🐞مصيبتي مع الكوميسير🐞
🍇الجزء1🍇
🐼 منال برنيش🐼
تحلات باب البيت شافت فيهم بدات تنش بيديها على وجها ريحة الحزاق تخلي لميت ينوض يبدل قبرو منشورات فالارض كل وحدة يدها ورجلها فوق لوخرا مزال بتكاشطهم دلعرس وماكياجهم مجلخ غير جاو وتنشرو
فتيحة:يتوما نوضو تهزو مزال مسرحات ليا كلبقرات طرامي**كم قربو يهراو بالحزاق تفو يخليها قاعيدة معندكم فرانات
عزيزة تفوهات:مزال الحال امي
فتيحة:نوضي ق**ودي عند راجلك نت من صباح وهو يبيبي فتيليفون فرع لي مخي تقول غهو لمزوج
ناضت تتفوه جمعات تكيشطتها ودارت شفنجة فراسها وتمات خارجة:زماني توحشني
فتيحة:توحشو لفعة تكمطو ياااه انوضي هالبنت
سعيدة بصوت خاسر:امالك امي صابحة تغني كفروج المكانة
فتيحة:وتيشخيرك واصل لحيمود مول لخضرة في رأس الدرب اتنوضي عركتوها لحم بركتو طلقو فصوارخ تحزاقكم لشمو يركبو بوصفير وبسيف كورونا مبغاش تعطينا شبر تيساع
سعيدة خرجات:وهي ناري وغلجوق ضرب لبارح فليل ومي ناضت تقاقي فصباح
فتيحة جمعات زيفها حياتي لتحل وضارت عند التالتة لمهياش فهاد لعالام فمها محلول ومنشورة بحال داخل فيها رموك مزال لكحل مجلخ شعرها وقف بالشطيح والرديح لبارح فلعرس لدارو تخبية فالسطح نساو واش كاينة شي حاجة سميتها كورونا غبدا الجوق لكان يغني ويقيس على حساب البوليس ليسمعهم ويجي يفرتك جقلة وهما ناضو يتناطحو خرجو هوايشهم والحاصول الحال مايشاور هههه تقلبات على كرشها مزال محزمة بالموزون لتاهو تقلب معاها اما فاقت غير على ركلة نيشان لطرمتها
YOU ARE READING
موصيبتي مع الكوميسير
Short Story🐼يالبنيات هانا فإطار قلة مايدار جيت ليكم باش تدوزو لوقت وتديو متعاودو كاين غير المطايفة والمعاطية على الجهد فقصتنا جالسة جالسة قلت نجيب مايبدل الوقت😹 🐼قصة كوميدية بامتياز كاين غضحك والنشاط والمدابزة مع سندس لمكاينش لميعرفهاش وميوقفش يتفرج حيت مدا...
