#حكم_العائلة
الحلقة 3
للكاتبة : بشرى هدية
________________________
قيس ؛ شد ع يده بالقوة وطلع وهوا معصب
ختام : هه، هذا ماطلع معاه....ونزلت منها دمعه ومسحتها ومشت لإمها وجداها
قيس ؛ طلع وهوا راقيتله من كلام ختام يلي كان كله عبارة عن عتاب كأنه أخت تهزب في خوها💔
وهوا مايبيهاش تعتبره هكي، كانت نيته مع ختام غييير ماكانت ختام مفكراته💔
ركب سيارته وطلع
________________________
شهد ؛ كانت تساعد في جهاد في تنظيم البيت التراثي يلي داروه قبل رمضان ويجهزوا فيه للعيد❤️
جهاد : تصدقي البيت هذا نحس فيه أحسن من الفيلات يلي ساكنين فيهم، فيه راحة مش طبيعيه
شهد : حسيته هكي، مع انه بسيط لكن فيه حاجه حلوة
جهاد : بالزبط، ويعلمك ان مش كل شيء فخامه وحاجات غالية اهم شيء النظافة والبساطة
شهد : ايي
شهد : تنظم في عالة الشاهي....سبحان الله رمضان هذا فات بسرعه ماحسيتش بيه
جهاد : إي مرّ بدون مانحسوا
شهد : ان شاء الله صيامنا مقبول
جهاد : ان شاء الله
شهد ؛ كملت ترتيبها ووقفت عشان تساعد جهاد في ربط الحبال وكان فيه قدامها حبل ما انتبهتلاش، عكرها وطاحت على جهاد
جهاد ؛ كان يشوف فيها وهي قريبة منه كان اول مرة يركز فيها بالطريقة هاذي❤️
شهد : تحاول تستوعب يلي صار معاها....ءاا ه شكلي ماشفتاش انت رابطه مع اللي عندك وانا مم مركزتش عليه
جهاد : وقف ووقفها معاه....ابتسم...مرة تانية ركزي زين
شهد : تت تمام، وطلعت وهي متحشمة منه بتموت❤️
جهاد ؛ ضحك، وكمل شغله
________________________
الساعه 1:00 في الليل🕐 :
شهد ؛ مقعمزة ع سريرها وتحكي لِـ ختام في الموقف وختام ميتة ضحك
ختام : قصدي ياريتك طحتي بروحك طحتي عليه زيادة😂😂؟
شهد : هاذا يلي محشمني ياريتني طحت ع الوطى وتكسرت ولا عليه😭
ختام : عادي مادوريش فوتي😂😂....قاطع ضحكها صوت نقالها يرن وكان المتصل قيس
ختام : توا عرف روحه هذا، مانيش رادة عليه....وفصلت
قيس ؛ عاود اتصل
شهد : حرام ردي بالك نادم
ختام : زعما؟
شهد : ممكن
ختام : ردت...نعم؟
قيس : اطلعي للبلكونة متاعك
ختام : شن في؟
قيس : بسرعهه بنشوفك
ختام : طلعت...وشافاته مقعمز في البلكونة متاعه....مبردك مقعمز برا حتى انت؟
قيس : تجاهل كلامها وقعد يشبحلها....كان قلتلك تنزلي عادي تنزلي؟
ختام : تشوف فيه من بعيد ومش مطمنة لكلامه حاسة انه فيه شيء....ءااا علاش؟
قيس : هكي عندي حاجات بنعطيهملك
ختام : قيس انت خيرك؟
قيس : انتي يلي خيرك؟
بتنزلي ولا؟
ختام : خذت نفس وتكلمت بتردد...ءءا تمام
________________________
للكاتبة : بشرى هدية
ختام : لبست وشاحها، هذا يبيني ننزله الخرا ماعنديش ليه جو
شهد : شوفيه اكيدة بيسامحك
ختام : مرات، المهم انا كان طولت وجاتك ماما قوليلها مشت لِـ لمياء بتاخد منها استشوار
شهد : تمام
قيس ؛ نزل لوطى وقعد يراجي في ختام
ختام : نزلت ولقاته يراجي فيها...خير شن تبي؟
قيس : عارف روحي غلطت معاك شوية المهم اسف
ختام : غلطت شوية؟
انت ماكش حاسة بكمية الشوية هادي راك!
قيس : باهي قلت اسف
ختام : سامحتك، وين هديتك ليا؟
قيس : طلعلها سلسلة من جيبه في كيسة صغيرة
ختام : ابتسمت عارفتها سلسلة
قيس : كيف عرفتي
ختام : في كل مرة نتعاكوا تجيبلي سلسلة ع خاطر تلبسهالي
قيس : به لودي القدام توا وخليني نلبسهالك
ختام : المرة هذي لا، بنلبسها بروحي
قيس : قلت لودي اني
ختام : لفت وقعدت تراجي فيه امتى يلبسهالها لإنها حست ان المرة هاذي لمسته لرقبتها كانت مش زي قبل💔
بعدما ما لبسها السلسله لبست وشاحها وتلفتت ع طول وهي متوترة
قيس : خيرك؟
ختام : ءا لا شيء...هي تصبح بنمشي بنرقد
قيس : شد يدها...ماتمشيش
ختام : تفك في روحها...ءاا ماما شافتني لما نزلت وقلتلها بنجيب استشواري عند لمياء حول خليني نمشي
قيس ؛ طلقها وخشت بسرعه وهي خايفه
________________________
للكاتبة : بشرى هدية
محادثة بين فارس وبثينة :
فارس : ✨كل شيء نتوقعه يصير إلا ان اقرب الناس ليا تخوني؟✨
بثينة : المشكلة في الخيانة انها ماتجيش إلا من قريب💔
فارس : لكن تصدقي بعد عرفتها هكي فوتتها ع طول
بثينة : ربي يعوضك بخير منها
فارس : من بعدها معاش نبي تعويض💔
قصدي تزبطي شعور انك تبدي متعلقه في إنسان بدرجة مش طبيعيه وفجأة يمشي منك؟
بثينة : حاسة بيه الشعور هذا بصراحة مايوتصفش في الحكي
فارس : مش قادر حتى نكرها💔
بثينة : نزلت منها دمعه وكتبتله....انت بروحك صح؟
فارس : في وضعي هذا مش طايق نقعد مع حد
بثينة : باهي لو قتلك انا بنشاركك وجعي القديم عادي اطيقني؟
فارس : انا لو مش طايقك ماكنتش نحكيلك توا....تعالي نقعزوا برا ونحكوا وجه لوجه احسن
بثينة : تمام، ومسحت دموعها ولبست وشاحها وطلعت بدون صوت عشان هلها مايحسوش بيها
فارس ؛ قعمز ع الكرسي ورفع شعره يلي كان طايح ع عيونه
بثينة : تعرف يلي صار معاك يشبه يلي صار معاي
فارس : كنت تحبي؟
بثينة : كنت، وتعلقت ورسمت احلام وخيالي مشى لبعيد، بس في النهاية مصيري الخذلان💔
فارس : كيف قصتك؟
بثينة ؛ قعدت تحكيله وعيونها يمطروا من الدموع
فارس ؛ طول الوقت كان يشوف فيها ويسمع في قصتها وهي تبكي وكان قلبه بيتقطع عليها اكتر من ماكان متقطع
بثينة : مسحت عيونها...وهاذي قصتي، لكن بعدها اتقنت انه مايستهالنيش ولا يستاهل الحب يلي عطيتهوله ولا حتى القدر يلي خذاه
فارس : وخر ع الكرسي وقعد يشوف للسماء...الاوجاع حيقعدوا في القلوب لكن الوجوه يضحكوا ديما
بثينة : بالزبط، لكن المفروض ننسوا نحنا اليوم لأنه عيد ومفروض نفرحوا
فارس : معاك حق، مفروض نرقدوا توا لان الصبح كان مانضناش بكري جدي بيجلدنا بسعف النخل
بثينة : ضحكت، يديرها
فارس : توا نوضي خشي لأن مرات ينوض حد ويشوفنا
بثينة : اي صح، خذاني الوقت وانا مانندريش
تصبح ع خير
فارس : تلاقي الخير، كان ماجاكش نوم راسليني لأن مش جايني نوم انا
بثينة : تمام...ومشت
________________________
للكاتبة : بشرى هدية
ثاني يوم :
كانوا العيلة ملتمين في حوش جدهم ويعيدوا ع بعضهم، إلا اثنين كانو مش موجودين والكل فقدوهم!!
فارس وبثينة!!!
وين بيكونوا؟
يتبع.....
