دموع أبليس ✨ الجزء التاني من ملاك الألياس ✨ "للكاتبة زوزة"

الفصل ٨

اهلا يا احلى واجمل عيلة و اخوات فى الدنيا انا قررت اني هخلص الروايه بسرعه و احاول انزل كل يومين تلاته كده بس مش هتأخر عليكم خالص و عاوزه اشكركم كلكم على دعمكم ليا و وقفتكم جنبى و قررت انزلكم فصل النهارده علشان تفرحوا زى مفرحتونى كده مبسوطه جدا انكم فى حياتى و اتمنى انكم تفضلوا فيها علطول يلا نبدا بقى عشان مطولش عليكم

°°°°°°°°°°°°°°

             ^_^  بقلمى زوزه ^_^
                        •••••••••

°°°°°°°°°°°°°°°°

فى قصر العامرى أوضة ألياس و ملاك
**********

كان قاعد قلقان و تفكيره مشغول و سرحان و قلبه مقبوض جدا و ميعرفش السبب ايه ملاك لاحظة حيرته و ملامحه القلقانة خافت عليه و قربت منه و حطت ايدها على كتفه و اتكلمت بحنان و حب

ملاك بحب و حنان::: مالك يا حبيبى سرحان أوووى كده فى اى

ألياس بصلها بتوهان و قالها::: مش عارف يا ملاك حاسس ان فى حاجه هتحصل مش مطمن خالص بصراحه حاسس بقلبى مقبوض جدا مش عارف ليه والله بس انا مش مطمن خالص

ملاك بصتله بصدمة لانها أول مره تشوفه بالضعف و القلق ده كله وكمان عشان هى كمان كانت حاسة بنفس الاحساس اللي عنده نفس القلق و الخوف و قلبها مقبوض بس مرديتش تقوله ولا تبينله عشان ميقلقش هو كمان بس الواضح انها مش لوحدها اللى حاسة بلاحساس ده ملاك نفضت الافكار اللى فى دماغها و قربت عليه علشان تطمنه لانه هو مصدر قوت البيت كله

ملاك خدته فى حضنها بحب و حنان وطبطبت على ضهره بحنيه أم خلته حضنها جامد اوى ليه بقلق و خوف من اللى جاى و ملاك شدت على الحضن و اتكلمت بهدوء عشان تهديه و تطمنه

ملاك بهدوء و حنان::: اهدى يا حبيبى انشاء الله خير ومفيش حاجه هتحصل بأذن الله بس انت قول يارب و فوض امرك ليه و ربنا استحاله يخذل عباده اللى اترجوه استقوى كده يا ألياسى بالله

ألياس براحه بعد كلامها اللى خفف عنه شويه:::ونعم بالله انتى صح ربنا دايما حامينا و معانا فى كل خطوات حياتنا يارب انت العالم بعبدك الضعيف استرها يارب

ألياس وقف بعد ما خلص كلامه و حضن ملاك جامد و باسها بحنان من راسها و قالها بفرح::: انا عرفت هعمل ايه

ملاك بحنان::: هتعمل ايه يا حبيبى

ألياس بحماس و فرح::: هروح اطلع حاجات لله و اتبرع لكام ميتم بنية ربنا يسترها علينا و يحمينا من اى خطر هيجى علينا و يحرسلنا ولادنا

ملاك فرحت جدا بفكرة ألياس و قالتله بفرحه::: تمام ربنا معاك يا حبيبى انشاء الله خير و ربنا معانا بس الاول صلى ركعتين لله و ادعيله يفك عنك و يريح بالك وقلبك يلا