Sonbae

15. Намайг ашигла

"Сэва, чи ямар нэг юм хэлсэн нь дээр байх аа!"

Гар гараасаа барих гэхээс илүү тас атгачихсан зогсох Тэхён ах болон Намжүүн хоёрын зүг эмээсэн байртай ширтсээр Ёнми ийн шивнэлээ.

Тэр хоёр бараг л анх удаа, үгүй ээ анх удаа нүүр тулан уулзаж байгаа атлаа яг л мянган жилийн турш бие биедээ өс санасан киноны гол дүрийн баатрууд шиг л байх аж. Бие биенийхээ гарыг бяцлах гэж буй аятай тас атгачихсан, нүдээрээ алах гэж буй мэт аймшигтай харцаар ширтэлцээд, тэгсэн хэрнээ уруулан даа ёжтой инээмсэглэл тодруулчихсан.

Тоглоом ч үгүй үнэхээр айж байна.

"Би юу гэж хэлэх юм?"

Хальтхан хөмсгөө зангидсаар ийн асуутал тэр мөрөө хавчсанаа, "Мэдэхгүй ээ, зүгээр больцгоо, одоо явцгаая гэдэг ч юм уу? Ямартай ч энэ аймшгийн харцнуудыг нь болиулах зүйлс л хэлээд аль! Үгүй бол яг одоо энэ газарт дэлхийн 3-р дайн болох нь!"