بين الكاف والنون (كن فيكون)
الواحد والعشرون
الكاتبه سجى الطائي
/////////////////////////////
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل لمشذبات الروس ..
لوجن ليك .. شجايه ..
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
سيف الدين
اعاين على البيت صوت زلم عالي مشيت والف حسبه بالي الطريق صار شتطوله ولا جنه هو لوفة عشر امتار
شايل دشداشتي مااعرف شلون طبيت صوت فرات وراي صار بوجهي ولد عموماتها والشيوخ
معكله الدم صعد الراسي
جرني فرات يطلعني نترت ايده "شني اليصير فرات شعدهم هنا"
فرات" امشي للبيت نتفاهم"
صحت " وخرررررررررر هدني"
شياطين تربعن كبالي وينها بت الجلاب بت...... وينهااااا........ فرات يكمز يجر بيه وانه مفرفح البطرمه يعاينون علينه بحركه مني طبيت للصاله مالهم فرات وزياد جروني "
زياد" امشيبييي كدامي جااااهل انت جاهل"
فرات" انت شسوي بابا شسوي طاب البيتهم تريد تفضح البت تبلينه وين عقلك امشي للبيت "
جروني طببوني للديوان فركت راسي فتت للحمام غسلت راسي جوه المغسله احسه من حرارته وشش الحراره نزلت على عيوني فرات وراي رفعت راسي امسح وجهي ايدي انترست دم
فرات" غسل غسل ارتفع ضغطك "
غسلت مانكطع الدم جابلي فرات كطن خليته بخشمي
زياد يعاينلي " ناخذه للمستشفى فرات لينجلط امشي بدله طالع اشغل السياره خرب غيرتك ولك مره مره تفرك ولك نجماتك المن خالهن وين هذا ماشغلته من هجمت للديوان"
فرات" موكته هذا الحجي خويه شوف حاله لا تتأزم امشينه ناخذه من يصير زين نكعدله مو وكتها هسه "
مارديت عليهم الداخلي ميحسون بي حركه جن واحد شاعله بي النار تاكل بيه
اخذني وعيني على بابهم غمضت عيوني مددت بلكشن الوره زياد وفرات ليكدام قبق راسي طاير من الالم اذاني قبطت
وصلنه قاسو ضغطي معلك ١٩ بسرعه علكولي مغذي ضربوني ابره جيب وتعال وزياد متنك عليه
فرات يكسر ويجبر
واني عيوني بكصتي مستعد اهدم الديوان على راسهم والله وكف ابويا بعيني هذا ابوها اله اشوفه الزلم شربت
طلعت رجعوني من وجع راسي مااشوف احد كدامي الشيخ تلكاني سكت من شاف الكانونه
امي الحجيه تبجي وانه منا كلبي مفحم كتلهم مااريد احد يضل يمي اريد ارتاح عافوني وطلعو
YOU ARE READING
بين الكاف و النون
ChickLitبسم الله الرحمن الرحيم إِنَّمَا قَوْلُنَا لِشَيْءٍ إِذَا أَرَدْنَاهُ أَنْ نَقُولَ لَهُ كُنْ فَيَكُونُ صدق الله العظيم
