" قد صدق من أسماكي نغم فأنتِ كنغمة الساحرة التى استقرت داخل أعماق قلبي يا وردتي"
من صاحب زرقاوتين إلى وردته الصغيرة
☆☆☆☆☆☆☆☆☆☆☆☆☆☆☆☆☆
أفاق زين من شروده بها عندما نزلت من على المسرح واختفت عن انظاره ،يلاحظ نظرات هند له وابتسامتها مليئة بالخبث
- إيه بتبصلي كده ليه ؟
- مفيش بس في حد من شوية كان بيقول انه مش بيحب الجو المُلل وبيهزق منه وكده، إيه بقا اللى غير رأيه ورجعه فجأة طالما هو مابيحبش الجو ده أصلا ؟!
- عادى يعنى يا هند، الأغنية عجبتنى فقولت أسمعها.
رفعت هند حاجبها باستنكار وناظرة له نظرة بمعنى ( حقا ) لتنبس قائلة
- الأغنية بردو يا زيزو ولا اللى بتغنيها هى إللي عجباك بصراحة معاك حق البنت حلوة وزي القمر.
خمتت هند كلامها غامزة له ليقهق زين بخفة على حديثها مدرك انها كشفت كذبته الفاشلة ويبدو أنها لاحظت نظراته لنغم طوال الفترة التى كان تقدم عرضها بها فاردف لها قائلاً
- مش قولتك أن اكتر حاجة بحبها فيكي يا هنودة انك فهمانى صح الصح و كلمة فى سرك هى مش بس حلوة دى لا جامدة اوى كمان كلها على بعضها كدا تاكل أكل.
- ههههه الله دي شكلها دخلت دماغك يا زين لا تكون بتفكر تحطها ضمن اليست بتاعك.
- بفكر إيه انا حطيتها خلاص اتقلي بس يومين بكتير وتلاقيها شرفت جنب أخواتها.
- ده انت ناويها بقا، طيب بما أنك ابن عمي فواجبي أنصحك، نغم مش زى البنات الشمال اللى تعرفهم،هى مش بتاعة كده يا زين فيستحسن ماتفكرش فيها بطريقتك دي وتشيلها من دماغك.
-وانتى تعرفيها منين أصلا عشان تكلمي كده وتكوني واثقة اوي كده أن دي مش سكتها.
- نغم تبقي صاحبتي وأعرفها من فترة طويلة وعارفة كويس انها مالهش في الشمال و مش بطيق أصلا الرجالة إللى من صنفك بذات، فياريت تسمع كلامى لمرة واحدة يا زين و بطل تبص للبنات انهم زي بعض و صنف واحد وبذات هي لانها غيرهم وصدقني لو فكرت تقرب منها بأى طرقك إياها مش هيعجبك رد فعلها خالص.
YOU ARE READING
منتهى الانتقام والعشق
Romanceيقال أن لكل المشاعر درجات سواء كانت جيدة أم سيئة فالكراهية والحب رغم التضاد الذي بينهما إلا أنهما مشتركين فى شىء واحد وهو درجاتهم وما منتهى الإنتقام إلا هو وليد كراهية شديدة وعميقة نارها تحرق الأخضر واليابس كل من يقترب منها هو هالك لا محالة ومنتهى...
