اهلا باحلى عيلة فى الدنيا اهو مش حرماكم من الفصل عاوزه بقى تفاعل جامد كده زيكم اهوو بحاول انتظم عشان متنسوش الاحداث تانى يلا بينا نبدأ الفصل
٭ بقلمى زوزه ٭
°°°°°°°°°°°فى قصر العامرى كانت العيلة كلها واقفين قدام الظابط اللى كان متوتر من سكوتهم و هدوئهم و برود رعد اللى واقف بثقة و ثبات و ألياس اللى ملامحه قوية متهزتش و ريس و ليل و أسد اللى واقفين و بيبصوا ليه بستهزاء و عاصم اللى بيضحك بمرح ولا كأن أخوه قدامه ثوانى و يتحبس
اما بالنسبه لملاك و فجر و تاج فهما التلاته واقفين بصدمة و دموعهم بتنزل بخوف على رعد و قلق وتوتر
تاج بهمس و شقاوة رغم زعلها على اخوها::: يعينى عليك يا اخويا هتبقى رد سجون و البت هطير منك و مش هتعرف تتجوزها و تطلع من السجن تلاقيها اتجوزت و خلفت ولد و سمته على اسمك و تقولك ده عشان افضل فاكرة حبنا و انت وهى تعيطوا و تسحوووا دموع و انت تتجوز واحده حيزبونة بقى وانا هروقها بمقالب و اشهيصها اممممممم بس ممكن تتجوز البت جورية هى اصلا تطول تتحوزها دا أنت رد سجون قد الدنيا ربنا يحرسك يا حبيب والديك
فجر بدموع و هى بتخبط اختها::: حسى على دمك اخوكى هيتسجن و انتى بتبرطمى بكلام غبى زيك
تاج بشقاوة:::الله مش بحللك الموقف يا ولية و بعدين انا والله زعلانه اكتر منك
فجر بزعل:::بجد انا اسفه بس خايفه على ابيه معلش يا حبيبتي انا عارفه انك زعلانة عليه
تاج وهى بتقاطعها::: لاء خالص انتى فهمتينى غلط انا زعلانه علي العشا ماهو اكيد لما اخوكى يتحبس انتوا كلكم هتعملوا فيها متأثرين و مش هتاكلوا وانا كمان طبعا لازم و المفروض احس على دمى و ماكلش كده يبقى ضاع منى العشى يرضيكى
فجر بصدمة::: يعنى انتى مش زعلانه على اخوكى
تاج بلامبالا::: لاء اخوكى طور مش هيحصله حاجه
الحوار كله كانت العيلة و الظباط سامعينه و رعد اللى هيموت من الغيظ بسبب تاج ولسانها الطويل و ألياس اللى حرك راسه بقلة حيلة من هبلها.و ريس و ليل و أسد و عاصم اللى بيكتموا ضحكتهم على جنان اختهم و ملاك اللى بصتلها بغيظ من كلامها
رعد بغيظ::: وحياة امك لربيكى يا تاج الكلب بس الموضوع الزفت ده يخلص
تاج بشقاوة:::حبيبى يابو الرواعد شدة و هتزول يامعلم و متقلقش هجبلك عيش و حلاوة و احنا جايين ليك و اوعدك هسلمها للراجل اللى يستحقها فهمني انت صح
رعد بغيظ:::اااااااه يا كلبة و ربنا لنفخك بس اخلص من وجع الدماغ ده
تاج بصت للظابط من فوق لتحت بقرف و قالت بصدمة و رزالة:::هو دا اللى جايبينوه يقبض عليك
الظابط بستغراب:::ايوة انا ليه فى حاجه
تاج بسخريه:::لاء خالص كل الموضوع انك مش داخل دماغي بصراحه حساك عبيط كده فى نفسك
![](https://img.wattpad.com/cover/243731023-288-k139293.jpg)
أنت تقرأ
دموع أبليس ✨ الجزء التاني من ملاك الألياس ✨ "للكاتبة زوزة"
Mystery / Thrillerلا احلل اخذ افكارى حتي لا تتعرض للمسائلة القانونيه بقلمي "زوزة" بصوا يا حلوين انا هغير اسمي هنا انا طبعا معروفة بأسم شغوفة بس انا حساه مش لايق علي اسمي الحقيقى علشان كده هيكون اسمي علي الواتباد اسم الدلع اشطا علشان بس متستغربوش لما تلاقوه هيبقي "زو...