من#ابكي_علي_الاطلال
اذكروا الله
.
.
.في منزل حكمه دويدار استقرت علي ذلك المقعد الابيض المرتفع امام الطاوله الرخاميه بالمطبخ غارقه في صحن المعكرونه الذي امامها بينما وقفت حكمه تغسل بعض الاواني
" بقولك ايه يا كوكي...انا كنت عايزه اقترح حاجه كده"
رمشت حكمه عده مرات و هي تتوجس من الحديث وهي تهز رأسها بتساؤل لتتابع ميرال حديثها و فمها ممتلئ بالطعام
"بصراحه كنت عايزه انزل الشركه"
" وده من امتي ما واحنا في اسكندريه اتحايلت عليكي بدل المره عشره "
قالتها حكمه بينما تنهي غسل اخر صحن بيدها تبعتها بيدها و هي تلتفت لتجلس امام ميرال
"اصل بصراحه كده زهقت "
رمقتها حكمه باستنكار وهي تردف
"زهقتي من تالت يوم"
"انا زهقانه من اول يوم وحياتك....كوكي عشان خاطري انتي كده كده كان نفسك اني انزل معاكي من زمان و بتقولي عليا عوطليه و بزود نسبه البطاله في مصر....خليني اتسلي شويه بقا "
قالتها ميرال بكل سبل التودد و الاستعطاف التي تعرفها ليتبعها تنهد حكمه و هي تردف بشرود
"شركتنا صغيره و علي قدها و الفرع بتاعنا في اسكندريه ابوكي الله يرحمه تعب كتير جدا عشان يأسسه صح و يعمل اسم انا كان ممكن انزلك هناك و مش هبقي قلقانه عشان لينا اسم انما هنا احنا لسه بنأسس الفرع و معندناش عمله والشركات في القاهره علي قفا من يشيل فرصه اننا نكسب عميل اقل بكتير الغلطه هتهد الدنيا و هنبقي ضيعنا فلوس الفرع هنا علي الفاضي "
"ثقي فيا انتي بس و متقلقيش تربيتك متغلطش و الفرع ده هيبقي ليه عملاء اكتر من بتوع اسكندريه كمان و شركتنا الصغيره هتبقي اكبر اسم في شركات الاستيراد و التصدير ...بس انتي نزليني"
ارتفع حاجب الاخري من الثقه الزائده التي تحدثها لتومئ وهي تردف
" اما نشوف"
______________________________________
جلس باسترخاء بجانب حوريه في شقتها يشاهد باستمتاع الشجار الملتهب و المتفجر بين سلمي و احمد...فبعد تدخل بائع ال (كوارع)...نظرت سلمي لهم و قد تخلت عن مستواها الراقي و الرومانسي في التعامل في بعض الاحيان وهي تجذب الفتاه من شعرها تحت قدمها و تقوم بافعال سوقيه كال(ردح ) لاحمد بين الحين والاخر اما تلك الفتاه المجهوله فالقت نظره قاتله الي عمه "عمر" قبل ان تختفي من الشقه
و لحسن حظه فوسط كل ماحدث قد ابعدت التهمه تماما عنه فتظاهر بانه حمامه سلام كان يريد اعاده صديقه و عمه الي رشدهما كي لا ينهي قصه حب صديقه و اخته الرائعه علي نزوه
![](https://img.wattpad.com/cover/266225571-288-k558186.jpg)
YOU ARE READING
"ابكي علي الاطلال"
Romanceاخطأت....و كان لقصتهم نهاية غير محببة....فما هو رد فعلها؟....هل ستبكي علي اطلال ما حدث....ام تضع بدايةجديدة للنهاية السابقة.....ما هي قصتهم و ما هو خطأها .....هو ما سنعرفه "ابكي علي الاطلال" "نغمات شارده"...