هكون موجوده في المعرض يوم الجمعه بعد الصلاه بإذن الله (الى عايز توقيع على الرواية يبعتلى مسدج)
اقتباس جديد 🙈
انجى بتيه:مانا.. مانا نفذت كل خطتك بالحرف اهو.
جيهان بجنون صرخت:غبييييه.. غبيه وربى.. يابنتى انتى مش روحتى تبكى بألم وتبدى الندم وتبوسى ايده ورجله.
انجى :ايوه.
جيهان :يبقى تكملى للآخر كل الى كان متعود عليه منك ولو ينفع تزوديه زوديه عشان مايشكش فيكى لحظه بصى... عارفه الممسحه؟
امأت انجى بنعم لتكمل جيهان بحماس:عايزاكى بقى تبقى ممسحه تحت رجله زى مابيقولوا تعملى خدك مداس والى خلاكى تستحملى كل الى فات استحملى الشويه دول لحد ما تعملى الى فى دماغك وتاخدى حقك.. ولا انتى كنتى عايزه تقضيها بكا وعياط وترضى بالأمر الواقع... ترضى بخطته ياخد هو الفلوس وانتى تتحبسى.
انجى بخزى:ما عشان انا غلطت بردو وقبلت الحرام على نفسى كان لازم يحصل معايا كده.
جيهان بقوه :ربك غفور رحيم ياختى... رحمته وسعت السما والأرض لكن مايرضاش بالظلم والافترا وهو ظالم ومفترى.
____________________________________
جذبها من معصمها لترتطم باحضانه يحتضنها له رغماً عنها يقول بجنون :ماتزعليش منى... حقك عليا... انا اسف والله... الغيره عمتنى.. ماقدرتش استحمل من حبى ليكى.
حاولت الخروج من بين احضانه لكنه لقوته منعها فتحدثت وفمها فوق كتفه:انت بتقارنى انا بطليقتك يا ماهر... فاكر اني ممكن ابقى زيها... بتشك فيا أنا!
ليزيد من ضمه لها قائلاً بعدما اخذ نفس عمييق :مانتى دايما بتقارنينى بطليقك بردو... وقافله على قلبك خايفه لاطلع زيه مش كده ولا فكرانى مش واخد بالى.
صمت دقيقه وهى عينها تظهر من فوق ظهره متسعه بزهول وهو اكمل بحزن:لأ واخد بالى... بس دايما بوجدلك الف عذر وعذر.. عشان بحبك صابر عليكى وعندى استعدادا اصبر اكتر من كده بكتير بس... بس يكون للصبر ده نهايه يكون فى امل.. بحبك ومش قادر استغنى عنك بس كمان مش قادر تبقى معايا جسم بس.. انا نفسى فى طفل منك وانتى مش عارف ليه رافضه.. طول الوقت بقولك بحبك وانتى لاعمرك قولتيها ولا حتى عبرتى عنها... مع انى اتمنالك الرضا ترضى... ناسى الماضى وعمرى مافكرت فيه وانتى مش قادرة تنسى ودايما حطاه حاجز مابينا... ومع ذلك بردو لسه عندى استعداد اصبر بس ادينى امل... قولى امتى ممكن تحبيني.
يارب تعجبكم هستناكوا الجمعه إن شاء الله يكون يوم حلو 😍😍
أنت تقرأ
شهد حياتي
General Fictionالمركز الأول في رواية بتاريخ 18 /11 فى يوم وليله تحول كل شئ وأصبحت هى زوجته بسبب الظروف تحملت الكثير من اهانات نظرة المجتمع للأرمله صعبه جدا فوافقت على الزواج لتجنب صعوبات المجتمع ولكن ماواجهته من مرار بسبب زوجته كان الأصعب.... مسالمه إلى أقصى درجة...
