاخذوها الى غرفه بجانب غرفة ابنتها لانها طلبت هذا واعطوا لها محلول لانها لم تاكل شيئا
فكان على الاخرين ان يرحلوا و لكن اصر طارق بالمكوث معهم وقال:يا حج عبدالله انت تعبان ده غير ام ملك هتاخد بالك منها فلازم حد يكون معاك
عبدالله:والله يا بنى لولاك مكناش لحقناها ربنا يباركلك يا رب بس مش عاوز اتعبك معانا كفاية اللى حصل لغاية دلوقتى
طارق:متقولش كده احنا اهل المهم انت خلى بالك من صحتك وانا هاقعد برا
عبد لله:طب يا بني ربنا يباركلك يا رب
اثناء الليل كان طارق لم يغفى له جفن وفجأة وجد من يربت على كتفه
عبدالله:خد يا بنى اشرب العصير ده و كل الاكل لانك شكلك هبطان والله انا مش عارف لولاك كنا عملنا ربنا يباركلك يا رب
طارق:ايه اللى بتقولو بس يا حج واخذ منه الطعام ووضعه بجانبه يلا اقعد بقى انت كمان علشان ناكل مع بعض لان انت محتاج طاقة عشان تقدر تعدى 
عبدالله: مش عارف بجد كان مستخبي لملك كل ده فين ومين له نفع من انه يإذيها بالشكل ده
طارق:ان شاء الله هنعرف ومش هنسيبه وفى نفسه انا هطلع روحه بإيديا بس اطوله
وبعد مرور يومان تحسنت حالة ملك بشكل ضعيف الى انها استطاعت ان تتحدث وايضا قامت والدتها وتحسنت ايضا، و فى الصباح دخل عليها مروان
مروان:ازيك يا ملك صحتك عامله ايه دلوقتي
ملك:الحمدلله بقيت احسن
مروان: طب بصي مش هطول عليكي كتير انتى اثناء ما الناس اتهمجوا عليكى وضربوكى قالوا حاجه
ملك بتذكر:هو انا مش فاكره اوى بس كانوا بيقولوا عشان مش حتة عيلة زيك تعمل فى اسيادها كده وترفض زين الشباب اناا مش فاكره الجملة لكن ده اللي فاكراه وبعدين اغم عليا ومحستش بنفسي
مروان : خلاص كده كل حاجه بانت
ملك:ايه هو اللى بان بالظبط ومين اللي هياذيني بالشكل ده
مروان:مفيش غير محمد وامه وانا حذرتك منهم
ملك بتذكر:اه صح انا من فترة شوفت ام محمد كانت واقفه مع ست وكان شكلها قريب من الست اللى ضربتني او انا مش عاوزه اظلم حد لكن انا بقولك اللى فاكراه او هيقدر يساعدك
مروان: اكيد انا اصلا كنت هسألك اى حاجه لاحظتيها او شوفتيها ردود فعل غريبه مثلا لان كل ده هيساعدنا
دخل طارق:ايه يا استاذ مش كفاية بقى البنت لسه خارجه من عمليات
مروان بابتسامه تفهم وتأكيد لظنونه:انا خلاص خلصت كلامى وربت على كتف طارق ثم قرب من اذنيه وقال له على فكرة باين عليك اوى
طارق باستغراب:باين ايه بالظبط
مروان بضحك:لا ابدا بهزر معاك بس برضو شكلك واقع
طارق بغيظ من اسلوبه:ممكن حضرتك تفهمنى قصدك ايه
تدخلت ملك فى الحوار فكانت تستمع لهم وهى لا تعلم بما يتحدثون
ملك:هو فى ايه يا جماعه
الاثنين مرة واحده:لا ولا حاجه ثم نظروا لبعض مروان ضحك وإنما طارق كان على وشك الانفجار
وبعد خروج مروان من الغرفه جلس طارق بالكرسي المجاور للسرير ثم نظر لها وقال فى نفسه:امتى بقى تعرفى ايه اللى جوايا
~:طارق يا طارق مالك فى ايه
~:لااا بس مصدع شوية
~:اكيد من قعدتك انت كنت معايا الفترة دى ومسبتنيش والله يعنى مش عارفه اقولك ايه
~: لا متقوليش كده يعنى عاوزانى اسيبك فى الظروف دي
~:انت مش مضطر كفاية انك انقذتني منهم والله انا مهما اقول مش هرد حاجه قليلة من اللى انت عملتها
طارق نظر لها بعمق:ملك انتى غالية عندنا اوي فياريت متتعامليش كده احنا اهل
ملك وهى غير مستوعبه من كم المشاعر التى اجتاحتها فجأة فهى اول مرة تشعر بهذا الشعور وهى ترى نظراته لها وحنانه الزائد عليها فكأنه يعامل ابنته المدللة و هكذا كانت ضربات قلبها لا تتوقف وتنفسها سريع وكانها فى غير عالم كانها هى وهو بمكان واسع ولا يوجد به احد قاطع شرودهم ببعض دخول والدها ووالدتها
عبدالله:ايه يا حبيبتى عامله ايه دلوقتى انا لسه سائل الدكتور وقال هيعمل شوية فحوصات بس لازم تفضلى فى المستشفى،حضنت الام ابنتها وربتت على كتفها بحنان ثم قالت :كان مستخبيلك كل ده فين بس ربنا على الظالم والمفترى منهم لله استاذ مروان حكالنا ان الستات اللى ضربوكى باتفاق مع ام محمد
طارق:ايه انا كنت برضو شاكك لان الست شكلها مش سهل
حنان:يلا ربنا يسهلها ويبعدها عننا يا رب
طارق:ده مش اقل من عشر سنين ده انا مش سكت هوقف محامى مخصوص عشان متعرفش تطلع منها
عبدالله:والله يا بنى انا مش عارف اقولك ايه كتير اوى اللى بتعمله بس ربنا يقدرني واردلك جميلك
طارق: متقولش كده تاني والله ازعل منك
وانتهى اليوم بدون اى احداث اخرى
ــــــــــــــــــــــــــــــــــــــــــــــــــــــــــــــ
مر اكتر من عشر ايام وخرجت ملك وكانوا كارما وريم معها دوما يعطوها كل جديد بخصوص الدروس وايضا والدتها كانت ترعاها وحالتها تحسنت تدريجيا
اما بالنسبه لمحمد ووالدته وانها اعترفت له وانها على وشك الحبس قرر انه هو من يتولى الامر ولكن كانت الامور كلها ضده حتى المحامى لم يستطع مساعدتها
محمد:طب والعمل ايه يا استاذ جمال
جمال المحامى:بص يا بنى معندكش غير حل واحد عشان تقدر تخلص امك
محمد:قولى اى حاجه وانا هعملها
جمال: معندكش غير انك تقول انك اللى اتفقت مع والدتك على انكم تأذوها وهى ممكن تطلع بكفالة عالية انما انت هتفضل شوية ولغاية اما احاول اعمل صلح بينك وبين اهل البنت وانك كنت مش فى وعيك وحالة غضب بعد ان اتهجم عليك اللى اسمه طارق وانها كانت على وشك انك تخطبها وهى كانت ماشية معاه وصلطته علشان تتخلص منك
محمد بتفكير:طب وكده يعني هينفع
جمال: ان شاء الله قول يا رب وهما اكيد هيخافوا على سمعة بنتهم وهيتنازلوا عن القضيه
ــــــــــــــــــــــــــــــــــــــــــــــــــــــــــــــ
جاء اخيرا يوم المحاكمه وبعد ان قدم محمد اقواله التى ليس لها صحه من الاساس ودعم والدته ايضا وانهيار ملك
محمد: يا حضرة الظابط البنت دى كنت هخطبها وكلمت ابوها حتى اسأل اهل المنطقه يشهدوا بكده وبعدها بفترة انا كنت بحاول اكلمها وافهم منها هى بتتعامل كده ليه معايا لكن وبصلها هى كانت على طول بتتهرب مني وفجأة فى يوم انا كنت ماشي ولاقيتها ماشية مع الجدع ده وشاور على طارق الذى يتحكم بغضبه بالعافيه واما شافني مسكنى ضرب لحد اما كنت هروح فيها وروحت المستشفى ساعتها
محامى طارق:حضرة القاضي تسمحلى استجوبه بخصوص حاجه..اتفضل
~انت زى ما بتقول انك كنت هتخطبها صح
محمد بتلعثم:ا..ايوه
~طب حتى لو هو زى ما بتقول ضربك ليه مبلغتش عنه
محمد بتفكير:عشان خوفت لياذوني
~وليه محاولتش تاذى طارق بدل ما تاذى ملك بالشكل ده
محمد:اانا فكرت ان كده انسب
~ومخوفتش لتتحبس ولا حتى انك بسبب كده هتتأذي بص يا محمد احسن ليك انك تعترف من غير لف ولا دوران لان القضية لابساك لابساك
ــــــــــــــــــــــــــــــــــــــــــــــــــــــــــــــ
بعد مرور اكتر من شهر ونص،ريم ذهبت لملك ولكن قابلتها فى الطريق السيدة ليلى
ليلى:ايه يا ريم عامله ايه يا حبيبتى بقالي كتير بسأل مامتك عليكى عشان لما بجيلكم مش بشوفك ايه موحشتكيش
ريم:لا والله ازاى بس انا كنت مشغوله فى الدروس وصاحبتي كانت عملت حادثه فبروح اديلها اللى فاتها
ليلى: ربنا معاكى يا حبيبتى طب ايه رايك بعد اما تخلصي تيجى تقعدى معايا شوية انا اصلا ولادى بيجوا بالليل وبفضل قاعدة لوحدي
ريم:خلاص هقول لماما واكلمك عشان انا مقدرش على زعلك
ليلى:طيب يا استاذه بس ابقى اد كلمتك
وبعد ان ذهبت ريم اتصلت ليلي على شخص ما
~:نعم يا حبيبتى
ليلى:بص انت هتيجى النهارده تشوف البنت يعنى هتيجى انا ما صدقت لاقيت فرصه وانا قولتلك ان البنت دى بالزات عجانى وهتعجبك
~:يوووه انتى مزهقتيش من الموضوع ده انا مشغول النهارده اوى
ليلى:انت عاوزنى يحصلى حاجه والله لو مجتش النهارده بدرى لانا جايالك الشغل بنفسي
~:ايه يا حبيبتى انا بهزر معاكي انا اصلا جاي فى الطريق
ــــــــــــــــــــــــــــــــــــــــــــــــــــــــــــ
ريم:ايه يا ملك هتفضلى كده مش حابه تنزلي يا بنتى اهو محمد واتحكم عليه بست سنين والمفروض انك تنتبهى لدروسك مش موقف زي ده هو اللى هيوقفك يعنى
ملك:انا مش عارفه مالى بس انا خايفه من كل حاجه
ريم:بصي انا مش هقولك اللى حصل عادى لا اللى حصل حاجه كبيرة بس كلنا بنمر بمشاكل ووارد جدا نقف ونقول لنفسنا مش هنقدر نكمل بس ده غلط احنا لازم نقف من تانى ونكمل ونتعلم من اللى بيحصل معانا
ملك:طب خلاص يا بنتى انا لما الاقي نفسي هديت هنزل واروح معاكم الدرس وهيكون على اخر الاسبوع ارتحتي
ريم:بتنهيدة اه ارتحت اخيرا هترجع لحضن اخوك يا فواز وننزل نرخم على البت كوكى هى صح هتيجي امتى
ملك وكانت ستتحدث الى ان دخلت عليهم كارما
كارما:مين بيجيب فى سيرتي
ريم:والله يا بت وشك حلو فى خبر بمليون جنيه لكن عشان عارفاكى مش حيلتك حاجه فهيبقى بخمس شوكولاتات
كارما:بطلي رخامه وقولى فى ايه
ريم:my life ونصي التاني هتنزل معانا الاسبوع ده خلاص كارما:لا با ختى طب وانا ابقي ايه مدام هى نصك التانى وحياتك
ريم:انت الحب الحب والعين والقلب 😂😉
كارما:طب احنا لازم نحتفل بكده بقى انا هنزل حالا اجيب شوكولاته وشيبسي وببسي بقى واظبطكم
ريم:اه وكتري بالله عليكى فى الشيبسي
نزلت كارما لكن وجدت فجأة من يكمم فمها كادت ان تصرخ الى ان نظرت له
كارما:كريم انت ايه اللي جابك هنا
كريم:ايه مش عاوزه تشوفيني وحشتيني اوى وقولت اراقبك لغاية اما الاقى فرصه اكلمك
كارما بهيام وابتسامه خجله:طب يعنى انت اه وحشتنى بس انت عارف ماما وبعدين مش فاضلنا كتير اهو فاضل كام شهر واخلص وانت كذلك وبعدين ما انت بتكلم ماما تطمن عليا
كريم:لا والله الكلمتين اللى مش بقدر حتى اسمع صوتك فيهم ده لو رضيت عليا بتخلينى اقولك ازيك وبس 
كارما بضحك:يعينى عليك طب مانا زى زيك لكن لازم انا وانت ننتبه لمستقبلنا وانت كمان ده انت اخر سنه لازم تجتهد
كريم:طب هقدر اكلمك تانى امتى صدقيني انا مخنوق اوى لما مش بسمع صوتك ولا بسمع ضحكتك الحلوة قبل اما انام
كارما:يوه بقى طب خلاص انا هروح اجيب حاجه للبنات وكده
كريم:اتهربي مني يا كارما لكن هكلمك برضو بالليل ولو مكلمتنيش مش هتصل تانى
كارما نظرت له ثم امأت له برأسها وجرت اشترت الاشياء وعند طلوعها وجدت تليفونها يرن
طارق:الو بقولك يا كارما صحه ملك عامله ايه
كارما:طب يا اخى اطمن علي اختك حبيبتك بس عالعموم عندي ليك خبر حلو
طارق:ايه يا ام لسان طويل هو انتى فى حاجه من وراكي بتيجي عدلة
كارما:عشان الكلمتين دول مش هقولك
طارق:كارما اخلصي وقولى
~:الاول اوعدنى انك هتجبلى الساعة اللى انا عاوزاها
~: يا رب صبرني خلاص هجبهالك
~: اذا كان كدا بص يا سيدي ملك هتنزل اخر الاسبوع وهتحضر معانا تاني
~:بجد يا كارما لا ده انا مش هجبلك انتي بس ساعه ده انا  هجيب لام الكلبة اللى عندنا ساعة
~:بقى كده فرحك اوى الخبر ده ما انت كل يوم طابب علينا وقال ايه بتوصلني يا بني ده انا اتحرجتلك الناس بيعشونا كل مرة معاهم
~: هو فعلا اتضايقوا ولا ايه
~:هههه يا بني مش قصدي بس مش كل شويه
~:طب خلاص انا هحاول اقلل وعالعموم هى كده كده هتنزل تانى بس قولى الشغل يخلص
~:طيب يا حبيبي انا هقفل عشان اتاخرت على البنات
         وبعد اما طلعت
ريم فتحت لها:ما لسه بدري يا هانم انا قربت اخلل
ملك: فى ايه يا كارما اتاخرتي كده ليه
كارما: اييه فى ايه وبصت لملك وقالت انا قابلت كريم
ملك بصدمة: ايه انتى بتقولي ايه وازاى اصلا يجي طب عملك حاجه
ريم بدون فهم:كريم مين ده اللي بتتكلموا عنه
كارما نظرت لملك وقالت بصي يا سيتى ده موضوع كنت قايلاه لملك وهو انى بحب شاب وهو كمان بيحبني وقصت لها موضوعها هى وكريم
ريم بحزن:وهو انا بقيت غريبه كده علشان متقولوليش
كارما:لا والله انا كنت هحكيلك بس الفترة اللى حكيت لملك فيها انتى كنتى مش معانا وعامله دحيحه وكده والمكالمة معاكى مش بتكمل عشر دقايق
ريم:بس برضو كنتم قولتوا
ملك: والله ومن غير حلفان انا اصلا كنت بقولها تقفل عالموضوع ده وكنت هحكيلك عشان تنصحيها بس هى من نفسها لما حكت لمامتها وقالتلها انها فى فترة صعبه فما لاقيت كده قولت مفيش داعى ان احكى بس ده الموضوع
ريم:طب خلاص خلاص انتوا هتعملوا حكاية المهم يا بت يا كارما تنتبهي لنفسك وانا زعلت عشان خايفه عليكي
كارما:يعني مش زعلانه
ريم:وهو انا اقدر ازعل منكم انتم اخواتى
ملك:والله يا بت يا ريم من ساعة ما عرفت انك اغم عليكى عشاني وانا اتاكدت انك عندك احساس
ريم:نعم يا ختى وانا من امتى معنديش ده انا حتى بيسمونى ملكة الاحساس
كارما:اه وبخصوص الاحساس وكده فمش انا لوحدى اللى كده يعنى
ريم وملك باستغراب:ايه يا بت مالك قصدك ايه
كارما:اقصد عن استاذ مروان اللى مسبكيش لحظه واستاذ طارق اللى خلانى انا وامى نروح لوحدنا عشان يقعد مع انثي الضفدع
ملك بخجل واحمرار على خدها:يعنى هو انا كنت غصبته يقعد وبعدين مالك يا بت
كارما:لا بس كل حاجه هتبان ولو معرفتش منك هعرف بطريقتى وانتى يا استاذه كمان سرحانه فى ايه
ريم:هه لا بس انا صح ملاحظتش تصدقى الزفت اللى اسمه مروان خالص
كارما:نعم يا حلوه ده الراجل باين عليه اوى انه هيموت عليكى
ريم:يا بنتى انا مش بتاعة الكلام ده ولكن عالعموم مش هو بس اللى هيموت عليا ده انا كل اما امشي بس بوقعهم فى دباديبي 😂😂
ملك:والله انتوا مجانين يلا بقا عشان تذاكروا كفاية اوى وقفتكم جنبي الفترة اللى فاتت دى
كارما:طب يا حبيبتى واى حاجه تحتاجيها انا معاكي
~:ربنا ميحرمنيش منكم ابدا يا رب
تحركت الفتيات للرحيل وجدت ريم والدتها تتصل عليها
ريم:ايوه يا ماما انا خلاص نازلة
سعاد:طب يا حبيبتى وانتى طالعه ابقي كلمينى عشان انزلك نروح للست ليلى عشان كلمتنى وقالت نروح نقعد معاها شوية
ريم:اه صح ده انا نسيت خالص هى كمان كلمتنى وانا رايحه لملك وقولتلها هشوف ماما
سعاد:طب يا حبيبتى ولو معاكى فلوس ابقى جيبي حاجه ساقعه وشكولاته
ريم:حاضر يا مامتى يلا سلام
ذهبت ريم وبقربها من العمارة اتصلت بوالدتها واخبرتها بأنها منتظراها ثم اغلقت و وجدت فجأة من ورائها من يقول
مروان:ده ايه الصدف الجميلة اوى دى لا انا بدأت اشك انها مش صدف
ريم:لا يا خفيف انا اكيد مش هستناك يعنى من حلاوتك اوى قالتها بصوت منخفض الا انه سمعها
مروان بضحك:هههه اسميها معاكسه انا اه عارف انى حلو اوى بس متبقيش واقعه
ريم:واقعه مين يا احول اللهم طولك يا روح حضرتك مستنى حد
مروان:لا بتسألي ليه
ريم:طب ما تهوينا بقى عشان الاكسچين اللى فى الجو قرب يخلص والله
مروان بغيظ:ريم انتى على طول لسانك متبري منك
ريم:لا بس بتكلم كده مع الناس اللى تستاهل بس
مروان:متشكر اوى لذوقك وانا كنت بهزر معاكى عادى على فكرة لكن شكلك مش حابه اصلا انك تتكلمى معايا بس يا ريت تقوليها باسلوب الطف ثم تركها وطلع العمارة
ريم:مين ده عشان يكلمني كده اووووف ثم وجدت والدتها تنزل ..ايه كل ده يا ماما انا بقالي ساعة مستنياكي
سعاد: ساعة ايه بس انا كنت بلبس
~:طب كنتى قوليلى كنت طلعت بدل الوقفه دى
~:ليه هو فى حد ضايقك
~:لا يا ماما ويلا نخلص عشان انا متعفرته
طلعوا ثم ضربوا الجرس ليجدوا من يفتح الباب....
                            ***
انتهى البارت اتمنى يكون عجبكم يا رب 🌸
البارت الجاى هيكون طويل شوية فعشان كده هينزل متاخر