Yon ti van fre
Solèy la fon kache
Je w nan je m
Men w nan men m
Ak je m menmsi w tou vèt
Map prese keyi w
M pap pase pa rakèt
Chou se mwen k ap jwi w
M pa te vle van bwote w
Van jènjan mal pyese
Nan de pla men l kè m t ap pote w
Tankou kap ki mal kole
Ou fè m yon je dou
Toudenkou m dous kon rapadou
Nanpwen bèl moman pase sa
Sou lèv nou yon souri solèy t ap taye banda
M renmen jan w gade m
Tankou se vitray Sentrinite
Pa pale! Gade m
Tan an pral kite n anvan nou bat je
Lè w gade m
Andedan mwen dife pran
Chalè dezi m fè karès ou tounen bra balan
Ma bay tout sa m genyen pou w pa sispann gade m
Nan vwayajan m
M ap fè plizyè eskal
Byen fon nan malan m
Yon mwatye je w, yon souri solèy
S.L.M.C aka Enejii
D'Eau et d'Encre
YOU ARE READING
Marèl Mo
PoetryLè mo yo pran fè lanmou sou fèy papye se bèl spektak pou je ava konsa tou anba kout lank byen kalkile nan pwen mwayen pou pa vini an kreyòl... ~ Marèl Mo (Créole haïtien) Jen...
