#جواهر_محطمة
#للكاتب _ محمد_ ابو جود
#البارت_العاشر
كُلشي ما محتاج مِنَّك
بَس آشوفَّك
وهيَ لا ترهم واحبَّك
ولا عرفت شلون اعوفَّك!
جواهر : بعد ما راحو الناس ضليت كاعدة بغرفتي صعدت امي دخلت للغرفة
ام جواهر : هيج صرت منبوذة عندج و ما ترديني احضر عرسج
جواهر : اي و اكرهكم و اكره ذيج الساعة الكشرة العرفتني بيكم
ام جواهر : ماشي يا بت بطني لعد خليها بعلمج تحرم عليج جنازتي و تحرم عليج توكفين على جنازتي
جواهر : و يجوز اني اموت قبلج الله اعلم ،،، هزت راسهة امي و طلعت شوية و رجع صعدلي ابوية
ابو جواهر : ممكن افهممم شنو معنى تصرفاتج
جواهر : من تعرف تصرفاتك راح تعرف تصرفاتي
ابو جواهر : باعي لج ما اريد اضربج و بالكوة كامش نفسي عنج كم يوم و مولية ادب سز
جواهر : كم يوم و تخلص مني الله كريم ،،، عافني و طلع ضليت صافنة انمطلت ع الجرباية انفتح الباب صحت
جواهر : استغفر الله اليوم مذبوبة صرركم يم الباب
ام جواهر : اني حالفة ما احجي وياج بس ام حسن خابرتني تكول العرس مو هذا الخميس الي بعدة يعني عندج بس أسبوعين جهزي نفسج بيهن و باجر يدزون المهر
جواهر : إن شاء الله بس اسبوعين و تخلصون مني ،، طلعت امي ضليت نايمة بفراشي ما اتعشيت و نمت لثاني يوم كعدت الفجر شبعانة نوم
نزلت رتبت البيت و غسلت ملابسي و كعدت اقرا قران ابوية كعد طلع لشغلة و امل كعدت تسوي ريوك كمت دخلت لغرفة أمي لكيتهة كاعدة تبجي ما حجيت شي طلعت من الغرفة كعدت بالمطبخ و امل تسوي ريوك و تغني
جواهر : و وجع و سم و زهير و مرض و خرس كافي تجوعرين من الصبح جنج مطي
امل : اكلج احترمي نفسج لا و الله اوديج لعيالج مورمة
جواهر : كمت وكفت كدامهة و خليت ايدي على خصري و كلتلهة بلة ورميني بلكت ابن اخوج المصون من يشوفني يخترع و يفصخ العقد
امل : الحمدلله و الشكر صحلهة رجال و كالت اعور
جواهر : لا اثول و غاسلة ايدي من عندا ما دام انتي عمتة
امل : عيوني احمدي ربج راح تاخذين حسن زينة الشباب
جواهر : والله مدام انتي عمتة اني غاسلة ايدة من عندا ،،، اندكت الباب رحت فتحتهة طلع ولد شاب سبحان الله الي خلقة و ابدع بي ضليت صافنة عليه
حسن : السلام عليكم
جواهر : و عليكم السلام تفضل
حسن : ابو جواهر موجود
