ကြားလိုက်ရသော စကားကြောင့် အောင်ကောင်းမြတ်တစ်ယောက်ဆွံ့အမိသည်။ဦး...ဦးရဲက သူ့ကိုအဲ့ဒီကောင်မလေးနဲ့တူလို့ အစားထိုးခဲ့ရုံသက်သက်ပဲ...ဟုတ်လား? ဟင့်အင်း...မဖြစ်နိုင်တာ။သူမ အောင်ကောင်းမြတ်ရဲ့စိတ်ကိုသက်သက်မဲ့ ထိုးနှက်နေတာရော မဖြစ်နိုင်ဘူးလား။ သူခေါင်းကိုတွင်တွင်ခါလိုက်ကာ...
" အန်တီပြောတာတွေ ကျွန်တော်မယုံဘူး။ ဦးက ကျွန်တော့်ကိုသိပ်ချစ်တာ...''
မိမိရှေ့မှ ဘာပြောပြော လှောင်ပြုံးတစ်ခုသာ မူပိုင်ဆောင်ထားပါသော ဦးရဲရဲ့အမေက လွန်စွာကိုမှပင် မုန်းဖို့ကောင်းသည်...။ အောင်ကောင်းမြတ်သည် ဦးရဲ၏ အမေဖြစ်သူမလို့ ကောင်းမွန်စွာ ဆက်ဆံပါသော်လည်း သူတို့ကတော့...။
" ကြာကြာအလိမ်ခံလိုက်စမ်းပါကွယ်...။ မကြာခင်မှာ ငါ့သားတကယ်ချစ်ရတဲ့ ကောင်မလေးက မြန်မာပြည်ပြန်လာတော့မှာ...။ မင်းသူ့နားမှာ ကြာကြာ မရှိရတော့ပါဘူး''
အောင်ကောင်းမြတ်ခုံပေါ်မှ ဝုန်းခနဲထလိုက်ကာ အိမ်တံခါးပေါက်ဝကို လက်ညှိုးညွှန်ပြလိုက်ရင်း...
" အန်တီထွက်သွားပါတော့...''
ထိုအခါ သူမကလည်း မတ်တပ်ရပ်လိုက်ကာ...
" ငါလည်း ဒီလိုမျိုး အဆင့်မရှိ၊ အတန်းမရှိတဲ့အိမ်မှာ စက္ကန့်အပိုင်းအခြားလေးတောင် မနေချင်ပါဘူး။ ငါသားသာရောက်နေတဲ့ နေရာမဟုတ်ရင် အိမ်ရိပ်တောင်နင်းမှာမဟုတ်ဘူး''
" ဒါဆိုလည်းမနင်းနဲ့လေ...အခုခင်ဗျားသားရှိလို့လား...အန်တီ''
အောင်ကောင်းမြတ်အပြောကြောင့် သူမက သူ့ရင်ဘတ်သူဖိပြီး...
" အမယ်လေးနော်...နောက်ဆုံးတော့ အဆင့်မရှိတဲ့သူက အဆင့်မရှိတဲ့ဇပြတာပါပဲလား။ မင်းရဲ့ ကြောင်လက်သည်းဝှက်လိုအမူအယာတွေနဲ့ မြေခွေးလိုကောက်ကျစ်တဲ့ဉာဏ်တွေနဲ့ ငါ့သားကိုတယ်လည်း ဖမ်းစားထားနိုင်ပါကော...''
သူဘာမှပြန်မပြောပဲ လက်သီးကိုသာ ခပ်တင်းတင်းဆုပ်ထားမိတော့သည်။ ဦးရဲအပေါ်မှာ ဘယ်တုန်းကမှ သူမကောက်ကျစ်ခဲ့ဖူးဘူး။ အဖြူစင်အသန့်ရှင်းဆုံးနဲ့ ဦးရဲကို အောင်ကောင်းမြတ်ချစ်ခဲ့တာ။
YOU ARE READING
လွှမ်းမိုးခဲ့ပါသော ဦး
Romanceတအုံ့နွေးနွေးရှိလှပါသော ရင်ခုန်သံတို့နှင့် ဦးရဲ၏ ရင်ခွင်သည် သူ့အတွက်သာလျှင် ထာဝရ...။ သူသာလျှင် ဦးရဲရင်ခွင်ထက်ဝယ် ခိုနားရသည့်သူ...။