رواية غيرة عاشق ♥( مكتمله )

Bart 11

انتي اصلا بينهم ما تشبهين
غير نور الشمس أو نور القمر
لك.عيون الله يعين الناظرين
كل نظره منها شبت جمر
ولك خطاوي گلب حتى لتخطين
لجلها الاممر يصبح ممر
وكل قاسي عود گدامك يلين
مايطول لو يطول يندمر
ولا تعرفين الخمور وتسكرين
تبلعين بريگك وريگك خمر
من يسولفلك وانتي تستحين
غير الموضوع وخدودك حمر
يا غرام حروف شعري من تجين
انهمر مثل المطر من ينهمر
لابديتي طالبك لا تنتهين
انتي أكثر شي ... ودي يستمر♥ __________________________________________________
مراد بهدوء وعصبيه مكتومه : اي وبعد
أسيل بخوف وسكتت
مراد : أسيل ورى مطلعين من الامتحان تجين لمكتبي تمام
ومشى بدون ما يسمع ردها
أسيل : خرب حظي شسويت
أحمد : شكد حاولت انبهج وانتي ما شاءالله اذاعه وانفتحت ما عرفتي اسكتين
أسيل : اووف اكيد راح انفصل ياربي
رنين : والله من بعد الي صار اتوقع
كرار : اسكتي انتي وتوقعاتج أن شاء الله ماكو شي
رنين : سكتنه 😒
يوسف : شفتي شلون عصب وعيونه صارن بگصته أول مره اشوف استاذ مراد هيج
أحمد : يلا كوموا بدا.الامتحان
الكل كامو وتوجهوا.للقاعه الامتحانيه
أسيل دخلت واني تفكيري ولا يم الامتحان حتى الأماده الدرستها نسيتها افكر شراح يصير بعد الامتحان وشنو عقوبتي يمكن يكون هذا آخر يوم الي بالجامعه ويجوز.لا المهم اخذت.نفس عميق.ودخلت وبعدها وزعوا الاسئله واني بديت احل واحاول ما افكر بالموضوع بس.مو بيدي  ورا ساعه  وربع تقريبا  خلصت وطلعت من الامتحان واني كلبي طبوول يدگ بسرعه وصلت لمكتب استاذ مراد أول مره أخاف هيج خوف مو من مراد لا لأن الموضوع.يتعلق بدراستي وهذا الش مهم كللش بالنسبه الي اخذت.نفس.ودگيت الباب.ويدي ترجف ودخلت.بعد ما سمحلي ادخل بقيت واكفه يم الباب
أسيل بتوتر.وخوف : السلام عليكم
مراد شفتها شلون متوترة وخايفه صح إني معصب منها بس كسرت خاطري شلون تفرك بديها بتوتر ورجفن: وعليكم السلام ست أسيل اتفضلي
أسيل بخوف: شكرا استاذ مرتاحة هيج
مراد بهدوء : كلت  اكعدي
أسيل كعدت بهدوء : استاذ والله إني اسفه واعتذر ع الي صار قبل شوي جنت معصبه وما اعرف شنو احجي أدري غلطت  بس.والله مو قصدي اتمنى تقبل اعتذاري
مراد بتسمت ع منظرها وشلون تحجي بهدوء وصوتها مبين ع الخوف والتوتر : واني قبلت اعتذارج واتمنى ما يتكرر هذا التصرف
أسيل براحه وابتسامة : أن شاء الله ميتكرر وعد
مراد : أن شاء الله امم أسيل أريد افاتحج بموضوع خاص واتمنى ما تعصبين وتتفهميني
أسيل بستغراب : كول استاذ
مراد : أسيل الصراحه وبدون مقدمات  إني معجب بيج ومو بس معجب إني احبج ♥ من أول مره شفتج بيها حبيتج حسيتج تختلفين عن بقيت البنات بعفويتج وعصبيتج واسلوبج بالكلام واخلاقج واني رايدج بالحلال فكري بكلامي زين وهاذي وقتج بالتفكير عندك مهله ليوم النتائج تكوليلي قرارج تمام
أسيل انصدمت الصراحه وما عرفت شكول وشحجي واستحيت من كلامه أول مره شخص يعترفلي بحبه  وكوه حجيت : تمام استاذ اكدر أطلع
مراد شفتها شلون نصدمت واستحت أول مره اشوفها تستحي فديت المسجون والله 😍: أكيد مع السلامه
طلعت بسرعه من المكتب واني أحس اخدودي نارر وگلبي يدك بسرعه فضيعه خليت أيدي ع گلبي وتنفست وشحجي بكلبي هاي شبيج أسيل ليش هيج تخربطت احوالج معقوله .....
.
.
.
.
.
.
.
.
عند الشباب منتظرين أسيل ع نار يردون يعرفون شصار
رنين : اووف ليش تاخرت أكيد هسه يرزل بيها
كرار : والله طولت كلش شسالفه
أحمد : إجت أخيرا
الكل : ها بشري
أسيل ولا يمهم بعالم ثاني 💕 سرحانه
أحمد : الوووو أبو الشباب
رنين : يمعوده احجي شبيج
كرار : اكلكم خاف صار بيها شي
يوسف : ما أدري والله
أحمد كمت ولزمت ايدها وهزيتها حتى تنتبه
أسيل : شبيكككك
أحمد : إني شبيه لو انتي الصافنه ما أدري بشنو
أسيل : ها لا ما كو شي بس استاذ مراد مطردني وقبل اعتذاري
الكل فرح : صدكك
أسيل : اي صدك
بقوا.يسولفون ويطگون صور بما انو آخر يوم أما أسيل كل شوي تصفن وتفكر بكلام مراد وتحاول تستوعب الي صار بعدها أ
طلعت أسيل من الجامعه حتى ترجع للبيت
أسيل واني أركب السياره شفت استاذ مراد يصيحلي كلت بكلبي هذا شيريد بعد والله استحي احجي ويا بعد الي صار رحت حتى اشوف شيريد
أسيل بخجل : نعم استاذ رايد شي
مراد : لا بس هذه ملزمتج نسيتيها
أسيل مديت ايدي حتى اخذها وبالغلط لمست ايده بسرعه اخذت الملزمه ومشيت
مراد ببتسامه : أسيل
أسيل التفتت بخجل : نعم استاذ
مراد ببتسامه : راح اشتاقلج
أسيل يمه راح أموت من الخجل😳 ما كدرت ارد عليه شبيج أسيل وين السانج دنكت بخجل ومشيت بسرعه ركبت سيارتي ومشيت

مراد اليوم احلى يوم بحياتي فرحان وطاير من الفرح لأن حجيت الي بكلبي وارتاحيت ركبت سيارتي وشغلت اغنيه طاير كلبي بالشوگ وبقيت أغني وياها وفرحان كللش أحس نفسي أسعد شخص بالعالم ....
.
.
.
.
.
.
في الساعه 4 عصرا
أحمد  اليوم قررت افتح موضوع الزواج ويا اهلي نزلت جوه لكيت الكل موجود عدا أبوي طالع 
أحمد : سلام وبست رأس أمي  وكعدت يم  امي
الكل : وعليكم السلام
أمي : هلا يمه اصبلك غدا أكيد.جوعان
أحمد : لا يمه ما اشتهي بس أريد جاي
أمي : اي صار فطومه يمه كومي صبي جاي لاخوج
فاطمه : يمه مابيه حيل كومي انتي خلي اكمل المسلسل
أمي : تكومين لو اطفي التلفزيون
فاطمه : زين بس خلي يصير إعلان واكوم
أمي : كتلج كومي بسرعه
فاطمه بعصبية : اووف كايمه ما تصير طلباتكم إلا ويا المسلسل
أحمد ضحكت ع فطوم منظرها وهي عصبيه وتحجي جنها ع ماكلين عشاها 😂😂بعد ما راحت للمطبخ فتحت الموضوع ويا أمي
أحمد : يمه أريد اكلج شغله
أمي : اي يمه كول رايد شي محتاج شي احجي
أحمد : لا يمه ما محتاج شي بس الصراحه قررت اتزوج
أمي : ككككككككلللللللوووووش يوم المنى يوم اشوفك عريس يبعد روحي
فاطمه جنت اسوي جاي وسمعت صوت هلاهل طلعت أركض للصاله
فاطمه: شنو منو عرس
أمي : أخوج قرر يتزوج
فاطمه :جذب اااااااااااا كللللللللللللللللللللللللوووش وبديت ارگص  واغني 💃💃💃💃😂
أحمد فرحت ع فرحت اهلي وفطيم ذبت لحم 😂😂 بالركص شوي وشميت شي يحترك
أحمد  : ولج فطيم الجاي احترگ
فاطمه : عززززاا نسيته وركضت 😂
أحمد حجبت لامي عن رسل وكتلها أريد اخطبها بالعطله وهي كالت من عيوني بس ي يرجع ابوك احجي ويا نخطبها رسمي
.
.
.
.
.
.
.
أسيل جنت نايمه ودخلت رسل  شغلت الضوه وطفا السبلت
رسل : اسوو اسووو كومي يلا
أسيل : خليني نايمه شتردين
رسل : كومي شبيج بس إني بالبيت افتر چني طنطل فارس راح للعياده يلا كومي حبابه
أسيل كعدت خطيه كسرت خاطري : رورو كومي سويلنه اندومي بين ما أسبح وابدل لأن جوعانه
رسل : اي والله حتى إني جوعانه راح اسوي بس لا تتاخرين
طلعت رسل واني دخلت سبحت ولبست برموده لون اسود وتيشيرت لون ماروني شبابي أحب لبس الشباب مشطت شعري وسويته ذيل حصان وخليت بس مسكاره ومرطب لشفايفي ورشيت عطر ونزلت لكيت رسل كان ده منتظرتني بدينا ناكل
رسل : صدك نسيت أكلج شنو الخبر ما كلتيتلي
أسيل : هذا يا طويله العمر أحمد راح يخطبج رسمي
رسل ...... يتبع

الكاتبه دندوش ♥