ياخذني الدرب وارجع واكولن لا
وأحس كلبي يگلي شلون تاليتك
واجر جدمي ويجرني وبين متفض هاي
الگه الروح راحت وصلت لبيتک
نهر ذله الدرب شيعبره يا مهيوب
وغابت موت بعدک واني هديتک
أجيت تندمت رديت أجاني الموت
وما أدري اجيتک مدري تانيتک
مر طعم الندامه وضگتنه انه بطعمين
لأن ذبت بهواک لأن جافيتک
الحد سحگ الكرامه الخلگ طال وياک
وانه الگدتک بدي فوگاها مشيتک
ما ترهم ورد وجروحک البلروح
يكرهنه الورد لو هيج سميتک
ولا اكدر بعد عاگول اكول عليک
إذا عاگول ليش هواي شميتک
وتنتعني بقفص يالطاير بصحراء
إذا مامش غصن مسلوبه حريتک
مو حجيک وعينک بينلي الشوگ
حتى اقنع عشک مثلت شخصيتک
فک بردت ضلوعک گلبک المحتار
بخجل بينلي راسه وكلي حبيتک
قلم.روحک بديه ورقه جسمک جان
وقصيده تكت صور بحساس خطيتک
وهسه الياخذک يقراک بالله شلون
إني الي كتبتک واني القريتک
جنت بيدي ورحت لمن لواها البين
بس هسه تبت بيد الله خليتک ....💔
__________________________________________________
رنين حاولت اهديها وبنفس الوقت مصدومه من منظرها أول مره اشوف اسيل هيج ضعيفه ومنهاره عمري ما تخيلت اشوفها بهالضعف الي هي بيه بجيت ع حالتها تكسر الخاطر سئلتها شنو الي صاير بس للاسف جان جوابها البجي وبس حضنتها وخليتها تبجي.يجوز ترتاح من تبجي لحد ما حسيتها بثگلها شفتها نايمه شلتها من حضني وخليتها بمكانها وغطيتها وبستها وطلعت واني امسح دموعي لكيت استاذ مراد كلت خلي اعرف شمسوي للبنيه حتى هيج صاير بيها
رنين : استاذ انته شمسوي لاسيل حتى هيج منهاره والله لو تشوف منظرها يكسر الكلب بس تبجي
مراد بحزن : قسم بالله مامسوي شي اصلا إني مصدوم من الي صار أسيل تكولي اكرهك واطلع من حياتي رنين راح اتخبل مابقى عقل براسي شنو الي الصار ويمتى وين ما اعرف وما اذكر زعلتها بشي
رنين حزنت ع حال مراد خطيه ظلمته عبالي هو الي مسوي بيها.هيج : لعد.شنو السبب الي يخلها تكرهك هيج فجئه لازم اكو شي قوي
مراد : وهذا الي موتني أريد اعرف السبب بس شلون ما ادري هسه هي شلونها
رنين : هسه هي نايمه إني راح اخابر اختها خاف يضل بالهم عليها
مراد : لا تخابرين الدكتور يكول تكدر تطلع هسه لالا تخليهم يقلقون عليها
رنين : تمام لعد وانته روح لا تكعد وتشوفك وتنهار مره ثانيه
مراد : انتي من كل عقلج أروح واخليها بهيج حاله لا إني باقي لحد مطلعون إني اوصلكم
رنين : استاذ فدوه روح هي ماتريد تشوفك وبعدين لا تنسى كلام الدكتور
مراد : كتلج ما اروح سدي الموضوع
رنين : براحتك
مراد : إني راح ادخل اشوفها
رنين :لا ..... مخلاني اكمل كلامي ودخل
احمد و كرار وفاطمه ورسل جانوا يختارون عرف نوم طبعا الشباب ممداومين لأن ملتهين يجهزون للعرس لأن مابقى شي
كرار.: حبيبتي شوفي هذي الي لونها عنابي كلش حلوه
فاطمه : أي حلوه خلي نشوفها
كرار : يلا
عند أحمد& رسل
احمد : حياتي شنو ما عجبج شي تره تعبت وجعت كلش
رسل : يعمري تعبت
احمد : أي والله تعبت من الصبح نفتر
رسل وهي تاشر عارفه لونها ذهبي وواسود : حبيبي تعال نشوف هاي الغرفه كلش عجبتني
احمد : اوك امشي
أنت تقرأ
رواية غيرة عاشق ♥( مكتمله )
Humorروايه باللهجه العراقيه من واقع الخيال ان شاء الله تعجبكم 💙
