موصيبتي مع الكوميسير

46

🐞مصيبتي مع الكوميسير🐞
🍇الجزء46🍇
🐼بقلم:
منال برنيش🐼
دازو ايام وجا النهار الجلسة لدازت مزيان توضحي كلشي وسندس هضرات وطلقو امين حنان كانت خارجة شادة فيه مقاداها فرحة تتضحك بصوت عالي وفرحانة وفتيحة و سندس وسعيدة حتى هما خارجين
فتيحة:ايوا حمدالله تفكات بيخير مقادين على طلع ونزل
سعيدة:وإياه ولكن أمي شغنديرو مبقات عندنا لا سلعة لا كروسة
سندس:كلشي كتعوض تبقى غير الصحة
بقاو واقفين شدو طاكسي ركبو كان خارج من بعد مسالا الاجراءات باش يخرج خووه شافها ركبات كانت على السرجم دطاكسي بقا واقف كشوف فيها حتى تحرك الطاكسي وغبرات من قدااامو تنهد ومشى
فليل
كانت متكية ساهية سعيدة ونوال تتفرجو وهي عقلها شاارد تتفكر فراسها شنو غادية دير مستقبلا عندهم شي فلوس يعديو بيهم ولكن من بعد غيتحنسرو مشات الكروسة ديال باها لكانت معيشاهم ولكن مكتاب كل حاجة فيها خير مبغاتش تعاود مرة أخرى بغات تبعد من السيكتور فيه غير لغيط ولحضية غتقلب على راسها ميمكنش تبقى هكا محساتش حتى حا فبالها تنهدات غير هكاك مطلاقاتوش مين خرجات ولكن تفمرات على صدفة جمعاتهم سبحان الله مفيقها من السهوة غسعيدة
سعيدة:هي داك لبرهوش خو الكوميسير
سندس حركات راسها باه
سعيدة رجعات شافت فالتلفازة:عجب ياختي ماماهم متتبانش والدة كاااع
سندس:الخير كيبان على ماليه
نوال تقادات فلجلسة كيفاش نساااات مقالتهاش:ويلييي نسيت تعالي تسمعي
سعيدة:مالك
نوال:ويلي خبار صحيحة كبفاش نسيتها معلينا مهم نهار كنت غتخرجي مشيت للطواليط دلكينيك ايوا يلالة رخيت ودني مع واحد زوج فرمليااات ايوا يلالة سمعت وحدة تتقول للوخرا هاديك لبنت لدايرة كسيدة فشومبغ 21 مفراسكش تيجي عندها ياختي واحد لكوميسير كل ليلة يطل عليها
سندس:زيدي كملي
قبل متكمل هضرتها خرجات عينيها تقاظات وحطات صبعها على صدرها وهي مصدومة ونوال تتبتاسم وتحرك راسها باه سعيدة حتى هي تتشةف فنوال وتشوف فختها