"ابكي علي الاطلال"

||وصية المجحوم||

PART 1
من #ابكي_علي_الاطلال
____
اذكرو الله
...

ترجلت من سيارتها بذلك الرداء الاسود القاتم و هي تزيح نظاره الشمس من علي عيونها....ألقت نظره جانبيه الي ابنتها الي تماثلها في لون ملابسها حداداً علي زوجها الراحل منذ فتره قصيره....تحركا الاثنتين معا الي داخل ذلك المبني للصعود للشقه الموجوده بالطابق الاخير بها و هي مكتب المحامي توفيق الكيلاني رحمه الله زوجها الراحل....جلست علي مقعد زوجها ...بينما جلست ابنتها علي الاريكه التي بجوار الباب الذي دلف منه رجل في العقد الرابع من عمره

قدم الرجل ابتسامه عمليه و هو يدخل مقدما تعازيه ليردف :مدام حوريه...توفيق بيه الله يرحمه ساب وصيه أمر بفتحها في وجودك انتي و مدام سلمي بس و أكد علي سريه محتواها عن اي حد تاني....بمعني اصح أكد سريه محتواها عن هشام بيه

لوت حوريه شفتيها وهي تنظر له باستفسار : يعني ايه الكلام ده...فيها ايه الوصيه دي عشان هشام ميعرفهوش

أردف و هو يخرج ورق مغلف من حقيبته الجلديه : هنفتحها و نشوف حضرتك

امسك باداه فتح الورق من جانبه من ثم أخرج عده اوراق بظأ في قرائتها بصوت مسموع للأثنتين....بعد انتهائه من القراءه
رفعت سلمي عيونها الي حوريه مردفه بتعجب : انا مش فاهمه حاجه

قطبت حوريه حاجبيها و هي تتحدث : ايه علاقه جواز هشام بورثنا ايه ده هو توفيق اتهبل

ليجيبها المحامي بعمليه بينما يمسك الاوراق و قلم بيده الأخري يأيد به ما يقول : اللي فهمته أن خلال المده المحدده كل الأملاك الي مكتوبه باسم توفيق بيه الله يرحمه هتتحول 70 في الميه منها للجمعيات الخيريه و 30 في الميه من الثروه الباقيه لعمر بيه اخو المرحوم لو طبعا هشام بيه متجوزش بس لو حصل يبقي النسبه هتتحول ل90 في الميه يتوزعوا علي حضراتكم حسب الشرع و الباقي للجمعيات الخيريه و في اي حاله من الاتنين اللي هيورث إذا كان انتو أو عمر بيه فالتاني ملوش جنيه واحد حتي

ابتسمت الأخري باستهزاء هامسه لنفسها : عمر اللي جاب أجلو يورثه و احنا نطلع من المولد بلا حمص

بينما قطبت سلمي حاجبيها مردفه بسخريه : معلش بس ثروه ايه اللي حضرتك عمال تقولها هو بابا كان يحتكم غير علي عمارتنا و المكتب ده و وديعه في البنك فوايدها اربع تلاف جنيه

هزت حوريه رأسها مؤكده لينظر لهم الآخر باستغراب مردفا : انا مش فاهم بصراحه اللي بتتكلمي عليه

مد يده يخرج ملف اخر من حقيبته مردفا و هو يتفقد محتوياته : بس علي حسب اللي قدامي فاتوفيق بيه كان يملك حجات و حسابات في بنوك لما تم حصرهم طلعوا يقدروا ب 19 مليون