#جواهر_محطمة
للكاتب _ محمد_ ابو جود
#البارت_الخامس_عشر
#البارت_الاخيرررررررر
كمت انزف و خشمي ينزف و طحت للكاع مغمى علية غركانة بدمي ما اعرف شصار بعدها بس كعدت الغرفة ضلمة حيل اريد اجر نفس ما اكدر وجع بطني موتني بديت اختنك لان خشمي طاك دم و يابس الدم عليه
و الكاع متروسة دم عبالك ناحرين خروف والله اريد بس اسند نفسي و احوم ما اكدر و الدوخة بعدها بية غمضت عيوني و كلت
جواهر : اللهم وكلتك امري و انت خير وكيل ربي و عزوتي انت ساعدني اقسم عليك بالمهدي المنتظر
رجعت فقد كعدت على حسن و هوا يذب مي على وجهي
حسن : كومي بلا هل كلاوات مال الكح،،،،، فهميني هذا الولد منو ..
و ضربني دفرة على بطني بقوة نفسي انقطع و ضليت ابجي و اصيح والله ما اعرفة و الله ما اعرفة و روح امي ما اعرفة و لا اعرف الموبايل المن
حسن : سهلة هسة اني اخليج تعرفينة
جانت اكو مبردة بالغرفة جر القايش مالتها و ضل يضرب بية و اني اصرخ و اتوسل بي و كأنه دا يضرب بمجرم اشكد ما كان ضربة قوي و اني اتوجعت قررت اجذب عليه حتى بس اخلص نفسي من عندا
جواهر : راح احجي راح احجي والله بس كافي والله احجي
حسن : يلة احجي
جواهر : اذا احجي اطلكني
حسن : اصلاً ما اتشرف بوحدة ساقطة مثلج يلة احجي و اطلكج و روحي عيشي ابيت دعارة لان هذا مستواج
جواهر : بلعت ريكي و بديت احجي ادري الي حجيتة غلط لكن ما كان عندي غير حل كلتلة
هذا الولد صاحبي و اعرفة من زمان من منطقتنة
حسن : اشكد وحدة ساقطة و كح.... و ضل يغلط انواع الغلط و اجة علية جرني من شعري للدرج و نزلني سحل لغرفتي
حسن : يلةةةةة خمس دقايق تلمين ملابسج و تولين منا ما اتشرف بيج
جواهر : طلع حسن و اني كمت حتى ما بدلت ملابسي رغم كلهن دم جريت عباتي خليتهة علية و عندي جنطة صغيرة خليت بيهة فلوس الورث و ذهبي لان طالعة من هل بيت ما عندي احد و راح احتاجهن و اخذت كم قطعة ملابس ردت اطلع من الغرفة
اتفاجئت دخلت هاجر للغرفة و بطنهة جبيرة حامل !!!
هاجر : ها يا حلوة اشلونج شفتي اول شي ضحكت على حسن و خليتة يتزوجني و صارلنة 4 اشهر متزوجين بالسر و هسة اني حامل و بعدين ركبتلج سالفة الموبايل حتى اتخلص منج بس الله عليج اشلوني ذكيه لو لا
جواهر : ما دام اني بريئة يم الله و اذا رب العالمين صدك هوا الحق اريدة بس يبين حوبتي بيج انتي و حسن... طلعت من الغرفة نزلت بالكوة امشي شفت عمتي ام حسن بالصالة تبجي
