The Prodigious Empress

21 The Prodigious Empress

Inis na bumaba si James mula sa itaas na palapag. Napansin ng lahat ang mabigat nitong mga yapak kaya natahimik ang kaninang puno ng paguusap na misa dahil sa kong ano anong kwento ng matanda.

"Kai, paalisin mo na ang mga kawal ngayon din. tapos na ang palabas sa bahay na ito." aniya saka nag lakad palabas ng tahanan ng hindi lumulingon.

Mabilis naman na tumayo at sumunod si Kai sa binata ng nalilito.

"Ginoo sandali, hindi pa natin nahuhuli ang magnanaka." paghahabol ni Kai sa binata ngunit mas lalo lamang ito na inis dahil sakaniyang sinabi.

Nilingon niya ito ng may nanlilisik na mata.

"Sundin mo ang iniutos ko Kai at wag ng maraming tanong. Alamin mo rin ang ginagawa ni Grace tuwing umaalis siya sa bahay at kong ano ang relasyon nila ni binibining Abigor." sunod sunod na utos nito saka mabilis na umalis sa harap ng punong kawal na naiinis, iniwan nitong nalilito ang huli.

"Anong nangyari doon?" Bulong na lamang nito sa sarili habang pinapanood ang papalayong pigura ng binata.

"Punong kawal sulat mula sa ministro para sa iyo." wika ng isang kawal na biglang sumulpot mula sa kaniyang likod.

Agad naman tinanggap ni Kai ang sulat ngunit hindi niya agad ito binuksan.

"Sundin ang aking utos." buo ang boses na wika nito na nag paayos sa tayo ng kawal na agad lumuhod ng isang tuhod sa sahig at yumuko sa binata tanda na nakikinig ito at handang sumunod sa kaniyang iuutos.

"E atras ang mga kawal sa utos ng ginoong James Adams." utos nito.

"Masusunod." ani naman ng kawal saka tumayo at akmang tatalikod na ito ngunit pinigilan siya ni Kai.

"Hanapin mo si Luwe at papuntahin siya sa akin." wika nito na agad ikinatango ng kawal.

Umalis na ito ng hindi na nagsalita ang ginoo at ilang minuto lamang ang lumipas ng tumalon mula sa itaas ng palapag ang isang binata na kamukha ni Kai ngunit mas payat lamang ito at nakadamit ng itim.

"Anong ipaglilingkod ko sayo kapatid." walang emosyon na ani nito na nag paaliwalas sa mukha ni Kai.

Sa tuwing nakikita niya ang maayos na mukha ng kapatid ay napapanatag siya.

"Luwe mag kalap ka ng impormasyon patungkol kay Grace kong anong ginagawa nito o kong saan ito pumupunta tuwing lalabas siya sa bahay ng ministro. Alamin mo rin ang kaugnayan nila ng kapatid ni ginoong Ceil na si Abigor." napakunot ang noo ng binatang si Luwe ng marinig ang iniutos ng kaniyang kapatid.

"Nalaman na ba ng ginoo na isang ahas ang kaniyang iniirog?" tanong nito na agad namang ikinailing ni Kai.

"Naghihinala na siya at malaki ang tulong ni binibining Abigor para mataohan ito."

"Abigor? Ang bagong dating sa nayon na nakabelo?" tanong naman nito na tinanguan lamang ni Kai bilang tugon.

'Isang masaklap na katutohanan na kahit isang dayo ay nakikita na ginagamit lamang ang batang Adams ng iniirog nito.' Isip ni Kai.

"Kapatid hindi ako maaring magkamali ngunit kagabi nakita ko ang pigura nito na pumasok sa tahanan ng ministro, sinundan ko ito ng pumasok siya ngunit agad din itong nag laho na parang bula. Kahit saan ko ito hanapin ay hindi ko na siya nakita." Ani ni Luwe na agad kumuha sa interes ng binata.

"Sigurado kang si Abigor yong nakita mo?"

"Sigurado ako kapatid dahil nakita ko siya kanina noong nag tatalo kayo at parihong pariho sila ng pigura at paraan ng pag galaw ng nanloob kagabi." 

"Bakit ngayon mo lang sinabi sa akin ito Luwe? Siya ang hinahanap nating magnanakaw at nag usap na sila ni ginoong James." balisang ani ni Kai ngunit agad ring umaliwalas ang mukha nito ng maalala ang mukha ni James at ang utos nito. Mukhang hindi rin naman masama ang ginawa ng binibining Abigor.