༺عذاب الغرام ༻مكتملة

34

كانت جميلة تعمل بكل جهدها على ان تصبح الحفلة شيء فى غاية الروعه

جائها اتصال من احد رجالها
~الو.. ايوة هو
~هو بيدور عليها اصلا فى الصعيد
~تمام... جبهولى بقا بس من غير ما يعرف ان انا اللى ورا الموضوع
لتبتسم بسعادة.. واخيرا هخلص منها
~طارق.. انت هنا من امتي😳
ـــــــــــــــــــــــــــــــــــــــــــــــــــــــــــــــ
ريم : طب يا حج متعرفش هى فى انهى مستشفى
~لا والله.. هو فى شاب اللى خبطها وبعد كده اخدها لكن غير كده معرفش حاجه
~طب يا حج... انا شكلي كده مش هعرف اعمل حاجه غير لما اكلمك المحروس
اتجهت ريم نحو مكان عمل مروان.. فلم تجده
ريم : لو سمحت ممكن اعرف مروان فين
نظر لها الضابط من فوق لتحت : اسمه سيادة الرائد وبعدين انتى مين وعاوزاه ف ايه
~وانت مالك بتبصلي كده ليه.. وبعدين انا ابقى لتقول فى نفسها هتقوليلو ايه يا هبلة طليقته.. ده كان شلوحنى الاحسن اقول ايه
~ها ما تقولي تبقي مين
~ابقى اخته
~انتى اخت الرائد مروان..
~اه اومال هضحك عليك
~اصله محكاش قبل كده يعنى
~عاوزه يقولك ايه مثلا انا عندى اخت.. المهم خلص وقولى مروان فين
~ليبتلع ريقه...مروان بره بس مش هيطول يعنى قولى ربعايه كده
~طيب هستنى فى اوضته... لترحل من امامه اما بالنسبه له فكان كالمخدر

بعد مرور نص ساعه.. دخل مروان وعليه التعب الشديد
عند دخوله غرفته سمع صوت ضحكة يعلمها جيدا ليغلى الدم فى عروقه ويفتح الباب مسرعا

ليجد ريم تضحك مع احد زملائه
ريم : لا والله بس تصدق يستاهل
مروان : ريييم...
ريم بانتفاضه : انت جيت هنا من امتى
~متغيريش الموضوع جايه ليه
جمال : فى ايه يا مروان الانسه ريم كانت مستنياك
نظر له مروان بغضب : انسه... انسه مين ان شاء الله
~الله مش انتى قولتى مش متجوزه
~اسمها مدام ريم
~هى ريم تبقى... ليقاطعه اه هى المدام ومسمهاش ريم
~طب ازاى دى قالت انها اختك
لينظر لها مروان يجدها تنظر الى السجادة وتاكل اصابعها
~طب يا جمال اخرج انت دلوقتي

بعدما خرج جلس مروان على مكتبه ليرى بعض الاوراق ولم يعطى لها انتباه
ريم بغيظ من افعاله وتجاهله لها : ممكن اتكلم معاك في موضوع
لم ينظر لها : اتفضلي.. ايه عاوزه تهزقيني فى مكان شغلى كمان
~ابتسمت ريم بعدما تذكرت اخر مرة كان يتحدث معها
flash back
مروان : ريم استني بس يا حبيبتي افهمك
ريم بصراخ : تفهمنى ايه يا خاين يا شيخ حرام عليك ده حنا لسه متجوزين... ايه معندكش دم
مروان : ريم اهدى... طب ارجوكى اسمعيني المرة دى
ريم : الحقونييي يا ناس يا خلق... الراجل ده بيتحرش بيا
~ميين يا ريم ليتفاجأ بلكمة فى وجه قادمة من احد الاشخاص المارين
وبعدها تتركه ريم
end flash
مروان : متضحكيش يا ريم لاني مش هسكتلك انا فى مكان شغلى.. والله اوديكى الحبس
~ننعم مين دى اللى توديني الكلابوش لا فووق
~ريم اخلصي وقولى جايه ليه
~احم من بعد اذن حضرتك يعنى ده لو مفيهاش رزالة ولا قلة ادب مني طبعا
~ما تخلصي هو احنا هنحكى قصه
لتحكى له ما حدث وتطلب مساعدته
مروان بتفكير : طب انتى متاكده انها هى ملك
~ايوة طبعا انا عارفه كويس انها هى والا مكنتش جتلك عشان تساعدني
~طيب شوفي مين بقا اللى هيساعدك
~يا مروان انا عارفه انك هتساعدنى فبطل الشويتين دول
~رييم انتي فى ايدك فرصه دلوقتي اننا نرجع.. لتقاطعه
مروان بص انا جيالك عشان حاجه معينه يا توافق يا ترفض
~ليتنهد بتعب خلاص يا ريم بدون كلام كتير انا هعمل كام تليفون دلوقتي وانتى اقعدى هنا
لتومأ له وهى على وجهها الحزن فهى لا زالت تعشقه ولا تستطيع العيش بدونه
💢💢💢💢💢💢💢💢💢💢💢💢💢💢💢💢
طارق : انتى كنتى بتكلمي مين يا جميلة
~ها... لا انا كنت بكلم المشرف على التجهيزات
~طيب انا هروح
~نعم ليه بقا
~جميلة انتي هتحققي معايا
~لا بس انت عارف مين فى البيت كويس... وبعدين ازاى تدخلها بيتك بعد اللى عملته فيك انت نسيت ولا ايه.. يا اخي انا الوحيده اللى وقفت جنبك
~بصي من الاخر انا اصلا مسحتها من حياتي ويا ريت تفكيرك ميروحش لبعيد .. انا رايح اشوف صابر بيه
~ليه هو فى حاجه...
~ لا لاقيته بعتلى انه تعبان
~طب انا جايه معاك استناني
~لا يا جميلة انتى لسه قدامك شغل انا لما اخلص هاجى اخدك
وبعد ان رحل طارق... جاء لجميلة رسالة من ماجد
(انتى موفتيش بوعدك ليا.. معلش بقا النهارده اخر يوم هتشوفي حبيب القلب)
لتفزع من محتوى الرسالة وتفهم لما رحل طارق بينما لم يأتيها اى اتصال من عمها  .. لتأخذ مفاتيحها وترحل
💢💢💢💢💢💢💢💢💢💢💢💢💢💢💢💢
فى الڤيلا كان الهدوء يسود المكان فلم يوجد احد غير ملك... وابن جميلة (طارق)
نزلت ملك من الغرفة لتسمع صوت بكاء.. اقتربت من الصوت
ملك : فى حد هنا.. لتسمع صوت طفل يهمس ... مين بيتكلم
طارق : طنط هو انتى مين
~انا.. انا ابقى ليقاطعها... شششش انتى سمعتي الصوت ده
~صوت ايه.. وانت بتعيط ليه
~اصل شوفت حد بره ودخل هنا فخوفت ليكون عفريت