اليتيمه وابن البصره

بارت 24

#اليتيمه وابن البصره
#بارت24
#هديل احمد
.........................
لا تضعفي وأنتِ الذي إعتاد الجميع ان يراها قوية🙂🔥🔥
.................................
ايه: زفينا جود وسعاد والخطار بعدهم موجودين ورا شوي نزل جود ومتعصب طلع بره ورا شوي اجا رحتله ووكفته وكلته. جود وين طلعت
جود: ; ايه رحمه للكعبه عوفيني
ايه: روح اصعد لغرفتك بس ليما يروحون
جود: اااايه
ايه: رووح جود. خليته يطلع ورجعت كعدت يم امي
جود: صعدت للغرفه وشفت سعاد تبجي رحتلها وكلت. مو بقصدي اعيط عليج
سعاد: ماصار شي
جود: بعدها.....صارت زوجتي كمت سبحت ورجعت نمت.
.
.
.
رنا: كعدت الصبح صكر جان نايم بلكاع طلعت شفت عمه دتسوي ريوك. صباح الخير
العمه: صباح النور
رنا: اساعدج بشي
العمه: لا يمه خلصت تعاي اكلي
رنا: كعدت ويا عمه مااكلت شي بس شربت چاي صفنت وكوب الچاي بيدي مدري شلون وكع. ااااا
العمه: فدوه الج كملي ريوكج ليما اصبلج الجاي
رنا: لا ا.اانه. شبعت ..😭 رحت للغرفه والباب انطبك قوي شو صكر طفر
صكر: ها منو مات
رنا: نام نام
صكر: هيج احد يطبك الباب طاح حضج
رنا: حضي طايح من زمان
صكر: شكعدج من الصبح
رنا: ياصبح ساعه 11 ..رحت شلت منه البطانيه وسحبت المخده وهوا ولا يكوم راح ع جربايه نام كمت اهوس بس ولايحس. صكررررر كوووم
صكر: ولج شبيج خلي انام
رنا: كوم ولك مو وكت نوم
صكر: چا وكت شني
رنا: وكت نروح نبارك لجود لان اليوم صباحيته
صكر: اووف هلبنيه ولا تنسه ..رنا كافي انسي هوا اتزووج افهمييي اتزوووج
رنا بدموع: بس هوا بعده هنااا وتأشر ع كلبها. جود مكانه بكلبي برايك ليش عافني؟ حته ينساني؟ لو حته يخلص مني
صكر: اتقربت يم اذانها وكلت. اثنينهن حته ينساج وحته يخلص منج هوا لو يحبج ماجان تركج مهمه تكون الاسباب
رنا: بس كلبي جاي يكول لحد هسه يحبج كلبي دينبضله 💔
صكر: لاتمشين ع كلام كلبج امشي ع عقلج شوفي شديكلج انتي سوي
رنا: موبيدي. هسه شكلت اروح لو لا
صكر: واكدر امنعج؟
رنا: ههههه لعد احضر نفسي ..سبحت وحضرت نفسي وانتضر صكر يخلص ..طلعنا من البيت واتوجهنا لبيت جود وصلنا ونزلنا من السياره دكينا الباب وطلع....
.
.
.
ايه: بعد ماكلت صباح الخير اندك الباب. اروح افتح
جود: انه افتح ..فتحت الباب وشفت رنا ..تفضلو
رنا: لزمت ايد صكر ودخلت اريد اشوفه شيحس
جود: من لزمت ايد صكر نار وشبت بداخلي بس انه شعليه هيه متزواجه وانه متزوج
صكر: سلام عليكم
جود: عليكم السلام اتفضلو
رنا: دخلنا جوه وشفت سعاد كاعده بلصاله لاعشتو وام جود دتسوي غدا وايه هستوها كعدت وتفرك بعيونها وابو جود ماهو ( ماموجود )
ام جود: هلا نور البيت بعد روحي
رنا وصكر: منور باهله خاله
ام جود: ادخلو جوه شوي واجي
رنا: اجت سعاد سلمت عليه وهمستلي
سعاد: البارحه جان احله يوم بحياتي افيش شحجي وشكول اليل كله انه وجود ضحك وشقه
رنا بهمس: اعتقد انه ماليه دخل بعدين انه هم عندي زلمه يسوه الكون قابل بس انتم اتزوجتو وخري عني مابي حيل اتقيأ من وراج ...انه ماصدكتها من كالت هيج بس لازم اعرف من ايه
ايه: ها ولج شلونج
رنا: هلا كلبي الحمدلله وانتي
ايه: الحمدلله شلونك خويه صكر
صكر: هلا خيتي هلا بيج
رنا: دخلنا للاستقبال الصراحه ينكط ورد مشغلين بي قران وبخور راحه نفسيه الي يدخل هلبيت چنه دخل للجنه من كد ما حلو ومرتب وطيب وكله قران بأي مكان مشغلين قران حته بلمطبخ
ام جود: اي رنا شلونج شخبارج
رنا: الحمدلله وانتي
ام جود: والله الحمدلله والله مدري شكلج بس صار عندي فضول اسئل
رنا: اتفضلي خاله
ام جود: انتي صارلج متزوجه شهر يمكن ماصار عندج شي
رنا: مثل شنو
ام جود: يعني ماحبلتي
رنا: انداريت وفاتحه حلكي ع صكر وهوا نفس الحاله ..بس خاله انه..
صكر: احنا مانريد هسه لان بعدنا صغار مو صح رنا
رنا: يربي ذوله شديحجون ..ا.يي صص..حح
جود: يربي بس لا متقربلها لا هما مثل اخوان طلعت من الاستقبال ورحت للمطبخ اشرب ماي ...انطيني ماي
سعاد: هاك شبيك مو طبيعي
جود: ميخصج هلشي
سعاد: بس حبيت اطمن عنك
جود: مره ثانيه لاتسئلين ولا تحاجيني
سعاد: ايي ماشي صدك ليش رنا ماتريد اطفال
جود بعصبيه وصاك ع سنونه: انصحج ماتجيبين طاريها ع السانج الزفت
سعاد: اوي شبيك لحد هسه تحبها تره هيه تزوجت
جود: اييي احبهاا فتهمتي احبهااا ..رجعت للاستقبال وكعدت ويا صكر ..اي صكر شلونكم ويا الجد
صكر: عايشين لحد هسه
جود: الله كريم
ايه: رنا تعالي اريد انطيج شغله
رنا: صكر حياتي شويه واجي
صكر: اخذي راحتج
رنا: رحت لايه فوك وكعدت يمها ..اي ايه
ايه: خومه ضجتي
رنا: من شنو
ايه: من تصرفات سعاد وسؤال امي
رنا: لا عليمن اضوج بس لازم اكلج شي
ايه: اي كولي
رنا: من اجيت سعاد كالتلي .......حجيتلها الصار ..صدك هلحجي
ايه: والله كله جذب اصلا من رجعنا للبيت جود اخذ سعاد فوك ورا شوي نزل ومتعصب وماراد يروح للغرفه بلكوه طلعته علمود الناس وهاي سعاد انه اعلمها
رنا: لا بداعتي لاتكولين لاحد
ايه: الله كريم اكلج
رنا: كولي
ايه: شخبار ليث
رنا: ليث ..ها ابن الحلال دك ..الو
ليث: وينكم
رنا: بيت حبيبت الكلب 😂
ليث: ها احم سلمينه ع اهل
رنا: يوصل يابه
ليث: بس حبيت اطمن
رنا: يلا لعد شوي ونرجع
ليث: فاتحه سبيكر؟
رنا: ردت اكله اي بس ايه اشرتلي اكله لا ..لا مافاتحه ليش
ليث: عليج الله بوسيها
رنا: تدلل هاي بستها اممح
ايه: اوي شلعتي خدي
رنا: يلا ليوثي حروح
ليث : اخذي راحتج
رنا: نزلنا جوه وكلت الصكر يلا نروح
ام جود: الله عليكم ضلو ع غده
جود: ضلو يابه شعدكم راجعين
صكر: والله غير مره انزوركم
رنا: لا والله تسلمون اجينه بس حتى نبارك لل جود وسعاد.
صكر: اودعناكم ومره ثانيه الف مبروك
جود: يبارك بيك
رنا: مع السلامه..طلعنا من عدهم واخير نضره انطيته الجود نضره عتب ونضره اشتياق وركبت بالسياره ورجعنا للبيت .....
.
.
.
من راحت رنا كبل سحبت جود للغرفه
جود: شبيج
ايه: هاي مرتك الماتستحي كايله لرنا .....حجيتله الصار
جود: هيج كالت موو انه الها
ايه: ويين
جود: اروح اربيها
ايه: جود رنا حلفتني مااكول لاحد ليش تخليها ماتثق بيه اكعد لتسوي شي تره اذا ضربتها راح تسوي ازيد يجوز تسوي سحر لرنا تخبلها
جود: اااخ كله مني انه دمرت حياتي وحياتها
ايه: الله كاتبها عليكم هيج هسه انت متزوج وهيه متزوجه صح صكر مامتقربلها ويحسبها اخته وهيه هم تحسبه اخوها بس انت يا جود انت اتقربت لسعاد وصارت مرتك بكلشي بعد كم يوم هيه تحبل مافكرت شراح يصير برنا من تدري
جود: الله كريم
.
.
.
رنا: صار اليل اخذت ملابس من تاليا لان ملابسها كله فساتين ف اخذت فستان لان عندي جامعه باجر ..نمت وماحسيت الا الساعه بل 7 كعدت سبحت وبدلت وكعدت صكر ..صكر صكر صكرررررر
صكر: هاااا رحمه لاهلج خليني انام
رنا: ولك اخذني للكليه ووصل البنات للمدرسه وارجع نام
صكر: اووووف كمت
رنا: انتضرت صكر يطلع من طلع كتله ..اريد تلفون
صكر: اخذي من مهدي واحد واخذي منه شريحه(سيم كارت)
رنا: انت كله
صكر: امشي ...مهدي مهدييييي
مهدي: سم لهلصوت شبيك
صكر: اريد تلفون وشريحه لرنا
مهدي: اخذ بلكنتور
صكر: روحي اخذي شبيج
رنا: رحت طلعت تلفونين كتله ياهو
مهدي: الي ع ايدج اليمين
رنا: جان ايفون 7 اخذته
مهدي: الشريحه بي والارقام كله بي
رنا: تمام شكرا
مهدي: لا بويه عادي
صكر: خلصتو رسميات يلا اريد ارجع انام
رنا: يلا ..البنات جانن واكفات بره وفرحانات ..نشالله دوم الفرحه ع وجوهجن
البنات: اميين يارب
رنا: وصلني للجامعه ووصل البنات للمدرسه اول ماطبيت الجامعه شفت اشكال ناس اكو بنات دلوعات واكو بنات ثكيلات واكو بنات خوافات وانه البنيه القويه ..انه دخلت الجامعه بسبب قوتي وايماني بربي طبيت وراسي مرفوع للسما رحت للغرفه الي بيها الدكاتره ...السلام عليكم
الدكتور : هلا بنيتي شعندج هنا روحي طبي راح يبدا المحاضره
رنا: اي ادري بس وين قاعتي انه اول سنه الي هنا
الدكتور: قاعتج هناك روحي انه دكتور احمد ادرس قسمكم
رنا: تشرفت دكتور يلا مع السلامه...طبيت للقاعه وكلت ..سلام عليكم
الكل: عليكم السلام
رنا: شفت مكان فارغ يم بنيه مبينه حبابه رحت كعدت يمها الرحلات مو مثل مال مدارس لا رحلات طويله بلعرض وصايره مثل الدرج يعني هواي مرتب ..بدا المحاضره تقريبا ساعه كامله بس محاضره وانه حته ريوك مامتريكه بس ضليت منتبهه ع شرح بحد ماخلص المحاضره الكل طلع بس انه وهلبنيه بقينا ..ليش ماطلعتي
البنيه: ماعرف احد هنا
رنا: وانه هم
البنيه: نصير صديقات
رنا: اليه الشرف اتعرف عليج
البنيه: انه نارين عمري 21
رنا: انه رنا طبيت 21
نارين: تشرفت حبي
رنا: اليه الشرف كلبي اي احجيلي عنج واحجيلج عني
نارين: انه عندي اخ واحد واخت وام واب بس عبالك ماعندي اهل لان كل واحد اهمشي راحت باله انه دخلت كليه بفضل ابوي انه متعلقه بابوي هوايه .صار هواي مشاكل بسبب اختي هيه تكرهني واخويه كذالك وامي كذالك بس ابوي دائما بصفي وانه هذا الي اريده اتمنيت روحي يتيمه ولا هلذله اتمنيت مااجيت للدنيا بسبب اختي وين اكو اخت تكره اختها هيه تغار من عندي لان ابوي يصرف عليه ويحبني اكثر من الكل وهسه ابوي تمرض ومالي احد صرت مكسوره الضهر من بعده هوا صار عنده مرض بكليته ولازم غسل كليه المهم غسلنه كليته وصارلنه شهر ع هلحاله محد يهمه ابوي محد يكول اكو زلمه مريض ادعي اموت انه قبل ابوي فكرت انه وابوي نسافر بس ماقبل اي ابوي ماقبل نطلع من العراق كتله بس ليما تصير زين يكول لا انه ماريد اموت عند الغربه اريد اموت بديرتي وبيتي خاف اخوج ماشال اسمي وماشال كبرتي اريدج انتي تشيلين كبرتي وتشيلين اسمي ودائما تتذكريني هاي كدام عينج بيني وبين الكبر شبر كمت من عنده وانه دموعي تنزل كمت صليت وقريت قران وادعي ربي يشافي لان محد الي غيره امي كاضيته سفر واخوي كاضي عشك واختي كاضيته ويا امي وانه شنو بيدي اسوي غير ادعي لابوي وهاي اول يوم الي بلكليه وبالي يم ابوي اريد يخلص الدوام حته ارجعله 💔😭

رنا: نارين تبجي وتسولف وانه كمت ابجي وياها .اوف يا نارين لعد انه اتمنه عندي اخ او اخت حته يبقون سند اليه بس ابوي وامي عافوني وراحو
نارين: وين راحو
رنا: ماتوو 💔 ........حجيتلها الصار
نارين بدموع: الله يساعد كلبج صدكيني ربج يعوضج
رنا: شيعوضني عن حنان امي لو حضن ابوي لو يعوضني عن جود
نارين: رنا هوا تزوج وانتي تزوجتي شوفي حياتج ويا زوجج ونبي مايفيدج لان شي اكيد ماراح يطلك علمودج
رنا: الله كريم ..بعدها صار محاضره ثانيه وثالثه لحد ساعه 12 خلص الدوام خابرت ع صكر ..الو
صكر: ها
رنا: تعال اخذني
صكر: صاير شوفير هسه اجيج لاطلعين من الجامعه اوكفي ورا الباب
رنا: تمام انتضرك. سديته وضليت واكفه نارين اول وحده طلعت لان ابوها مريض بقو بس شله شباب وصلو لي يمي وخرت عنهم حته يطلعون
الولد: ها شعندج واكفه
رنا: انتضر زوجي
الولد: نوصلج احنا
رنا: لا شكرا واعتقد كلت انتضر زوجي والاحسن تروحون من طريقي
الولد ال2: شبيج بويه قابل راح ناكلج
رنا: الضاهر الحجي وياكم ميفيد ..اجا صكر وطلعت و.........

#يتبع
بارت طويل لعيونكم نشالله دائما نكتبلكم بارتات طويله واسفه ع انقطاع ومثل ماتدرون جد رنا حالته ديسوء وبلكوه قنعنه الولد يسولفون واليوم ليث رجع من تركيا هوا وايه وبنتهم (جينا) يلا بيباي
ادعو للجد يتشافى لان حرام نتشمت