اليتيمه وابن البصره

بارت 9

#اليتيمه وابن البصره
#بارت 9
#الكاتبه:هديل احمد
…………………………
منذ فتره طويله لم يكن لدي أب يفزع عندما احتاجه ولم تكن لدي أم عندما امرض تزيدني بـ حنانها
منذ فتره طويله وانا لنفسي فقط اعمل مابوسعي لأسند نفسي🤍
……………………………
رنا:  رحت وكفت كبال صكر كتله..شلون صارت عمه

صكر: الحمدلله
رنا: وينها هسه
صكر: نايمه بلغرفه
رنا: امشي نشوفها
ليث: داخله غيبوبه وماتصحئ هسه يوم او يومين يلا تصحئ
رنا: خوش انتو ارجعو للبيت
مهدي: مانرجع نضل هنا نريد نحجي وياج بشغله
رنا: ماكو شي بينه حتئ نحجي بي
مهدي:  لا اكو ولازم تسمعين
رنا: ماريد اسمع شي منكم
مهدي: اني اسف ع كلشي سويته وياج  بس من صكر حجالي شصاير بيج وبابوج وعمه هواي عتبت ع روحي واني اسف مره ثانيه اتمنئ تسامحيني
رنا:  تغير شي من اعتذرت ؟ باوع منكدر نرجع الماضي ف لهذا اني مسامحتكم بس الي اريده منكم كدام اهلكم تصيرون ضدي
صكر: انتي ناويه ع شي شنو خطتج
رنا: يجيكم الصافي اضن ليث بعده حاقد عليه
ليث: اي جنت حاقد عليج بس هسه لا
رنا: المهم اني مسامحتكم ومثل مكلتلكم كدام اهلكم تصيرون ضدي حتئ انت صكر
صكر: تم اكلج رنا
رنا: كول
صكر: تدرين عجبني شخصيتج يعني متخافين من احد ودوم راسج للسما
رنا: مو قصه مااخاف لا بلعكس اخاف هوايه من اشوف هيج عركات كبل ابجي ولحد هسه اخاف بس ماابين شي تدرون من انام اقره ع نفسي ايات من اعوف راسي ع مخده ابجي بحرگه كلب واعاتب اهلي لان خلوني مثل طير المذبوح لا يكدرون يكملونه ولا يكدرون يعوفونه الدنيا ساجندني من كل النواحي اضم بكلبي اشكال والوان اهدي روحي وحدي احجي ويا روحي واشكي لروحي عن مصايب الدنيا تيتمت من اهلي والله دزلي اهل مثل اهل جود محسسوني اني غريبه عنهم الله مانطاني اخت من امي وابو بس نطاني اخت جود بل اخير جدكم اجا وخرب كلشي عليه ومن اجيت لبيت جدكم عشت اتعس ايامي محد وكف وياي ببيت جدكم بس عمتي والبنات حتئ انتم جنتو تكرهوني عبالكم اني وحده عرمه بس والله لتشوفوني هيج اني فطيره وكبل اقتنع بلكلام الي يكولو الي ومن اخذ قرار مااكدر اتراجع عنه بداخلي هواي حروب اشتاق لاهلي محد يهمه يسئلوني ع اهلي اكوللهم يتيمه يكعدون يتهامسون يعني هيج اليتيم ماعنده حض بلدنيا

ليث:  وداعتج نعوضج بكلشي
رنا: تكدرون تعوضون حنان الام؟ تكدرون تعوضون خوف الاب ع بنته؟  متكدرون المهم خلي نروح نشوف عمه
صكر: يلا امشو
رنا: رحنا لعمه جانت بغيبوبه ولحد هسه ماكو دموعي نزلن ركضت عليها وعفت راسي ع ايدها وكلتلها ..عمه فدوه محد الي غيرج كومي الله يخليج عمه  محد الي سند غيرج انتي مو بس عمتي انتي امي وابوي وكلشي الي لتتركيني

مهدي:  مابيها شي رنا هسه تكوم
رنا: ولكم صارلها 4 ساعات بغيبوبه يعني الميت جان رجع شدتحجون انتو
ليث:  هسه تكوم والله
رنا: ماشي انتضرها معندي شي ..خليت راسي ع ايدها محسيت الا ايدها جاي يتحرك وعيونها عليه ..عمه كعدتي مو مراح تعوفيني