السلام عليكم . ياحبايب قلبى . وحشتونى جدا . اولا انا عايزه اعتذر بشده لاى حد كلمنى ع الخاص ومردتش عليه . انا أسفه جدا والله العظيم غصب عني . مفيش وقت . وانا مقدره حبكم ليا وع راسي والله . لكن تخيلوا لو رديت وكل واحده ليها حوالى نص ساعه دردشه. فيها اكيد اسبوع كامل ومش هيكفى . وده يسعدنى والله . لكن عايزه اقول إن اليوم بيخلص بسرعه. وف مسؤوليات عليا ومستلزمات . وغير التفكير والكتابه. وغير كمان تعبى . بجد والله العظيم تعبانه جدا . وربنا وحده ال عالم بحالي . ولو اى واحده مكانى كانت قفلت خالص الفتره دي . ف بعتذر منكم لانى مردتش وارجو التماس العذر .
تانى حاجه . عايزه اشكر من كل قلبى .. كل حد علق بتعليق ايجابى وقدر تعبى ومجهودي . وسهرى وتفكيرى وكتابتى . وقال كلمه حلوه ف حقي . شكرا لدعمكم بجد ♥️ .
تالت حاجه . انتو عارفين انى ماليش مواعيد ف نزول الروايه . ف ياريت الرفق بيا شويه ف طلبات نزول البارت . يعنى انا لسه منزله بارت الصبح . ازاى بتطلبى بارت تانى انهردا .؟ مستحيل يتحقق لانه متكتبش فهماني؟ انا مش معايا عصايا سحريه اخلص بيها البارت. ربنا يعلم انا بقيت عامله ازاى ؟ وياجماعه والله انا مبخبيش عليكم اى حلقه. انا يدوبك بخلصها بنزلها فورا . الضغط عليا كتير جدا الفتره دي . وحاسه بتعب شديد الفتره دي بجد . وأثر ع شخصيتى . لان مطلوب منى احقق رغبات الكل . لكن مريم عايزه ايه؟ ف ده اقليه بس ال بيفكرو فيه .
انا بقالى فتره قافله نت لان اي حاجه سلبيه بقت بتأثر عليا . ولأني عندي تعب ف القلب . مبتحملش .. وغير كدا . ف شوية آراء غريبه من بعض الناس هما اقليه جدا . حوالى اتنين او تلاته. بحس انهم بيحاولو يدورو ع ثغره ف البارت عشان ينتقدوني بس للاسف فشلوا كالعاده . وربنا ما يشمت حد فيا ابدا . ويدينى ع قد نيتى . ويديهم ع قد نيتهم . واحب اقولهم رأيكم مالوش صفر لازمه عندى . وفروه لل يستاهلو . وياريت تتابعو بصمت افضل . انا عندى ناس بتقدرنى وبتقدر تعبي بجد . وربنا يديمهم ف حياتى . شكراً للدعم الايجابى منكم ...
مريم نصار دمتم ف آمان الله .
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
