جريمة عشق 4 (ميراث العشق) بقلم/ مريم نصار.

موضوع للمناقشه

اولا مساء الخير للجميع ..

ثانياً ممكن ال يشوف البوست ده يقرأ التعليق ده 👇 بتركيز كبير.. وبعدها هنحلل كلام البنت دى ..

اول حاجه . البنت بتقول . هو اي مشكله تحصل تأجلى نزول الروايه .. ولو محدش اتفاعل تأجلى برضو نزول الروايه؟

بعيدا طبعا عن انها مافرقش معاها إن روايتى اتسرقت .بالاجزاء الاربعه ..  ومهتمتش بأي حاجه . بدليل انها قالت ف بداية التعليق ..
(بعيدا عن كلامك ده )

ماشي تمام جدا .. بس عايزه أسألك . انا أجلت نزول الروايه امتى ؟ ممكن اعرف انا اجلتها امتى؟ غير ف ايام الصيام والعباده عشان ما اخدش زنب حد ...؟

انتى لو تفتكري سيادتك انى كنت بنزل الحلقات يوميا . وبعد كده اول ما اخلص الحلقه الجديده بنزلها ع طول . وع الواتباد قبل الجروب بدقيقه .
هاتيلى كدا بوست اعتذار منى انى قولت اسفه انا أجلت نزول الروايه؟ هاتيلى كدا بوست منى انا قولت انتو مش بتتفاعلو اسفه انا أجلت نزول الروايه..؟ انتى بتفتري عليا ..

كل ال انا عملته . انى بشارك معاكو كل حاجه تخص الروايه . لو زعلت من حاجه بنزل منشور واشارك معاكم . لكن ما اجلتش الروايه نهائي . وخصوصاً الجزء الرابع ..
انا يمكن اكتر كاتبه بنزل حلقات متتاليه . وكمان لو حضرتك تفتكري انى كنت منزله بوست بمواعيد نزول الروايه . ال هو سبت واتنين واربع .. وكمان ممشتش ع المواعيد . لأ كنت بنزل قبلها . وربنا يعلم كنت ببقى مبسوطه ازاى وانا بفاجأكم . بنزول الحلقه قبل ميعادها .  انتى كدا انسانه ظالمه وافتريتى عليا ..

تانى حاجه . البنت بتقول .. لو حضرتك مش هتلتزمى مكنتيش عملتيها من الاول .......!

ثانيه واحده كدا ..؟ انتى مين عشان تتكلمى معايا بالاسلوب ده وبالطريقه دي؟
وانتى مين عشان تقولى لو مش هلتزم مكنتش عملتها؟ انا واثقه انك مش فاهمه الكلام ال انتى قولتيه ..

لأ وكمان . بتقولى ركزى كدا ...!  حسيت للحظه انى شغاله عند حضرتك .. او مثلا بقبض منك بعد نزول الحلقه ..

حماسك قل . دي حاجه ترجعلك .. عايزه تكملي معايا ع ظروفي اهلا وسهلا مش عايزه ف مليون روايه . وكاتبات أفضل منى بكتير جدا صدقينى .

الحاجه ال انتى مش قادره تستوعبيها . إن الروايه اتسرقت . وبجميع أجزائها . مش جزء واحد بس...!
لأ ده حتى الجزء الرابع ال حضرتك بتفتري عليا فيه .. اتسرق هو كمان ..  والمصيبه كمان أن الروايه من الجزء الاول للجزء الرابع . نزلت pdf

والمطلوب منى عشان سيادتك تبقى مبسوطه وتعيدى زى الناس .. إن مريم متزعلش إن تعبها ومجهودها بيتسرق ويضيع قدام عينيها .

.اهم حاجه انتى تتبسطى ومريم الشغاله تحت ايدك تركز كدا وتكتب وتنزل البارت ف ميعاده .. يا اما كدا .
.يا اما نكتبلها كلمتين يحرقو دمها .

احب اقولك إن الأسلوب بالطريقه دي معايا مرفوض . انا لا بحب اهاجم حد . ولا بحب اجي ع حد . لكن بطريقتك دى هتخلينى اتكلم وبأي اسلوب .

انا بحب الاحترام ف المعامله . وانتى مجبره مش مخيره انك تحترميني وتتكلمى معايا بأسلوب ارقي من كدا ..
ف كاتبات بتنزل الحلقه مره ف الاسبوع وكمان مره  ف الشهر . وكمان ع حسب ظروفهم . وبيلاقو تقدير..
.

لكن انا بعمل العكس ف كل حاجه . ودي تبقى النتيجه منك؟
لأ مش عاجبك نظامى قوليلى وانا هعملك حظر ع طول . وبعد كده صدقينى اى كومنت فيه افتراء عليا هريح دماغي باالحظر . انا فيا ال مكفينى وزياده .

والكلام ده موجهه لأى حد يفتري عليا .. وال مش عاجبه مع الف سلامه ..

انا أجلت نزول الروايه وكتبت كدا دلوقتي انى هثبت ملكيتى ليها وارجع تاني .. غير كدا اسفه .مش عايزه تقدري ظروفي انتى حره .. غير كدا آسفه .

أما البنات والأمهات ال قدروني وتفهمو ظروفي . وعرفو يعنى ايه تعب ومجهود بيضيع ويتسرق. ووقفو جمبى. ف انا بنحنى ليهم احتراما . وكلهم ع راسي من فوق ..

قال رسول الله .من كان يؤمن بالله واليوم الآخر .. فليقل خيرا او ليصمت .. صدق رسول الله .