عشك محرم

البارت الثاني

‏وبلهفة عراقية :
‏أشمك شمة المهضُوم عالمگتول."🔗💜

………………………………………………………………

فتحت حلكي مصدومه على شي الي داشوفه هسه شنوهاي بالله العظيم ميصير هيجي اف
عكدت حاجبي بضوجه اضرب رجلي باالكاع :
بيبييي

اول ماصيحت كامت توجعني بلاعيمي لزمته
متالمه توجعني حيل اوفف هاذ قهر ثاني نوبا
بيبي متسمعني مــن وره لااغاني الي عالكتهة
هي ولافندي ميثم

مـن سَـآعه السوده باليوم الفكرت اعرفه عليه
هلكد مانسجمو سويا اسمع ضحك خاله والين
كاعدات على القنفه ويباوعن عليهم شلون هو
وبيبي يركصون صاحلي ياشر تعاي

:يله وتين تعالي ويانه وهووو

هو كال هيج لْـۆ اني فرت مــِْن العصبيه يعني
طوه متحمله الديسويه هسه والله عيب لاا و
نوب بيبي وياه المشكله ماكدر احجي

باوعتله بخنزره وركضت عليه اول ماا وصلت
اله ضربته بضربه قويه على.ظهره خليته بس
يكمز مـــِْن الالم

: اخخ ليش ولج اشتعلووو

كام يفرك بظهره ماكو ثواني واني كمزت وياه
من اطتني ضربه بنفس المكان مالته من بيبي
:ولج عوفيه للولد الا تغصيهة علينه

برطمت اكعد بنص خاله وألين بعد مااااسولي
مجال يمهن يضحكن عليه: هههه دعوفي موو
مونسهة لابيبي هههه

درت وجهي على ألين ببطئ مــن كاالتي هيج
مدي اشرب من دمهة شنوو اليضحك كرصته
بزندهة خليتهة تعيط تفكر بيه متالمه اخرشي
صفيت خاله ايدي على خدي انبااعلهم اشلون
منطلقه وياه ههه لابسه فستان

اباوع لاشعر بيبي اشقر يخبل بدون ماتصبغه
مــن اللّه هيج لْـۆ اباوع لابشرتهة صافيه مثل
الحليب وجسمهة الرشيق رغم عمرهة الااا و
هي محافظه عليه وكدرت تحافظ

حركاتهة سرعتهة بيبي رغم عمرهة 55" والي
اني بالنسبه اليه ياااناس رقم جبير بحقه بس
لٱمو على بيبي شلون تكدر تكون بهجمال هاذ

وهلانشاط هاذ تقاسيم وجهة الناعمه تاخذكم
الى بحر مـــِْن الامنيات مــِْن اباوعلهة اشوفف
بيهة الامان والراحه والسلام

عيونهة الملونه تجذب بشكل حلو صفر يزنهن
اللون لاخضر الفاتح

تجولت انظاري نازله لايدهة يزينه ٱڅڑ اصبع
محبس صغير الي اموت واعرف سر ليش ماا
تنزعه ولامره شفتهة نازعته ولامره

بيبي على الرغم مـــِْن جدو ميت صاله هوااي
الا وهيه ماقتنعت تنزع لاسود و جايه تركص
بفستان اسود للتذكر طبعا ههه

دغيت خاله الجانت صافنه بيهم جفلت :يلههه
يمه ماتعبتي

باوعتلنه بيبي مستمره بلاركص:انجبن اني ما
اتعب